LATEST NEWS
ದೀನ ದಲಿತರ ದಾರಿ ದೀಪ ಈ “ರಾಜಕೇಸರಿ”
ದೀನ ದಲಿತರ ದಾರಿ ದೀಪ ಈ “ರಾಜಕೇಸರಿ”
ಮಂಗಳೂರು: ದೀನ ದಲಿತರ ಏಳಿಗೆಗೆ ನಿರಂತರವಾಗಿ ಶ್ರಮಿಸುತ್ತಿರುವ ರಾಜಕೇಸರಿ ಸಂಘಟನೆ ಕಳೆದ ಏಳು ವರ್ಷಗಳಿಂದ ಸಮಾಜಸೇವೆಯಲ್ಲಿ ಗುರುತಿಸಿಕೊಂಡಿದೆ.
ಸಮಾಜದಲ್ಲಿ ಅಸಹಾಯಕರಾಗಿರುವ ಹಲವು ಕುಟುಂಬಗಳಿಗೆ ದಾರಿ ದೀಪದಂತೆ ಉರಿಯುತ್ತಿರುವ ಈ ಸಂಘಟನೆ ಈ ವರೆಗೆ ಸುಮಾರು 50 ಲಕ್ಷಕ್ಕೂ ಮಿಕ್ಕಿದ ಧನ ಸಹಾಯವನ್ನು ದೀನದಲಿತರಿಗೆ ನೀಡಿ ಸುದ್ಧಿಯಲ್ಲಿದೆ.
ಸುಮಾರು 373 ಕಡು ಬಡತನದಲ್ಲಿರುವ ಕುಟುಂಬಗಳಿಗೆ ಧನ ಸಹಾಯದ ಜೊತೆಗೆ ತಿಂಗಳಿಗೆ ಬೇಕಾದ ಆಹಾರ ಸಾಮಾಗ್ರಿಗಳನ್ನೂ ನೀಡುತ್ತಿರುವ ಈ ಸಂಘಟನೆಯಲ್ಲಿ ದಿನಗೂಲಿಯಾಗಿ ದುಡಿಯುವ ಯುವಕರೇ ಹೆಚ್ಚಾಗಿದ್ದಾರೆ.
ತಮ್ಮ ದುಡಿಮೆಯ ಒಂದು ಪಾಲನ್ನು ನಿರ್ಗತಿಕರಿಗೆ ಹಂಚಬೇಕು ಎನ್ನುವ ಧ್ಯೇಯೋದ್ಧೇಶದಿಂದ ಆರಂಭಗೊಂಡ ರಾಜಕೇಸರಿ ಸಂಘಟನೆ ಇದೀಗ ರಾಜ್ಯದ ವಿವಿಧೆಡೆಗಳಲ್ಲೂ ತಮ್ಮ ಸಹ ಸಂಘಟನೆಗಳನ್ನು ಆರಂಭಿಸಿದೆ.
ಉಡುಪಿ,ದಕ್ಷಿಣಕನ್ನಡ, ದಾವಣಗೆರೆ,ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಈಗಾಗಲೇ ಬಡು ಕುಟುಂಬಗಳಿಗಾಗಿ ದುಡಿಯುವ ಈ ಸಂಘಟನೆ ಮುಂದಿನ ದಿನಗಳಲ್ಲಿ ಇನ್ನಷ್ಟು ವಿಸ್ತರಿಸುವ ಯೋಜನೆಯನ್ನೂ ಹೊಂದಿದೆ.
