ಬರ್ತ್​​ಡೇ ಪಾರ್ಟಿಯಲ್ಲಿ Misfire, ಅಮೆರಿಕದಲ್ಲಿ Indian Student ಸಾವು..!!

ಬರ್ತ್​​ಡೇ ಪಾರ್ಟಿ ವೇಳೆ ಆಕಸ್ಮಿಕವಾಗಿ ಕೋವಿಯಿಂದ ಸಿಡಿದ ಗುಂಡಿಗೆ ಭಾರತೀಯ ಮೂಲದ ವಿದ್ಯಾರ್ಥಿ ಪ್ರಾಣ ಕಳಕೊಂಡ ಘಟನೆ ಅಮೆರಿಕದ ಜಾರ್ಜಿಯಾದ ಅಟ್ಲಾಂಟಾದಲ್ಲಿ ನಡೆದಿದೆ.

ಅಮೇರಿಕ: ಬರ್ತ್​​ಡೇ ಪಾರ್ಟಿ ವೇಳೆ ಆಕಸ್ಮಿಕವಾಗಿ ಕೋವಿಯಿಂದ ಸಿಡಿದ ಗುಂಡಿಗೆ ಭಾರತೀಯ ಮೂಲದ ವಿದ್ಯಾರ್ಥಿ ಪ್ರಾಣ ಕಳಕೊಂಡ ಘಟನೆ ಅಮೆರಿಕದ ಜಾರ್ಜಿಯಾದ ಅಟ್ಲಾಂಟಾದಲ್ಲಿ ನಡೆದಿದೆ.

ತೆಲಂಗಾಣದ ಉಪ್ಪಲ್ ಮೂಲದ ಆರ್ಯನ್ ರೆಡ್ಡಿ (Aryan reddy) ಮೃತ ಯುವಕನಾಗಿದ್ದಾನೆ. ಆರ್ಯಾನ್ ಅಟ್ಲಾಂಟಾದ ಕಾನ್ಸಾಸ್ ಸ್ಟೇಟ್ ಯೂನಿವರ್ಸಿಟಿಯಲ್ಲಿ ಎರಡನೇ ವರ್ಷದ ಸ್ನಾತಕೋತ್ತರ ಪದವಿ ವ್ಯಾಸಂಗ ಮಾಡುತ್ತಿದ್ದ. ಬರ್ತ್ ​ಡೇ ಪಾರ್ಟಿ ವೇಳೆ ಆರ್ಯನ್​ ತನ್ನ ಬಳಿ ಇದ್ದ ಕೋವಿಯನ್ನು ತೆಗೆದು ಸ್ವಚ್ಛಗೊಳಿಸುತ್ತಿದ್ದ. ಈ ವೇಳೆ ಆಕಸ್ಮಿವಾಗಿ ಗುಂಡು ಸಿಡಿದು ನೇರವಾಗಿ ಎದೆ ಸೀಳಿದೆ. ಶಬ್ದ ಕೇಳಿ ಧಾವಿಸಿ ಬಂದ ಸ್ನೇಹಿತರು ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲಿಸಿದ್ದರೂ ಚಿಕಿತ್ಸೆಗೆ ಸ್ಪಂದಿಸದೇ ಆರ್ಯನ್​ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದ್ದಾರೆ. ಸದ್ಯ ಮೃತದೇಹವನ್ನು ಭಾರತಕ್ಕೆ ತರಲಾಗುತ್ತಿದೆ. .