ವಿಮಾನದ ನಿರ್ಗಮನ ವಿಳಂಬವಾಗುತ್ತೆ ಎಂದ ಪೈಲಟ್‌ಗೆ ಥಳಿಸಿದ ಪ್ರಯಾಣಿಕ..!

ಹೊಸದಿಲ್ಲಿ: ವಿಮಾನದ ನಿರ್ಗಮನ ವಿಳಂಬವಾಗುತ್ತೆಯೆಂದು  ಉದ್ಘೋಷಣೆ ಮಾಡುತ್ತಿದ್ದ ಪೈಲಟ್‌ ಮೇಲೆ  ವಿಮಾನದ ಪ್ರಯಾಣಿಕರೊಬ್ಬರು ಹಲ್ಲೆ ನಡೆಸಿದ ಆಘಾತಕಾರಿ ಘಟನೆ  ದೆಹಲಿಯಲ್ಲಿ ಇಂಡಿಗೋ ವಿಮಾನದಲ್ಲಿ ನಡೆದಿದೆ.

A passenger punched an Indigo capt in the aircraft as he was making delay announcement. The guy ran up from the last row and punched the new Capt who replaced the previous crew who crossed FDTL. Unbelievable ! @DGCAIndia @MoCA_GoI pic.twitter.com/SkdlpWbaDd

— Capt_Ck (@Capt_Ck) January 14, 2024

ದಟ್ಟ ಮಂಜು ಕವಿದ ವಾತಾವರಣದಿಂದಾಗಿ ದಿಲ್ಲಿಯಿಂದ ಗೋವಾಗೆ ತೆರಳಬೇಕಿದ್ದ ಇಂಡಿಗೋ ವಿಮಾನ ಹಲವು ಗಂಟೆಗಳ ಕಾಲ ವಿಳಂಬಗೊಂಡಿತ್ತು. ಪೈಲಟ್‌ ಮೇಲೆ ಕೈ ಮಾಡಿದ ಪ್ರಯಾಣಿಕನನ್ನು ಸಾಹಿಲ್‌ ಕಟಾರಿಯಾ ಎಂದು ಗುರುತಿಸಲಾಗಿದ್ದು ಆತನನ್ನು ಬಂಧಿಸಲಾಗಿದೆ.  ಹಳದಿ ಬಣ್ಣದ ಹೂಡಿ ಧರಿಸಿದ್ದ ಪ್ರಯಾಣಿಕರೊಬ್ಬರು ಹಿಂದಿನ ಸಾಲಿನಿಂದ ದಿಢೀರ್‌ ಎಂದು ಎದ್ದು ವಿಮಾನದ ಸಹ-ಪೈಲಟ್‌ ಅನೂಪ್‌ ಕುಮಾರ್‌ಗೆ ಹಲ್ಲೆಗೈದಿದ್ದಾನೆ. ವಿಮಾನದ ನಿರ್ಗಮನ ಹಲವು ಗಂಟೆಗಳ ಕಾಲ ವಿಳಂಬಗೊಂಡಿದ್ದರಿಂದ ಹಿಂದಿನ ಸಿಬ್ಬಂದಿಯ ಸ್ಥಾನದಲ್ಲಿ ಅನೂಪ್‌ ಆಗಮಿಸಿದ್ದರು ಹಾಗೂ ವಿಳಂಬದ ಕುರಿತು ಮಾಹಿತಿ ನೀಡುತ್ತಿದ್ದರು. ಈ ಸಂದರ್ಭ ಈ ಘಟನೆ ನಡೆದಿದ್ದು ತಕ್ಷಣ ವಿಮಾನದಿಂದ ಆರೋಪಿ ಪ್ರಯಾಣಿಕನನ್ನು ಕೆಳಗಿಳಿಸಿ ಭದ್ರತಾ ಸಿಬ್ಬಂದಿಗಳಿಗೊಪ್ಪಿಸಲಾಯಿತು.