ಕೋಟಿ ಗೀತಾ ಲೇಖನ ಯಜ್ಞ – ಸುತ್ತೂರು ಶ್ರೀ ಪ್ರಶಂಸೆ

ಅಮೇರಿಕಾ – ಅಮೇರಿಕೆಯ ಷಿಕಾಕಾಗೋ ಮಹಾನಗರದಲ್ಲಿ ಕನ್ನಡ ಕೂಟದ ಸುವರ್ಣ ಮಹೋತ್ಸವದ ಸಂದರ್ಭದಲ್ಲಿ ಸುತ್ತೂರು ಮಠದ ಶ್ರೀಶಿವರಾತ್ರಿ ದೇಶಿಕೇಂದ್ರ ಸ್ವಾಮಿಗಳು ಭಾವಿ ಪರ್ಯಾಯ ಪುತ್ತಿಗೆ ಶ್ರೀಗಳ ಸೌಹಾರ್ದ ಭೇಟಿ ನಡೆಸಿದರು.

ಈ ಸಂದರ್ಭದಲ್ಲಿ ಪುತ್ತಿಗೆ ಶ್ರೀಪಾದರ ಚತುರ್ಥಪರ್ಯಾಯದ ಜಾಗತಿಕ ಬೃಹತ್ ಧಾರ್ಮಿಕ ಅಭಿಯಾನ ಕೋಟಿ ಗೀತಾಲೇಖನ ಯಜ್ಞದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಅವರು, ಭಗವದ್ಗೀತೆ ಮನುಕುಲಕ್ಕೆ ಭಾರತದ ಕೊಡುಗೆ ಇದನ್ನು ಪುತ್ತಿಗೆ ಶ್ರೀಪಾದರು ಜನಮಾನಸದಲ್ಲಿ ಬಿತ್ತುತ್ತಿರುವುದು ಅತ್ಯಂತ ಔಚಿತ್ಯಪೂರ್ಣ. ಶ್ರೀ ಕೃಷ್ಣನ ಅನುಗ್ರಹದಿಂದ ಈ ಸತ್ಕಾರ್ಯ ಯಶಸ್ವಿಯಾಗಲಿ ಎ೦ದು ಹಾರೈಸಿದರು.