ಬಾತ್ ರೂಂ ನಲ್ಲಿ ಶವವಾಗಿ ಪತ್ತೆಯಾದ ಖ್ಯಾತ ಮಾಡೆಲ್ ಆದಿತ್ಯ ಸಿಂಗ್

ಮುಂಬೈ ಮೇ 22: ಖ್ಯಾತ ಮಾಡೆಲ್ ಹಾಗೂ ಸಿನೆಮಾ ನಟ ಆದಿತ್ಯ ಸಿಂಗ್ ಮುಂಬೈ ನ ತಮ್ಮ ನಿವಾಸದಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

32 ವರ್ಷದ ಆದಿತ್ಯ ಸಿಂಗ್ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದರು. ಮಾಡೆಲ್ ಲೋಕದಲ್ಲಿ ಜನಪ್ರಿಯತೆ ಗಳಿಸಿದ್ದ ಅವರು ಮುಂಬೈನ ಅಂಧೇರಿಯ ಅವರ ಅಪಾರ್ಟ್​ಮೆಂಟ್​ನ ಬಾತ್​ರೂಂನಲ್ಲಿ ಪತ್ತೆಯಾಗಿದೆ.

ಆದಿತ್ಯ ಸಿಂಗ್ ಶವವನ್ನು ಮೊದಲು ಅವರ ಗೆಳೆಯ ನೋಡಿದ್ದಾರೆ. ಗೆಳೆಯ ಹಾಗೂ ಅಪಾರ್ಟ್​ಮೆಂಟ್​ನ ವಾಚ್​ಮ್ಯಾನ್ ಸೇರಿಕೊಂಡು ಆದಿತ್ಯ ಸಿಂಗ್​ ಅನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಿದ್ದಾರಾದರೂ ಅಲ್ಲಿ ಅವರು ನಿಧನರಾಗಿದ್ದಾಗಿ ಘೋಷಿಸಲಾಗಿದೆ.
ಆದಿತ್ಯ ಸಿಂಗ್, ಮಾದಕ ವಸ್ತು ಸೇವಿಸುತ್ತಿದ್ದು ಅತಿಯಾದ ಮಾದಕ ಸೇವನೆಯಿಂದ ನಿಧನ ಹೊಂದಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆಯಾದರೂ ಮರಣೋತ್ತರ ಪರೀಕ್ಷೆ ಹಾಗೂ ಹೆಚ್ಚಿನ ತನಿಖೆ ಬಳಿಕವಷ್ಟೆ ನಿಜಾಂಶ ಹೊರಗೆ ಬರಲಿದೆ.