ಮದುವೆ ನಿರಾಕರಿಸಿದ ವಧುವಿನ ಮನೆಯ ಮೇಲೆ ವರನಿಂದ ಗುಂಡಿನ ದಾಳಿ..!

ಕೇರಳ :  ಮದುವೆಯಿಂದ ಹಿಂದೆ ಸರಿದಿದ್ದಕ್ಕೆ  ವಧುವಿನ ಮನೆಯ ಮೇಲೆ ವರ ಗುಂಡು ಹಾರಿಸಿದ (Shootout) ಘಟನೆ ಕೇರಳದ ಕೊಟ್ಟಕಲ್ ನಲ್ಲಿ ನಡೆದಿದೆ.

ಗುಂಡು ಹಾರಿಸಿದ  ಆರೋಪಿ ಅಬುತ್ವಾಹಿರ್ ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.ಮಲಪ್ಪುರಂನ ಕೊಟ್ಟಕಲ್ ನಲ್ಲಿ ಭಾನುವಾರ ರಾತ್ರಿ ಈ ಘಟನೆ ನಡೆದಿದ್ದುಆರೋಪಿ ಅಬುತ್ವಾಹಿರ್  ವಧು ಮನೆಯ ಮೇಲೆ ಬಂದೂಕಿನೊಂದಿಗೆ ದಾಳಿ ಮಾಡಿದ್ದು  ಮೂರು ಸುತ್ತು ಗುಂಡು ಹಾರಿಸಿದ್ದಾನೆ.  ಗುಂಡಿನ ದಾಳಿಗೆ ಮನೆಯ ಕಿಟಕಿ ಗಾಜುಗಳು ಒಡೆದಿವೆ.  ಪೊಲೀಸರು ಪ್ರಕರಣ ದಾಖಲು ಮಾಡಿ ಸ್ಥಳ ಪರಿಶೀಲನೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ.