ಮುಂಬೈ – ಇಬ್ಬರು ಹುಡುಗಿಯರ ಜೊತೆ ಬೈಕ್ ವೀಲಿಂಗ್ ಸಾಹಸ…!!

ಮುಂಬಯಿ ಎಪ್ರಿಲ್ 01: ಬೈಕ್ ನಲ್ಲಿ ಇಬ್ಬರು ಹುಡುಗಿಯರನ್ನು ಕುರಿಸಿಕೊಂಡು ವೀಲಿಂಗ್ ಮಾಡಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಪೊಲೀಸರು ಮೂವರ ಮೇಲೆ ಪ್ರಕರಣ ದಾಖಲಿಸಿದ್ದು, ಹುಡುಕಾಟ ನಡೆಸಿದ್ದಾರೆ.

ಮುಂಬಯಿ ರಸ್ತೆಯಲ್ಲಿ ವ್ಯಕ್ತಿಯೊಬ್ಬ ಬೈಕ್‌ ನಲ್ಲಿ ಇಬ್ಬರು ಹುಡುಗಿಯರನ್ನು ಕೂರಿಸಿಕೊಂಡು ಹೋಗಿದ್ದಾನೆ. ಒಬ್ಬ ಯುವತಿ ಸವಾರನ ಕಡೆ ಮುಖ ಮಾಡಿ ಅಪ್ಪಿಕೊಂಡು ಕೂತಿದ್ದು, ಮತ್ತೊಂದು ಹುಡುಗಿ ಸವಾರನ ಹಿಂದೆ ಅಪ್ಪಿಕೊಂಡು ಕೂತಿದ್ದಾಳೆ. ವೇಗವಾಗಿ ಹೋಗುತ್ತಾ ಒಂದು ಚಕ್ರವನ್ನು ಎತ್ತಿ ಹುಡುಗ ವೀಲಿಂಗ್‌ ಮಾಡಿಕೊಂಡು ಹೋಗಿದ್ದಾನೆ. ಇಬ್ಬರು ಹುಡುಗಿಯರು ಪಯಣವನ್ನು ಜಾಲಿ ಮಾಡಿಕೊಂಡು ಹೋಗಿದ್ದಾರೆ. ಈ ಕುರಿತ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. 13 ಸೆಕೆಂಡ್‌ ಗಳ ವಿಡಿಯೋ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕುತ್ತಿದ್ದು, ಪ್ರಕರಣವನ್ನು ದಾಖಲಿಸಿ ಬೈಕ್‌ ಸವಾರ ಹಾಗೂ ಇಬ್ಬರು ಯುವತಿಯರ ಹುಡುಕಾಟ ನಡೆಸುತ್ತಿದ್ದಾರೆ.

ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ ಪೊಲೀಸರು ಮೂವರ ವಿರುದ್ಧ ಐಪಿಸಿಯ ಸೆಕ್ಷನ್ 279 (ಅತಿವೇಗದ ಚಾಲನೆ) ಮತ್ತು 336 (ಜೀವಕ್ಕೆ ಅಪಾಯ) ಮತ್ತು ಮೋಟಾರು ವಾಹನ ಕಾಯ್ದೆಯ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.