LATEST NEWS
ಕೊಣಾಜೆಯಲ್ಲಿ ಯುವಕನಿಗೆ ಚೂರಿ ಇರಿತ
ಕೊಣಾಜೆಯಲ್ಲಿ ಯುವಕನಿಗೆ ಚೂರಿ ಇರಿತ
ಮಂಗಳೂರು, ಎಪ್ರಿಲ್ 11 : ಮಂಗಳೂರಿನಲ್ಲಿ ಚೂರಿ ಇರಿತ ನಡೆದಿದೆ. ಮಂಗಳೂರು ಪೋಲಿಸ್ ಕಮಿಷನರೇಟ್ ವ್ಯಾಪ್ತಿಯ ಕೊಣಾಜೆ ಪೋಲಿಸ್ ಠಾಣಾ ವ್ಯಾಪ್ತಿಯ ನಾಟೆಕಲ್ ನಲ್ಲಿ ಈ ಇರಿತದ ಘಟನೆ ನಡೆದಿದೆ. 
ಸ್ನೇಹಿತನ ಪುತ್ರನಿಗೆ ಹಲ್ಲೆ ನಡೆಸಿದ ವಿಚಾರದಲ್ಲಿ ಪ್ರಶ್ನಿಸಿದ ಯುವಕನಿಗೆ ಚೂರಿಯಿಂದ ಇರಿಯಲಾಗಿದೆ.
ಗಾಯಾಳುವನ್ನು ಕಿನ್ಯ ಹಿದಾಯತ್ ನಗರದ ಮಹಮ್ಮದ್ ಸಿದ್ದಿಕಿ ಎಂದು ಗುರುತ್ತಿಸಲಾಗಿದೆ. ಇಲ್ಲಿನ ನಾಟೆಕಲ್ ನಲ್ಲಿ ಮಂಗಳವಾರ ತಡ ರಾತ್ರಿ ಈ ಘಟನೆ ಸಂಭವಿಸಿದೆ.
ನಾಟೆಕಲ್ ನಿವಾಸಿ ಅಜ್ಮಲ್ ಚೂರಿ ಇರಿದ ಅರೋಪಿಯಾಗಿದ್ದು,ಆರೋಪಿಅಜ್ಮಲ್ ನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.
ಹಿರಿಯ ಪೋಲಿಸ್ ಅಧಿಕಾರಿಗಳು ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದು, ಕೊಣಾಜೆ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
