ಹಂಟರ್ ಕ್ವೀನ್ ಹುಡುಕಿ 30 ಸಾವಿರ ದಂಡ ವಸೂಲಿ ಮಾಡಿದ ಪೊಲೀಸರು…!!

ಪಾಟ್ನಾ ಜುಲೈ 17: ಬೈಕ್ ನಲ್ಲಿ ಗನ್ ಹಿಡಿದು ಅಪಾಯಕಾರಿಯಾಗಿ ಸ್ಟಂಟ್ ಮಾಡಿದ್ದ ಹಂಟರ್ ಕ್ವಿನ್ ಖ್ಯಾತಿಯ ಯುವತಿಯನ್ನು ಪೊಲೀಸರು ಅರೆಸ್ಟ್ ಮಾಡಿದ್ದು, 30 ಸಾವಿರ ದಂಡ ವಸೂಲಿ ಮಾಡಿದ್ದಾರೆ.

ಹಂಟರ್ ಕ್ವೀನ್ ಎಂಬ ಇನ್ಸ್ಟಾಗ್ರಾಂ ಖಾತೆಯನ್ನು ಹೊಂದಿರುವ ಅಪ್ರಾಪ್ತ ಬಾಲಕಿ ಬೈಕ್ ನಲ್ಲಿ ಅಪಾಯಕಾರಿ ಸ್ಟ್ಂಟ್ ಮಾಡಿ ವಿಡಿಯೋ ಅಪ್ಲೋಡ್ ಮಾಡುತ್ತಿದ್ದಳು, ಇತ್ತೀಚೆಗೆ ಈ ಅಪ್ರಾಪ್ತ ಬಾಲಕಿ ಗಂಗಾಪಥ ಮರೈನ್ ಡ್ರೈವ್‌ನಲ್ಲಿ ಬೈಕ್ ನ  ಹ್ಯಾಂಡಲ್ ಹಿಡಿಯದೆ, ಬೈಕ್‌ನಲ್ಲಿ ಎದ್ದುನಿಂತು, ಪಿಸ್ತೂಲ್ ಬೀಸುತ್ತಾ ಅತಿವೇಗದಲ್ಲಿ ಬೈಕ್ ಚಲಾಯಿಸುತ್ತಿದ್ದಳು.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಬೆನ್ನಲ್ಲೇ ಪೊಲೀಸರು ಯುವತಿಯನ್ನು ಹುಡುಕಿ ಅರೆಸ್ ಮಾಡಿದ್ದಾರೆ. ಅಲ್ಲದೆ ಅಪಾಯಕಾರಿಯಾಗಿ ಬೈಕ್ ಓಡಿಸಿದ್ದಕ್ಕೆ 30 ಸಾವಿರ ದಂಡ ವಸೂಲಿ ಮಾಡಿದ್ದು, ಓಡಿಸಿದ ಬೈಕ್ ನ ನೊಂದಣಿಯನ್ನು ಒಂದು ವರ್ಷಕ್ಕೆ ರದ್ದು ಮಾಡಿದ್ದಾರೆ.

ಬಂಧನಕ್ಕೊಳಗಾದ ನಂತರ, ಅಪ್ರಾಪ್ತ ಬಾಲಕಿ ತನ್ನ ಕೃತ್ಯಕ್ಕೆ ವಿಷಾದಿಸಿದ್ದಳು. “ಕೆಲವು ದಿನಗಳ ಹಿಂದೆ ನಾನು ಮರೈನ್ ಡ್ರೈವ್‌ನಲ್ಲಿ ಸಾಹಸ ಮಾಡಿದ್ದೇನೆ ಮತ್ತು ಅದನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ್ದೇನೆ. ಇದು ನನಗೆ ಮಾತ್ರವಲ್ಲದೆ ಇತರರಿಗೂ ಮಾರಕವಾಗಿ ಪರಿಣಮಿಸುವ ಅಪಾಯಕಾರಿ ಕೃತ್ಯವಾಗಿತ್ತು. ಭವಿಷ್ಯದಲ್ಲಿ ಇಂತಹ ಕೃತ್ಯವನ್ನು ಪುನರಾವರ್ತಿಸುವುದಿಲ್ಲ ಎಂದು ಬಾಲಕಿ ಹೇಳಿದ್ದಾರೆ.