ಆಟವಾಡುತ್ತಿದ್ದ ಮಗುವಿನ ಮೇಲೆ ಕುಸಿದ ಕಂಪೌಂಡ್ 3 ವರ್ಷದ ಮಗು ಸಾವು

ಮುನ್ನೂರು ಗ್ರಾಮದ ಸಂತೋಷನಗರ ಸಮೀಪ ನಡೆದ ಘಟನೆ

ಮಂಗಳೂರು ಜೂನ್ 8: ಆಟವಾಡುತ್ತಿರುವಾಗ ಮನೆಯ ಗೇಟ್ ನ ಕಂಪೌಂಡ್ ಕುಸಿದು 3 ವರ್ಷದ ಮಗು ಧಾರುಣವಾಗಿ ಸಾವನಪ್ಪಿರುವ ಘಟನೆ ಮಂಗಳೂರಿನಲ್ಲಿ ನಡೆದಿದೆ.

ಮೃತ ಮಗುವನ್ನು ಅಶ್ರಫ್ ಆಯೇಷಾ ದಂಪತಿ ಪುತ್ರ ಐಮಾನ್( 3 ) ಎಂದು ಗುರುತಿಸಲಾಗಿದೆ. ನಗರದ ಮುನ್ನೂರು ಗ್ರಾಮದ ಸಂತೋಷನಗರ ಮಸೀದಿ ಸಮೀಪದ ಮನೆಯ ಗೇಟ್ ಹತ್ತಿರ ಮಗು ಆಟವಾಡುತ್ತಿದ್ದಾಗ ಇದಕ್ಕಿದ್ದಂತೆ ಕೌಂಪೌಂಡ್ ಗೋಡೆ ಕುಸಿದಿದ್ದು ತಡೆಗೋಡೆಯ ಅಡಿ ಮಗು ಸಿಲುಕಿ ಮೃತಪಟ್ಟಿದೆ ಎಂದು ತಿಳಿದುಬಂದಿದೆ.