Connect with us

FILM

ಬೆತ್ತಲೆ ಫೋಟೋಗಾಗಿ ಎಡಕ್ಕೆ ಸ್ವ್ಯೆಪ್ ಮಾಡಿ ಎಂದ ರೆಜಿನಾ …!

ಹೈದರಾಬಾದ್, ಡಿಸೆಂಬರ್ 18 ​: ನಟ ಚೇತನ್​ ಅಭಿನಯ ಸೂರ್ಯಕಾಂತಿ ಚಿತ್ರದಲ್ಲಿ ನಟಿಸಿ ಕನ್ನಡಿಗರಿಗೂ ಪರಿಚಿತವಾಗಿರುವ ಕಾಲಿವುಡ್​ ಬೆಡಗಿ ರೆಜಿನಾ ಕ್ಯಾಸ್ಸಂದ್ರ ಹೆಚ್ಚಾಗಿ ತಮಿಳು ಮತ್ತು ತೆಲುಗು ಚಿತ್ರರಂಗದಲ್ಲಿ ಹೆಸರು ಮಾಡಿದ್ದಾರೆ. ಡಿ. 13ರಂದು 30ನೇ ಹುಟ್ಟುಹಬ್ಬ ಆಚರಿಸಿಕೊಂಡ ರಜಿನಾಗೆ ಅಭಿಮಾನಿಗಳು ಶುಭಾಶಯಗಳ ಮಹಾಪೂರವನ್ನೇ ಹರಿಸಿದ್ದಾರೆ. ಆದರೆ, ಅಷ್ಟೇ ನಿರಾಸೆಯನ್ನು ಮಾಡಿದ್ದಾರೆ. ಅದಕ್ಕೆ ಕಾರಣ ಅವರು ಮಾಡಿದ ಒಂದು ಇನ್​ಸ್ಟಾಗ್ರಾಂ ಪೋಸ್ಟ್​.

ಹುಟ್ಟುಹಬ್ಬ ಆಚರಣೆಯ ಬಳಿಕ ರಜಿನಾ ಒಂದು ಪೋಸ್ಟ್​ ಮಾಡಿದ್ದರು. ಸುಂದರ ತಾಣವೊಂದಲ್ಲಿ ತುಂಡುಡುಗೆ ಧರಿಸಿದ ಫೋಟೋವನ್ನು ಹರಿಬಿಟ್ಟು, ಬರ್ತಡೇಗೆ ಶುಭಕೋರಿದ ಎಲ್ಲರಿಗೂ ಧನ್ಯವಾದ ಹೇಳಿದ್ದರು. ಅಲ್ಲದೆ, ಫೋಟೋದಲ್ಲಿ ಟ್ವಿಸ್ಟ್​ ಒಂದನ್ನು ನೀಡಿದ್ದ ರೆಜಿನಾ ನನ್ನಬೆತ್ತಲೆ ಫೋಟೋಗಳನ್ನು ನೋಡಲು ಎಡಕ್ಕೆ ಸ್ವೈಪ್​ ಮಾಡಿ ಎಂದಿದ್ದರು.

ಲಡ್ಡು ಬಂದು ಬಾಯಿಗೆ ಬಿತ್ತು ಎಂಬಂತೆ ಅನೇಕ ನೆಟ್ಟಿಗರು ರೆಜಿನಾ ಹೇಳಿದಂತೆ ಎಡಕ್ಕೆ ಸ್ವೈಪ್​ ಮಾಡಿ ನೋಡಿದ್ದಾರೆ. ಅವರು ಹೇಳಿದಂತೆ ಬೆತ್ತಲೆ ಫೋಟೋಗಳನ್ನು ಪೋಸ್ಟ್​ ಮಾಡಿದ್ದರು.

 

ಆದರೆ, ರೆಜಿನಾ ಕೊಟ್ಟ ಟ್ವಿಸ್ಟ್​ ಎಂಥದ್ದು ಅಂದರೆ ಆ ಬೆತ್ತಲೆ ಫೋಟೋಗಳು ತಾವು ಮಗುವಾಗಿದ್ದಾಗ ತೆಗಿಸಿದಂತದ್ದು, ಬಾತ್​ಟಬ್​ನಲ್ಲಿ ಬೆತ್ತಲೆ ಕುಳಿತು ಸ್ನಾನ ಮಾಡುವ ಫೋಟೋಗಳನ್ನು ಹರಿಬಿಟ್ಟು ರೆಜಿನಾ ಅಭಿಮಾನಿಗಳಿಗೆ ಶಾಕ್​ ನೀಡಿದ್ದಾರೆ.

ಇದರ ಬೆನ್ನಲ್ಲೇ ರೆಜಿನಾ ನಮಗೆ ಮೋಸ ಮಾಡಿದರು ಎಂದು ಅನೇಕ ಮೀಮ್ಸ್​ಗಳ ಸಹ ಹರಿದಾಡಿದ್ದು, ಅವುಗಳನ್ನು ರೆಜಿನಾ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಬೆತ್ತಲೆ ಫೋಟೋ ಎಂದು ಬಹಳ ಆಸೆ ಇಟ್ಟುಕೊಂಡಿದ್ದ ಅಭಿಮಾನಿಗಳ ಪಾಲಿಗಂತೂ ನಿರಾಸೆಯಾಗಿದೆ. ಸಿನಿಮಾ ವಿಚಾರಕ್ಕೆ ಬರುವುದಾದರೆ ತಮಿಳು ಚಿತ್ರರಂಗದಲ್ಲಿ ಬಿಜಿಯಾಗಿದ್ದಾರೆ.

Facebook Comments

comments