ಫಾತಿಮಾ‌ ಬೀಚ್ ನೈತಿಕ ಪೊಲೀಸ್ ಗಿರಿ : ಮೂವರ ಬಂಧನ

 ಫಾತಿಮಾ‌ ಬೀಚ್ ನೈತಿಕ ಪೊಲೀಸ್ ಗಿರಿ : ಮೂವರ ಬಂಧನ

ಮಂಗಳೂರು, ಮಾರ್ಚ್ 25 : ತಣ್ಣೀರು ಬಾವಿಯ ಫಾತಿಮಾ‌ ಬೀಚ್ ಬಳಿ ನಡೆದ ನೈತಿಕ ಪೊಲೀಸ್ ಗಿರಿ ಪ್ರಕರಣ ಸಂಬಂಧಿಸಿದಂತೆ ಪೋಲಿಸರು ಮೂವರು ಅರೋಪಿಗಳನ್ನು ಬಂಧಿಸಿದ್ದಾರೆ.

ಬೈಕಂಪಾಡಿ ಮೀನಕಳಿಯದ‌ ಸುಕೇಶ್ ಪುತ್ರನ್, ತಣ್ಣೀರು ಬಾವಿ ನಿವಾಸಿಗಳಾದ ವರುಣ್, ದೀಕ್ಷಿತ್ ಬಂಧಿತ ಆರೋಪಿಗಳಾಗಿದ್ದಾರೆ.

ಇವರು ನೈತಿಕ ಪೊಲೀಸ್ ಗಿರಿ ಹೆಸರಿನಲ್ಲಿ  ಕಾಲೇಜು ವಿದ್ಯಾರ್ಥಿಗಳ ಮೇಲೆ ಹಲ್ಲೆ ನಡೆಸಿದ್ದರು.

ಕಾಲೇಜು ವಿದ್ಯಾರ್ಥಿ- ವಿದ್ಯಾರ್ಥಿನಿಯರು ಬರ್ತ್ ಡೇ ಪಾರ್ಟಿ ನಡೆಸಲು ತಣ್ಣೀರು ಬಾವಿಯ ಫಾತಿಮಾ ಬೀಚಿಗೆ ಬಂದ ಸಂದರ್ಭದಲ್ಲಿ  ಸಬಿತ್, ಸಮೀರ್, ನಿತೇಶ್  ಎಂಬ ವಿದ್ಯಾರ್ಥಿಗಳ ಮೇಲೆ ಹಲ್ಲೆ ನಡೆಸಲಾಗಿತ್ತು.

ಯುವಕರ ಜತೆಗಿದ್ದ ವಿದ್ಯಾರ್ಥಿನಿಯರು ಕ್ರಿಶ್ಚಿಯನ್ ಎಂದು ತಿಳಿದ ಬಳಿ ಆರೋಪಿಗಳು ಸ್ಥಳದಿಂದ ಕಾಲ್ಕಿತ್ತಿದ್ದರು.

ಪ್ರಕರಣದ ಕುರಿತಂತೆ ಪಣಂಬೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.