Connect with us

FILM

ಮಹಿಳೆಯೊಬ್ಬರಿಗೆ ಟ್ವಿಟ್ಟರ್ ನಲ್ಲಿ ಬಹಿರಂಗವಾಗಿ ಕ್ಷಮೆಯಾಚಿಸಿದ ಅಮಿತಾಭ್…!

ಮುಂಬೈ, ಡಿಸೆಂಬರ್ 30 : ಬಾಲಿವುಡ್​ ನಟ ಅಮಿತಾಭ್​ ಬಚ್ಚನ್ ಸದಾ ಸಾಮಾಜಿಕ ಜಾಲತಾಣದಲ್ಲಿ ಸಕ್ರೀಯರಾಗಿದ್ದು, ದಿನವೂ ಒಂದಿಲ್ಲೊಂದು ಮಾಹಿತಿಗಳನ್ನು ಹಂಚಿಕೊಳ್ಳುತ್ತಾರೆ​. ಅದರಲ್ಲಿಯೂ ಅವರ ತಂದೆ ಹರಿವಂಶರಾಜ್​ ಬಚ್ಚನ್​ ಪ್ರಸಿದ್ಧ ಕವಿಯಾಗಿದ್ದರಿಂದ ಅಮಿತಾಭ್​ ಬಚ್ಚನ್ಗೂ ಕವನದ ಬಗ್ಗೆ ಅಪಾರ ಆಸಕ್ತಿ.

ಈ ಕವನ ಈ ನಟನನ್ನು ಬಹಿರಂಗವಾಗಿ ಕ್ಷಮೆಯಾಚಿಸುವಂತೆ ಮಾಡಿದೆ. ಟ್ವಿಟರ್​ ಮೂಲಕ ತಿಶಾ ಅಗರ್​ವಾಲ್​ ಎಂಬ ಮಹಿಳೆಗೆ ಅಮಿತಾಭ್​ ಬಚ್ಚನ್​ ಕ್ಷಮೆ ಕೋರಿದ್ದಾರೆ.

ಇತ್ತೀಚೆಗಷ್ಟೇ ಅಮಿತಾಭ್ ಅವರು ಕವನವೊಂದನ್ನು ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಆದರೆ ಅದನ್ನು ಬರೆದವರು ಯಾರು ಎಂದು ಅವರ ಹೆಸರು ನಮೂದು ಮಾಡಿರಲಿಲ್ಲ. ಈ ಕವನ ತಮಗೆ ತುಂಬಾ ಇಷ್ಟವಾಯಿತು ಎಂದು ಬರೆದುಕೊಂಡಿದ್ದರು. ಚಹ ಸೇವನೆಯಿಂದ ಮನಸ್ಸಿಗೆ ಉಂಟಾಗುವ ಅಹ್ಲಾದದ ಕುರಿತಾದ ಕವನ ಅದಾಗಿದ್ದು. ಚಹವನ್ನು ಸೇವಿಸುತ್ತಾ ಇರುವ ತಮ್ಮ ಫೋಟೋ ಜತೆ ಈ ಕವನವನ್ನು ಅಮಿತಾಭ್​ ಶೇರ್​ ಮಾಡಿದ್ದರು.

ಅದಕ್ಕೆ ಅವರ ಅಭಿಮಾನಿಗಳಲ್ಲಿ ಒಬ್ಬರಾಗಿರುವ ತಿಶಾ ಅಗರ್​ವಾಲ್​ ಅವರು, ‘ಸರ್, ನಿಮ್ಮ ಟ್ವಿಟ್ಟರ್ ಖಾತೆಯನ್ನು ನನ್ನ ಕವನ ನೋಡಲು ನಾನು ಪುಣ್ಯ ಮಾಡಿದ್ದೇನೆ. ಅದನ್ನು ಬರೆದವಳು ನಾನು. ನಿಮ್ಮ ಕವನದ ಜತೆಗೆ ನನ್ನ ಹೆಸರು ಇದ್ದಿದ್ದರೆ ನನ್ನ ಖುಷಿ, ಹೆಮ್ಮೆ ದುಪ್ಪಟ್ಟಾಗಿರುತ್ತಿತ್ತು’ ಎಂದು ಹೇಳಿದ್ದಾರೆ.

ಈ ಪ್ರತಿಕ್ರಿಯೆ ನೋಡಿ ಅಮಿತಾಭ್ ಹೊಸದೊಂದು ಟ್ವೀಟ್ ಮಾಡಿ ಕ್ಷಮೆ ಕೋರಿದ್ದಾರೆ. ಈ ಕವನ ಇಷ್ಟವಾಯಿತು. ಆದರೆ ಬರೆದದ್ದು ಯಾರು ಎಂದು ತಿಳಿದಿರಲಿಲ್ಲ. ಈ ಕವನದ ಟ್ವೀಟ್‌ ತಿಶಾ ಅಗರ್‌ವಾಲ್ ಅವರಿಗೆ ಸೇರುವುದು. ಈ ಕವನ ಯಾರು ಬರೆದಿದ್ದಾರೆ ಎಂದು ಗೊತ್ತಿರದೇ ಪೋಸ್ಟ್ ಮಾಡಿದ್ದಾಗಿ ಬಹಿರಂಗವಾಗಿ ಕ್ಷಮೆ ಕೋರುತ್ತೇನೆ ಎಂದಿದ್ದಾರೆ.

ಈ ಟ್ವೀಟ್​ಗೆ ಮೆಚ್ಚುಗೆಗಳ ಮಹಾಪೂರವೇ ಹರಿದುಬಂದಿದೆ. ದೊಡ್ಡವರ ದೊಡ್ಡಗುಣ ಎಂದು ಅನೇಕ ಮಂದಿ ಟ್ವೀಟ್​ ಮಾಡಿದ್ದಾರೆ.

Facebook Comments

comments