Connect with us

LATEST NEWS

ತೈಲ ಬೆಲೆ ಏರಿಕೆ- ಪೆಟ್ರೋಲ್ ಮೂರು ವರ್ಷಗಳಲ್ಲಿ ಅತ್ಯಧಿಕ ಬೆಲೆ

ನವದೆಹಲಿ ಅಗಸ್ಟ್ 27 : ಜುಲೈ ಆರಂಭದಿಂದ ಪೆಟ್ರೋಲ್ ದರ ಲೀಟರ್ ಗೆ 6 ರೂಪಾಯಿ ಏರಿಕೆಯಾಗಿದೆ. ಇದು ಮೂರು ವರ್ಷಗಳಲ್ಲಿ ಅತ್ಯಧಿಕ ಬೆಲೆಯಾಗಿದೆ. ದಿನ ನಿತ್ಯದ ಸಣ್ಣ ಪ್ರಮಾಣದಲ್ಲಿ ಪೆಟ್ರೋಲ್ ಮತ್ತು ಡಿಸೆಲ್ ದರ ಏರಿಕೆ ಈಗ ಈ ಮಟ್ಟಕ್ಕೆ ತಲುಪಿದೆ.

ಡೀಸೆಲ್ ಬೆಲೆ 3.67 ರೂಪಾಯಿ ಏರಿಕೆಯಾಗಿದ್ದು ಈಗ ದೆಹಲಿಯಲ್ಲಿ ಲೀಟರ್ ಗೆ 57.03 ರೂಪಾಯಿ ಯಾಗಿದೆ. ಇದು ಕಳೆದ ನಾಲ್ಕು ತಿಂಗಳಲ್ಲಿ ಡಿಸೆಲ್ ನ ಅತಿ ಹೆಚ್ಚು ಬೆಲೆಯಾಗಿದೆ.
ದೆಹಲಿಯಲ್ಲಿ ಪೆಟ್ರೋಲ್ ಲೀಟರ್ 69.04 ರೂಪಾಯಿ ಇದ್ದು , ಇದು ಅಗಸ್ಟ್ 2014ರಲ್ಲಿ 70.33 ರೂಪಾಯಿ ಇತ್ತು. ಈ ಹಿನ್ನಲೆಯಲ್ಲಿ ಪೆಟ್ರೋಲ್ ಬೆಲೆ ಮೂರು ವರ್ಷಗಳ ಹಿಂದಿನ ದರ ತಲುಪುವ ಸಾಧ್ಯತೆ ಇದೆ.

2017ರ ಜೂನ್ ನಿಂದ ಸರಕಾರಿ ಸ್ವಾಮ್ಯದ ತೈಲ ಕಂಪೆನಿಗಳು 15 ವರ್ಷಗಳ ಹಳೆಯ ಅಭ್ಯಾಸವಾದ ತಿಂಗಳ 1 ಮತ್ತು 16ನೇ ತಾರಿಕು ತೈಲ ಬೆಲೆ ಪರಿಷ್ಕರಿಸುವ ನಿಯಮವನ್ನು ಕೈ ಬಿಟ್ಟು ದೈನಂದಿನ ಬೆಲೆ ಪರಿಷ್ಕರಣೆಯನ್ನು ರೂಡಿಸಿಕೊಂಡಿದ್ದವು. ಈ ಪರಿಣಾಮ ಪೆಟ್ರೋಲ್ ಮತ್ತು ಡಿಸೆಲ್ ಬೆಲೆಗಳು ದಿನನಿತ್ಯ ಪರಿಷ್ಕರಣೆಗೊಳಪಡುತ್ತಿದ್ದವು.

ಜೂನ್ ನಿಂದ ದೈನಂದಿನ ಬೆಲೆ ಪರಿಷ್ಕರಣೆ ಮಾಡಲು ಆರಂಭಿಸಿದ ನಂತರ ಪೆಟ್ರೋಲ್ ಮತ್ತು ಡಿಸೆಲ್ ಬೆಲೆ ನಿರಂತರ ಕಡಿಮೆಯಾಗುತ್ತಾ ಬಂದಿತ್ತು. ಆದರೆ ಜುಲೈ 3 ರ ನಂತರ ಏರಿಕೆ ಆರಂಭಿಸಿದ ಪೆಟ್ರೋಲ್ ಮತ್ತು ಡಿಸೆಲ್ ಬೆಲೆ ಈಗ ಮೂರು ವರ್ಷಗಳ ಹಳೆಯ ಬೆಲೆಯತ್ತ ಸಾಗುತ್ತಿದೆ.

ಈ ಹಿಂದೆ ತಿಂಗಳ 1 ಮತ್ತು 16ನೇ ದಿನಾಂಕದಂದು ಬೆಲೆ ಪರಿಷ್ಕರಣೆ ಸಂದರ್ಭದಲ್ಲಿ 2 ರೂಪಾಯಿ ಅಥವಾ 3 ರೂಪಾಯಿ ಏರಿಕೆ ಸಾರ್ವಜನಿಕರಲ್ಲಿ ಆಕ್ರೋಶ ಉಂಟು ಮಾಡುತ್ತಿತ್ತು. ಆದರೆ ಈಗ ದೈನಂದಿನ ಪರಿಷ್ಕರಣೆಯಲ್ಲಿ ಕೇವಲ 10 , 15 ಪೈಸೆ ಏರಿಕೆಯಾಗುತ್ತಿದ್ದು, ಈ ಹಿನ್ನಲೆಯಲ್ಲಿ ಸಾರ್ವಜನಿಕರು ಈ ಬೆಲೆ ಏರಿಕೆ ಬಗ್ಗೆ ಅಷ್ಟಾಗಿ ತಲೆ ಕೆಡಿಸಿಕೊಂಡಿಲ್ಲ. ಈ ಹಿನ್ನಲೆ ಸಣ್ಣಮಟ್ಟದ ಏರಿಕೆ ಈಗ 3 ವರ್ಷಗಳ ಹಿಂದಿನ ತೈಲ ಬೆಲೆಗೆ ಸಮನಾಗಿ ಬಂದು ನಿಂತಿದೆ.
ಇದೇ ರೀತಿ ತೈಲ ಬೆಲೆ ಏರಿಕೆ ಮುಂದುವರೆದರೆ ಪೆಟ್ರೋಲ್ ಹಾಗೂ ಡಿಸೇಲ್ ಮತ್ತಷ್ಟು ತುಟ್ಟಿಯಾಗುವ ಸಾಧ್ಯತೆ ಇದೆ.

Advertisement
Click to comment

You must be logged in to post a comment Login

Leave a Reply