ಖ್ಯಾತ ಮಲಯಾಳಂ ನಟ ನಿರ್ಮಲ್ ಬೆನ್ನಿ ಹೃದಯಾಘಾತಕ್ಕೆ ಬಲಿ..!

ಇಂದು ಬೆಳಗ್ಗೆ ಹೃದಯಾಘಾತದಿಂದ ನಟ ನಿರ್ಮಲ್ ಬೆನ್ನಿ ನಿಧನರಾಗಿದ್ದಾರೆ ಎಂದು ಚಿತ್ರ ನಿರ್ಮಾಪಕ ಸಂಜಯ್ ಪಡಿಯೂರ್ ಫೇಸ್‌ ಬುಕ್ ನಲ್ಲಿ  ತಿಳಿಸಿದ್ದಾರೆ. “ಪ್ರಿಯ ಸ್ನೇಹಿತನಿಗೆ ಹೃದಯವಿದ್ರಾವಕ ವಿದಾಯ… ಆಮೇನ್ ಚಿತ್ರದಲ್ಲಿನ ಕೇಂದ್ರ ಪಾತ್ರ ಕೊಚ್ಚನಾಗಿ ನಟಿಸಿದ್ದ ನನ್ನ ಪ್ರಿಯ ಸ್ನೇಹಿತ ನಿರ್ಮಲ್ ಇಂದು ಬೆಳಗ್ಗೆ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಪ್ರಿಯ ಸ್ನೇಹಿತನ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಪ್ರಾರ್ಥಿಸುತ್ತೇನೆ” ಎಂದು ಅವರು ಫೇಸ್ಬುಕ್‌ನಲ್ಲಿ ಬರೆದಿದ್ದಾರೆ. ಲಿಜೋ ಜೋಸ್ ಪೆಲ್ಲಿಶೇರಿಯವರ ‘ಆಮೇನ್’ ಚಿತ್ರದ ಮೂಲಕ ಗಮನ ಸೆಳೆದ ನಿರ್ಮಲ್, 2012ರಲ್ಲಿ ‘ನವಾಗತರಿಗೆ ಸ್ವಾಗತಂ’ ಚಿತ್ರದ ಮೂಲಕ ಬೆಳ್ಳಿ ಪರದೆಗೆ ಪರಿಚಯವಾದರು. ಆಮೇನ್, ದೂರಂ ಸೇರಿದಂತೆ ಐದು ಚಿತ್ರಗಳಲ್ಲಿ ಅಭಿನಯಿಸಿದ್ದರು. ಯೂಟ್ಯೂಬ್ ವೀಡಿಯೋಗಳಲ್ಲೂ ಪ್ರಸಿದ್ಧರಾಗಿದ್ದರು. 2012ರಲ್ಲಿ ನಿರ್ಮಲ್ ಅವರು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದು, ಅವರು ಮಲಯಾಳಂನಲ್ಲಿ 12 ವರ್ಷಗಳಲ್ಲಿ 5 ಸಿನಿಮಾಗಳಲ್ಲಿ ನಟನೆ ಮಾಡಿದ್ದಾರೆ. ಅವರ ನಟನೆಯ ಮೊದಲ ಸಿನಿಮಾ ‘ನವಗತರ್ಕ್ ಸ್ವಾಗತಂ’ ಆಗಿದೆ. ಲಿಜೋ ಜೋಸ್ ಪೆಲ್ಲಿಸೆರಿ ನಿರ್ದೇಶನದ ‘ಅಮೆನ್’ ಸಿನಿಮಾದಲ್ಲಿ ಕೊಚ್ಚನ್ ಹೆಸರಿನ ಪಾತ್ರ ಮಾಡಿದ್ದು, ಇದರಲ್ಲಿ ಅವರು ಮಾಡಿದ ಪಾತ್ರಕ್ಕೆ ಅಭಿಮಾನಿಗಳು ಅವರ ನಟನೆಗೆ ಫಿದಾ ಆಗಿದ್ದರು. ನಿರ್ಮಲ್ ಅವರು ಕಲಾವಿದನಾಗಿ ನಟನೆ ಮಾಡಿದ್ದಕ್ಕಿಂತ ಹೆಚ್ಚು ಯೂಟ್ಯೂಬ್ ವಿಡಿಯೋಗಳ ಮೂಲಕ ಹೆಚ್ಚು ಗಮನ ಸೆಳೆದಿದ್ದರು.