LATEST NEWS
ಮಾಸ್ಟರ್‌ ಶೆಫ್‌ ಇಂಡಿಯಾ ಗೆದ್ದ ಕುಡ್ಲದ ಮಹಮ್ಮದ್ ಆಶಿಕ್
ಮಂಗಳೂರು ಡಿಸೆಂಬರ್ 09 : ಖಾಸಗಿ ಚಾನೆಲ್ ನಲ್ಲಿ ನಡೆದ ಮಾಸ್ಟರ್‌ ಶೆಫ್‌ ಇಂಡಿಯಾ ಸ್ಪರ್ಧೆಯಲ್ಲಿ ಮಂಗಳೂರಿನ ಯುವಕ ಮಹಮ್ಮದ್ ಆಶಿಕ್ ವಿನ್ನರ್ ಆಗಿದ್ದಾರೆ. ಖಾಸಗಿ ಚಾನೆಲ್ ‘ಸೋನಿ ಲಿವ್‌’ ಓಟಿಟಿ ಫ್ಲಾಟ್‌ಫಾರ್ಮ್‌ನಲ್ಲಿ ಮುಂಬೈನಲ್ಲಿ ಆಯೋಜಿಸಿದ್ದ ‘ಮಾಸ್ಟರ್‌ ಶೆಫ್‌ ಇಂಡಿಯಾ’ ಸ್ಪರ್ಧೆಯಲ್ಲಿ ಗೆಲವು ಸಾಧಿಸಿದ್ದಾರೆ. ನಂಬಿ ಜೆಸ್ಸಿಕಾ ಮರಕ್ ಮತ್ತು ರುಖ್ಸಾರ್ ಸಯೀದ್ ಕ್ರಮವಾಗಿ ಮೊದಲ ರನ್ನರ್ ಅಪ್ ಮತ್ತು ಎರಡನೇ ರನ್ನರ್ ಅಪ್ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.
ಜೆಪ್ಪು ಮಹಾಕಾಳಿ ಪಡ್ಪುವಿನ ಅಬ್ದುಲ್‌ ಖಾದರ್‌–ಸಾರಮ್ಮ ದಂಪತಿಯ ಪುತ್ರ ಮುಹಮ್ಮದ್‌ ಆಶಿಕ್, ಮಂಗಳೂರಿನ ಕಾಶಿಯಾ ಮತ್ತು ರೋಝಾರಿಯೊ ಶಿಕ್ಷಣ ಸಂಸ್ಥೆಯಲ್ಲಿ ಕನ್ನಡ ಮಾಧ್ಯಮದಲ್ಲಿ ವ್ಯಾಸಂಗ ಮಾಡಿದರು. ಪಿಯುಸಿ ನಂತರ, ಬಡತನದ ಕಾರಣಕ್ಕೆ ಫಿಝಾ ಮಾಲ್‌ನಲ್ಲಿ ಬಟ್ಟೆ ಅಂಗಡಿಯೊಂದರಲ್ಲಿ ಸೇಲ್ಸ್‌ಮೆನ್‌ ಆಗಿ ಕೆಲಸ ಮಾಡಿದರು. ಸಂಬಂಧಿಯೊಬ್ಬರು ಆರ್ಥಿಕ ನೆರವು ನೀಡಿದ್ದರಿಂದ ನಗರದ ಬಲ್ಮಠದಲ್ಲಿ ‘ಕುಲ್ಕಿ ಹಬ್‌’ ಆರಂಭಿಸಿದ್ದರು. ಆ ನಂತರ ವಿವಿಧೆಡೆ ಶೆಫ್‌ ಸ್ಪರ್ಧೆಗಳಲ್ಲಿ ಪಾಲ್ಗೊಂಡಿದ್ದರು.
ಕಳೆದ ಋತುವಿನಲ್ಲಿ ಅನರ್ಹಗೊಂಡಿದ್ದ ಮೊಹಮ್ಮದ್ ಆಶಿಕ್, ಮಾಸ್ಟರ್‌ಚೆಫ್ ಇಂಡಿಯಾದ ಮೊದಲ ಡಿಜಿಟಲ್-ವಿಶೇಷ ಸೀಸನ್‌ನ ಮೊದಲ ಎಲಿಮಿನೇಷನ್ ಸುತ್ತಿನಲ್ಲಿ ತಮ್ಮನ್ನು ತಾವು ಕಂಡುಕೊಂಡರು. ಆದಾಗ್ಯೂ, ಆಶಿಕ್‌ನ ಅಡುಗೆಯ ಮೇಲಿನ ಪ್ರೀತಿಯು ಅಂತಿಮವಾಗಿ ಮಾಸ್ಟರ್‌ಚೆಫ್ ಇಂಡಿಯಾ ಟ್ರೋಫಿಯನ್ನು ಮನೆಗೆ ತೆಗೆದುಕೊಳ್ಳಲು ಪ್ರೇರೇಪಿಸಿತು.
