ಕೊರಗ ಕುಟುಂಬಗಳಿಗೆ ಲೇ ಔಟ್ ನಿರ್ಮಾಣ- ಜಿಲ್ಲಾಧಿಕಾರಿ

ಕೊರಗ ಕುಟುಂಬಗಳಿಗೆ ಲೇ ಔಟ್ ನಿರ್ಮಾಣ- ಜಿಲ್ಲಾಧಿಕಾರಿ

ಉಡುಪಿ, ಜೂನ್ 23 : ಪಡುಬಿದ್ರೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಪಾದೆಬೆಟ್ಟು ಗ್ರಾಮದಲ್ಲಿ 19 ಕೊರಗ ಕುಟುಂಬಗಳಿಗೆ ಲೇ ಔಟ್ ಮಾದರಿಯಲ್ಲಿ ಮನೆ ನಿರ್ಮಾಣ ಮಾಡಲಾಗುವುದು ಎಂದು ಜಿಲ್ಲಾಧಿಕಾರಿ ಪ್ರಿಯಾಂಕ ಮೇರಿ ಫ್ರಾನ್ಸಿಸ್ ಹೇಳಿದ್ದಾರೆ.

ಅವರು ಶನಿವಾರ, ಜಿಲ್ಲಾಧಿಕಾರಿ ಕಚೇರಿಯಲ್ಲಿ, ಮೂಲ ನಿವಾಸಿ ಅಭಿವೃದ್ದಿ ಯೋಜನೆಯಲ್ಲಿ ಜಿಲ್ಲೆಯ ಕೊರಗ ಸಮುದಾಯದವರಿಗೆ  ವಸತಿ ಸೌಲಭ್ಯಕ್ಕಾಗಿ  ಬಿಡುಗಡೆಯಾಗಿರುವ ಅನುದಾನದಲ್ಲಿ , ಪಡುಬಿದ್ರೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಪಾದೆಬೆಟ್ಟು ಗ್ರಾಮದ 19 ಕೊರಗ ಕುಟುಂಬಗಳಿಗೆ 2 ಲಕ್ಷ ರೂ ಗಳ ಸಹಾಯಧನ ಮಂಜೂರಾತಿ ಆದೇಶ ವಿತರಿಸಿ ಮಾತನಾಡಿದರು.

ಕೊರಗ ಕುಟುಂಬಳಿಗೆ ಮನೆ ನಿರ್ಮಾಣಕ್ಕೆ ಪ್ರಸ್ತುತ ನೀಡಿರುವ ಸಹಾಯಧನ ಜೊತೆಗೆ  ಬ್ಯಾಂಕ್ ಗಳ ಮೂಲಕ ಅಗತ್ಯ ನೆರವು ಪಡೆದು , ನಿರ್ಮಿತಿ ಕೇಂದ್ರದ ಮೂಲಕ ,  ಲೇ ಔಟ್ ಮಾದರಿಯಲ್ಲಿ ಸುಂದರವಾಗಿ ಮನೆ ನಿರ್ಮಾಣ ಮಾಡಲಾಗುವುದು ಎಂದು ಜಿಲ್ಲಾಧಿಕಾರಿ ಹೇಳಿದರು.