ಸುಳ್ಯದಲ್ಲಿ ರಾಜಾರೋಷವಾಗಿ ನಡೆಯುತ್ತಿರುವ ದನಕಳ್ಳತನ

ಸುಳ್ಯದಲ್ಲಿ ರಾಜಾರೋಷವಾಗಿ ನಡೆಯುತ್ತಿರುವ ದನಕಳ್ಳತನ

ಸುಳ್ಯ ಫೆಬ್ರವರಿ 16: ಮಾರುತಿ 800 ಹಾಗೂ ಸ್ಕೋರ್ಪಿಯೋ ಕಾರಿನಲ್ಲಿ ಸುಳ್ಯ ಚೆನ್ನಕೇಶ್ವರ ದೇವಸ್ಥಾನದ ಆವರಣದಿಂದ ದನಗಳನ್ನು ಕದ್ದು ಸಾಗಿಸುತ್ತಿರುವುದು ದೇವಸ್ಥಾನದ ಸಿ.ಸಿ.ಕ್ಯಾಮಾರಾ ದಲ್ಲಿ ದಾಖಲಾಗಿದೆ.

ಫೆಬ್ರವರಿ 16 ರಂದು ಮುಂಜಾನೆ 2.22 ರ ಸುಮಾರಿಗೆ ಈ ಘಟನೆ ನಡೆದಿರೋದು ಸಿ.ಸಿ.ಕ್ಯಾಮಾರಾದಲ್ಲಿ ದಾಖಲಾಗಿದೆ. ವಿಪರ್ಯಾಸವೆಂದರೆ ಸುಳ್ಯ ಪೋಲೀಸ್ ಠಾಣೆಯ ಕೂಗಳತೆಯ ದೂರದಲ್ಲಿ ಈ ಘಟನೆ ನಡೆದಿದ್ದು, ಜಿಲ್ಲೆಯಲ್ಲಿ ದನ ಕಳ್ಳತನ ರಾಜಾರೋಷವಾಗಿ ನಡೆಯುತ್ತಿದೆ ಎನ್ನುವುದಕ್ಕೆ ಸಾಕ್ಷಿ ಎಂಬಂತಿದೆ.

ಜಿಲ್ಲೆಯಲ್ಲಿ ದನಕಳ್ಳತನ ನಡೆಯುತ್ತಿರುವ ಹಿನ್ನಲೆಯಲ್ಲಿ ವಿವಿಧ ಸಂಘಟನೆಗಳು ಪೊಲೀಸ್ ಇಲಾಖೆಯ ಮೇಲೆ ಒತ್ತಡ ಹೇರಲು ಹೋರಾಟದ ಹಾದಿ ಹಿಡಿಯಲು ನಿರ್ಧರಿಸಿವೆ.

VIDEO