ಮಂಗಳೂರು ಅಗಸ್ಟ್ 19: ಅಕ್ರಮ ಸಂಬಂಧದ ಸಂಶಯದ ಹಿನ್ನೆಲೆಯಲ್ಲಿ ಪತ್ನಿಯನ್ನು ಪತಿಯೋರ್ವ ಬರ್ಬರವಾಗಿ ಹತ್ಯೆ ಮಾಡಿದ ಘಟನೆ ಮಂಗಳೂರಿನಲ್ಲಿ ತಡರಾತ್ರಿ ನಡೆದಿದೆ .

ನಗರದ ಕೊಟ್ಟಾರ ಚೌಕಿ ಎಂಬಲ್ಲಿ ಈ ಘಟನೆ ನಡೆದಿದೆ .ಇಲ್ಲಿಯ ಜೆ. ಬಿ . ಲೋಬೋ ರೋಡ್ ನಲ್ಲಿ ನೆಲೆಸಿದ್ದ ವಿಲಿಯಂ ಲೋಬೋ ಹಾಗೂ ಬ್ಲೊಸಂ ಲೋಬೋ ದಂಪತಿಗಳ ನಡುವೆ ನಿನ್ನೆ ರಾತ್ರಿ ಜಗಳ ನಡೆದಿದೆ ಜಗಳ ವಿಕೋಪಕ್ಕೆ ತಿರುಗಿದೆ.

ಈ ಸಂದರ್ಭದಲ್ಲಿ ಪತಿ ವಿಲಿಯಂ ಲೋಬೋ ಪತ್ನಿ ಬ್ಲೊಸಂ ಲೋಬೋ ಅವರಿಗೆ ಅಕ್ರಮ ಸಂಬಂಧವಿದೆ ಎಂದು ಸಂಶಯ ವ್ಯಕ್ತಪಡಿಸಿ ಕತ್ತಿಯಿಂದ ಹಲ್ಲೆ ನಡೆಸಿದ್ದಾರೆ.

ಈ ಘಟನೆಯಲ್ಲಿ ಪತ್ನಿ ಬ್ಲೊಸಂ ಲೋಬೋ ಗಂಭೀರವಾದ ಗಾಯಗೊಂಡಿದ್ದು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ .ಈ ಕುರಿತು ಮಾಹಿತಿ ಪಡೆದ ಉರ್ವ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪತಿ ವಿಲಿಯಂ ಲೋಬೋ ಅವರನ್ನು ಬಂಧಿಸಿ ತನಿಖೆ ಮುಂದುವರಿಸಿದ್ದಾರೆ .

0 Shares

Facebook Comments

comments