ವಯಸ್ಸಿಗೂ ಮೀರಿದ ಸಾಧನೆ, 68 ನೇ ವಯಸ್ಸಿಗೆ 7 ನೇ ತರಗತಿ ಪರೀಕ್ಷೆ ಪಾಸಾದ ಮಲಯಾಳಂ ನಟ ಇಂದ್ರನ್ಸ್..!!

ಖ್ಯಾತ ಮಲಯಾಳಂ ನಟ ಇಂದ್ರನ್ಸ್ (Indrans)  ವಯಸ್ಸಿಗೂ ಮೀರಿದ ಸಾಧನೆ ಮಾಡಿದ್ದು 7 ನೇ ತರಗತಿಯ  ಪರೀಕ್ಷೆ ಬರೆದು ಪಾಸಾಗಿದ್ದಾರೆ. ತಿರುವನಂತಪುರಂನ ಅಟ್ಟಕುಲಂಗರದಲ್ಲಿರುವ ಸೆಂಟ್ರಲ್  ಸ್ಕೂಲ್‌ನಲ್ಲಿ ನಟ ಇಂದ್ರನ್ಸ್  ಪರೀಕ್ಷೆ ಬರೆದಿದ್ದರು.

ತಿರುವನಂತಪುರಂ : ಖ್ಯಾತ ಮಲಯಾಳಂ ನಟ ಇಂದ್ರನ್ಸ್ (Indrans)ವಯಸ್ಸಿಗೂ ಮೀರಿದ ಸಾಧನೆ ಮಾಡಿದ್ದು 7 ನೇ ತರಗತಿಯ  ಪರೀಕ್ಷೆ ಬರೆದು ಪಾಸಾಗಿದ್ದಾರೆ. ತಿರುವನಂತಪುರಂನ ಅಟ್ಟಕುಲಂಗರದಲ್ಲಿರುವ ಸೆಂಟ್ರಲ್  ಸ್ಕೂಲ್‌ನಲ್ಲಿ ನಟ ಇಂದ್ರನ್ಸ್  ಪರೀಕ್ಷೆ ಬರೆದಿದ್ದರು.

ಇಂದ್ರನ್ಸ್  ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ ಎಂದು ಕೇರಳ ಶಿಕ್ಷಣ ಸಚಿವ ವಿ ಶಿವನ್ ಕುಟ್ಟಿ ಮಾಹಿತಿ ನೀಡಿದ್ದಾರೆ. ಸಾಕ್ಷರತಾ ಮಿಷನ್ನ ನಿಯಮದ ಪ್ರಕಾರ ಇತ್ತೀಚೆಗೆ ಪರೀಕ್ಷೆಗೆ ಹಾಜರಾಗಿದ್ದರು. 68 ನೇ ವಯಸ್ಸಿನ ಈ  ಮಲಯಾಳಿ ನಟ ಇಂದ್ರನ್ಸ್  7 ನೇ ತರಗತಿ ಪರೀಕ್ಷೆಯನ್ನು ಬರೆದು ಉತ್ತೀರ್ಣರಾಗಿರುವುದು ಗಮನಾರ್ಹ ಸಾಧನೆಯಾಗಿದೆ. 10 ನೇ ತರಗತಿ ಸಮಾನತೆಯನ್ನು ಸಾಧಿಸುವುದು ಇಂದ್ರನ್ನರ ಗುರಿಯಾಗಿದೆ. ನವಕೇರಳ ಸದನಂ ಸಮಾರಂಭದಲ್ಲಿ ಭಾಗವಹಿಸುವಾಗ ಇಂದ್ರನ್ಸ್ ಹೆಚ್ಚಿನ ಅಧ್ಯಯನದಲ್ಲಿ ಆಸಕ್ತಿ ವ್ಯಕ್ತಪಡಿಸಿದರು ಮತ್ತು 10 ನೇ ತರಗತಿಗೆ ತಮ್ಮ ಅರ್ಜಿಯನ್ನು ಹಸ್ತಾಂತರಿಸಿದರು.ಇಂದ್ರನ್ಸ್ ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ತಿರುವನಂತಪುರಂನ ಕುಮಾರಪುರಂ ಶಾಲೆಯಲ್ಲಿ ಪಡೆದರು. ಆಲೋರುಕ್ಕಂ ಚಿತ್ರದಲ್ಲಿನ ಅಭಿನಯಕ್ಕಾಗಿ ಅವರು ಕೇರಳ ರಾಜ್ಯ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಗೆದ್ದರು. ತನ್ನ ನಾಲ್ಕು ದಶಕದ ಸಿನಿಮಾ ಪಯಣದಲ್ಲಿ 400 ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದು ಲಕ್ಷಾಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಇಂದ್ರನ್ಸ್ ಅವರ ಹೋಮ್ ಚಿತ್ರಕ್ಕಾಗಿ ರಾಷ್ಟ್ರೀಯ ಪ್ರಶಸ್ತಿಗೆ ವಿಶೇಷ ಉಲ್ಲೇಖವನ್ನು ಪಡೆದರು.. ಇಂದ್ರಾಸ್ ಅವರ ನಿಜವಾದ ಹೆಸರು ಕೆ ಸುರೇಂದ್ರನ್. ಅವರು ಚಿತ್ರಕ್ಕಾಗಿ ಇಂದ್ರನ್ಸ್ ಎಂಬ ಹೆಸರನ್ನು ತೆಗೆದುಕೊಂಡರು. ತಿರುವನಂತಪುರಂನ ಅಟ್ಟಕುಲಂಗರ ಸೆಂಟ್ರಲ್ ಶಾಲೆಯಲ್ಲಿ ಸಮಾನತೆ ಪರೀಕ್ಷೆ ಬರೆದ ಚಲನಚಿತ್ರ ತಾರೆ ಇಂದ್ರನ್ಸ್ ತೇರ್ಗಡೆಯಾಗಿದ್ದಾರೆ ಎಂದು ವಿ ಶಿವನ್ ಕುಟ್ಟಿ ಸಾಮಾಜಿಕ ಮಾಧ್ಯಮದಲ್ಲಿ ತಿಳಿಸಿದ್ದಾರೆ. ಇಂದ್ರನ್ಸ್ ಮತ್ತು 1483 ವಿಜೇತರಿಗೆ ಅಭಿನಂದನೆಗಳು” ಎಂದು ಸಚಿವರು ಬರೆದಿದ್ದಾರೆ.