ಉಡುಪಿ ಗ್ಯಾಂಗ್ ವಾರ್- ತಮ್ಮದೇ ಗ್ಯಾಂಗ್ ನ ವಿರುದ್ದ ಎಫ್ಐಆರ್ ದಾಖಲಿಸಿದ ಪುಡಿ ರೌಡಿಗಳು

ಉಡುಪಿ ಮೇ 27: ಉಡುಪಿ ನಗರದಲ್ಲಿ ಪುಡಿ ರೌಡಿಗಳ ದಾಂಧಲೆ ಸಂಬಂಧಿಸಿದಂತೆ ಇದೀಗ ಮತ್ತೆ ಮೂವರು ಎಫ್ಐಆರ್ ದಾಖಲಾಗಿದೆ. ಉಡುಪಿ ನಗರ ಠಾಣೆಯಲ್ಲಿ ಬಂಧಿತ ಆರೋಪಿ  ತನ್ನದೇ ಗ್ಯಾಂಗ್ ವಿರುದ್ದ ದೂರು ದಾಖಲಿಸಿದ್ದಾರೆ.  ಬಂಧಿತ  ಗರುಡ ಗ್ಯಾಂಗ್ ನ ಸದಸ್ಯ ಮಹಮ್ಮದ್ ಸಕ್ಲೈನ್ ಎಂಬಾತ ಶರೀಫ್, ಅಲ್ಫಾಜ್, ಮಜೀದ್ ವಿರುದ್ಧ ದೂರು ದಾಖಲಿಸಿದ್ದು. ಕಾರು ಅಡ್ಡ ಹಾಕಿ ತಲವಾರು ದೊಣ್ಣೆಯಿಂದ ಮಾರಣಾಂತಿಕ ಹಲ್ಲೆ ನಡೆಸಿರುವ ಬಗ್ಗೆ ದೂರು ದಾಖಲಾಗಿದೆ.,

ಈ ನಡುವೆ ಉಡುಪಿ ನಗರ ಠಾಣೆ ಇನ್ ಸ್ಪೆಕ್ಟರ್ ಶ್ರೀಧರ ವಸಂತ ಸತಾರೆ ಅವರು ಸುಮೋಟೋ ಪ್ರಕರಣ ದಾಖಲಿಸಿದ್ದಾರೆ. ಗರುಡಾ ಗ್ಯಾಂಗ್ ನ ಗಲಾಟೆಯ ವೈರಲ್ ಆದ ಒಂದುವರೆ ನಿಮಿಷದ ವಿಡಿಯೋ ಆಧಾರದಲ್ಲಿ ದೂರು ದಾಖಲಾಗಿದೆ.
ಮತ್ತೊಂದು ಎಫ್ಐಆರ್ ಗಾಯಾಳು ಮಹಮ್ಮದ್ ಶರೀಫ್ ನಿಂದ ದಾಖಲಾಗಿದೆ. ಈತ ತನ್ನದೇ ಗ್ಯಾಂಗ್ ನ ಆಶಿಕ್ ವಿರುದ್ಧ ದೂರು ನೀಡಿದ್ದಾರೆ. ಆಶಿಕ್ ಬಗ್ಗೆ ಪೊಲೀಸರಿಗೆ ಶರೀಫ್ ಮಾಹಿತಿ ನೀಡಿದ್ದಾಗಿ ಆರೋಪಿಸಿ ಹಲ್ಲೆ ನಡೆಸಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಸದ್ಯ ಪೊಲೀಸರು ಆಶಿಕ್ ನನ್ನು ಹುಡುಕುತ್ತಿದ್ದಾರೆ.