ಚೆನ್ನೈ ಮೇ 05: ಹೃದಯಾಘಾತದಿಂದ ಆಸ್ಪತ್ರೆಗೆ ದಾಖಲಾಗಿದ್ದ ದೇಶದ ಪ್ರಖ್ಯಾತ ಯೂಟ್ಯೂಬ್ ಚಾನೆಲ್ ವಿಲೇಜ್ ಕುಕ್ಕಿಂಗ್ (Village Cooking Channel )ಚಾನೆಲ್ ನ ಅಜ್ಜ ಎಂ ಪೆರಿಯತಂಬಿ ಅವರು ಚಿಕಿತ್ಸೆ ಪಡೆದು ಇದೀಗ ಗುಣಮುಖರಾಗಿದ್ದು, ಮತ್ತೆ ಯೂಟ್ಯೂಬ್ ವಿಡಿಯೋಗೆ ಮರಳಿ ಬಂದಿದ್ದಾರೆ.
ಒಂದು ತಿಂಗಳ ಹಿಂದೆ ಹೃದಯಾಘಾತದಿಂದಾಗಿ ಪೆರಿಯತಂಬಿ ಅವರು ಆಸ್ಪತ್ರೆಗೆ ದಾಖಲಾಗಿದ್ದರು. ಈ ಬಗ್ಗೆ ಪೆರಿಯತಂಬಿ ಅವರ ಮೊಮ್ಮಗ ಮಾಹಿತಿ ಹಂಚಿಕೊಂಡಿದ್ದರು. ಇದೀಗ ಪೆರಿಯತಂಬಿ ಅವರು ಗುಣಮುಖರಾಗಿದ್ದು ,ಈ ಬಾರಿ ಪೋಸ್ಟ್ ಆಗಿರುವ ಯೂಟ್ಯೂಬ್ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ.
ಈ ವಿಡಿಯೋದಲ್ಲಿ ಮಾತನಾಡಿದ ಅವರು ನಾನು ಆಸ್ಪತ್ರೆಗೆ ದಾಖಲಾದ ವೇಳೆ ಅಭಿಮಾನಿಗಳು ನನಗಾಗಿ ಪ್ರಾರ್ಥಿಸಿದ್ದರು, ಅದಕ್ಕಾನಿ ನಾನು ಚಿರಋುಣಿ ಎಂದರು. ಈ ವೇಳೆ ರಾಹುಲ್ ಗಾಂಧಿ ಅವರು ಕರೆ ಮಾಡಿ ನನ್ನ ಆರೋಗ್ಯವನ್ನು ವಿಚಾರಿಸಿದ್ದರು. ನನಗೂ ಅತೀ ಶೀಘ್ರದಲ್ಲಿ ಗುಣಮುಖನಾಗಿ ಮತ್ತೆ ನಿಮ್ಮ ಜೊತೆ ಕಾಣಿಸಿಕೊಳ್ಳಬೇಕು ಎಂಬ ಆಸೆ ಇತ್ತು, ದೇವರ ದಯದಿಂದ ನಾನು ಗುಣಮುಖನಾಗಿ ಇದೀಗ ನಿಮ್ಮ ಜೊತೆ ಇದ್ದೇನೆ ಎಂದರು. ಈ ಬಾರಿ ವಿಲೇಜ್ ಕುಕ್ಕಿಂಗ್ ಚಾನೆಲ್ ಪೋಸ್ಟ್ ಮಾಡಿರುವ ಕಲ್ಲಂಗಡಿ ಹಣ್ಣಿನ ಮಿಲ್ಕ್ ಶೇಕ್ ವಿಡಿಯೋದಲ್ಲಿ ಅಜ್ಜ ಪೆರಿಯತಂಬಿ ಲವಲವಿಕೆಯಿಂದ ಇರುವುದು ವಿಡಿಯೋದಲ್ಲಿದೆ.
ತಮಿಳುನಾಡಿನ ಒಂದು ಸಣ್ಣ ಹಳ್ಳಿಯ ಜನ ಅಡುಗೆ ವಿಡಿಯೋ ಮಾಡಿ ಇದೀಗ ವಿಶ್ವದ ಗಮನ ಸೆಳೆದಿದ್ದಾರೆ.