LATEST NEWS
ಸೌದಿ ಅರೇಬಿಯಾದ ಮಕ್ಕಾ ಮಸೀದಿಯಲ್ಲಿ ವೃದ್ಧ, ವಿಕಲಚೇತನರಿಗಾಗಿ ಸ್ಮಾರ್ಟ್ ಗಾಲ್ಫ್ ಕಾರ್ಟ್ ಸೇವೆ..!
ಜೆದ್ದಾ: ಪವಿತ್ರ ಸ್ಥಳ ಸೌದಿ ಅರೇಬಿಯಾದ ಮಕ್ಕಾದ ಗ್ರ್ಯಾಂಡ್ ಮಸೀದಿಯಲ್ಲಿ ವೃದ್ದರಿಗೆ, ವಿಕಲಚೇತನರಿಗೆ ಸ್ಮಾರ್ಟ್ ಗಾಲ್ಫ್ ಕಾರ್ಟ್ ಸೇವೆಗಳನ್ನು ಸರ್ಕಾರ ಜಾರಿಗೆ ತಂದಿದೆ.
ವಾರ್ಷಿಕ ಉಮ್ರಾ ಋತುವಿನ ಅತ್ಯುನ್ನತ ಅವಧಿಯನ್ನು ಸೂಚಿಸುವ ಪವಿತ್ರ ತಿಂಗಳಾದ ರಂಜಾನ್ನಲ್ಲಿ ವಿಶೇಷ ಅಗತ್ಯತೆಗಳನ್ನು ಹೊಂದಿರುವ ಹಿರಿಯರು, ರೋಗಿಗಳು ಮತ್ತು ವಿಕಲಚೇತನ ಯಾತ್ರಾರ್ಥಿಗಳಿಗೆ ಈ ಸೇವೆ ಉಪಯುಕ್ತವಾಗಿದೆ. ಗ್ರ್ಯಾಂಡ್ ಮಸೀದಿಯ ಛಾವಣಿಯ ಮೇಲೆ ಗಾಲ್ಫ್ ಕಾರ್ಟ್ ಸೇವೆ ಲಭ್ಯವಾಗುತ್ತದೆ. ಗೊತ್ತುಪಡಿಸಿದ ಯಾತ್ರಿಕರು ಅಜ್ಯಾದ್ ಎಸ್ಕಲೇಟರ್ಗಳು, ಕಿಂಗ್ ಅಬ್ದುಲಜೀಜ್ ಗೇಟ್ ಎಲಿವೇಟರ್ಗಳು ಮತ್ತು ಉಮ್ರಾ ಗೇಟ್ ಎಲಿವೇಟರ್ಗಳ ಪ್ರವೇಶದ್ವಾರಗಳ ಮೂಲಕ ಗಾಲ್ಫ್ ಕಾರ್ಟ್ ಸೈಟ್ ಅನ್ನು ತಲುಪಬಹುದು ಎಂದು ಪ್ರಾಧಿಕಾರ ಹೇಳಿದೆ. ಗಾಲ್ಫ್ ಕಾರ್ಟ್ ಕಾರ್ಯಾಚರಣೆಯ ಸಮಯವು ಪ್ರತಿದಿನ ಸಾಯಂಕಾಲ 4:00 ರಿಂದ ಬೆಳಗ್ಗೆ 4:00 ರವರೆಗೆ 12 ಗಂಟೆಗಳಾಗಿರುತ್ತದೆ. ತವಾಫ್ ಮಾಡಲು ಮಾತ್ರ ಈ ಸೇವೆಯನ್ನು ಒದಗಿಸಲಾಗಿದೆ ಮತ್ತು ಪ್ರತಿ ವ್ಯಕ್ತಿಗೆ ಮೌಲ್ಯವರ್ಧಿತ ತೆರಿಗೆ ಸೇರಿದಂತೆ ಇದರ ಶುಲ್ಕ 25 ಸೌದಿ ರಿಯಾಲ್ ಆಗಿದೆ ಎಂದು ಪ್ರಾಧಿಕಾರ ಹೇಳಿದೆ. ತವಾಫ್ ಮಾಡಲು 50 ಗಾಲ್ಫ್ ಕಾರ್ಟ್ಗಳು ಲಭ್ಯವಿವೆ ಮತ್ತು ಪ್ರತಿ ಕಾರ್ಟ್ನ ಸಾಮರ್ಥ್ಯವು 10 ಪ್ರಯಾಣಿಕರು ಆಗಿದೆ. ಗ್ರ್ಯಾಂಡ್ ಮಸೀದಿಯ ಮೇಲ್ಛಾವಣಿಯಲ್ಲಿ ಲಭ್ಯವಿರುವ ಮಾರಾಟ ಕೇಂದ್ರಗಳ ಮೂಲಕ ಟಿಕೆಟ್ಗಳನ್ನು ಖರೀದಿಸುವ ಮೂಲಕ ಕಾರ್ಟ್ಗಳನ್ನು ಬಳಸಬಹುದು ಎಂದು ಪ್ರಾಧಿಕಾರ ತಿಳಿಸಿದೆ.
You must be logged in to post a comment Login