ಪ್ರೇಮ ವೈಫಲ್ಯಕ್ಕೆ ಯುವತಿಯೊಬ್ಬಳು ಆತ್ಮಹತ್ಯೆ

ಪ್ರೇಮ ವೈಫಲ್ಯಕ್ಕೆ ಯುವತಿಯೊಬ್ಬಳು ಆತ್ಮಹತ್ಯೆ

ಮಂಗಳೂರು ಸೆಪ್ಟೆಂಬರ್ 24: ಪ್ರೇಮ ವೈಫಲ್ಯದ ಹಿನ್ನಲೆಯಲ್ಲಿ ಮನನೊಂದು ಯುವತಿ ನೇಣು ಬಿಗಿದು ಆತ್ಮಹತ್ಯೆಗೈದ ಘಟನೆ ಕೊಣಾಜೆ ಠಾಣಾ ವ್ಯಾಪ್ತಿಯ ನಡುಪದವು ಪಿ.ಎ ಕಾಲೇಜು ಬಳಿ ನಡೆದಿದೆ.

ದಾವಣಗೆರೆ ಹರಪನಹಳ್ಳಿ ಬೂದಿಹಾಳ ನಿವಾಸಿ ರೂಪ(19)ಆತ್ಮಹತ್ಯೆಗೈದ ಯುವತಿ ಎಂದು ಗುರುತಿಸಲಾಗಿದೆ. ನಡುಪದವಿನ ಚಿಕ್ಕಮ್ಮನ ಮನೆಯಲ್ಲಿ ಸೋಮವಾರ ಸಂಜೆ ನೇಣು ಬಿಗಿದು ಆತ್ಮಹತ್ಯೆಗೈದಿದ್ದಾಳೆ.

ರೂಪ ಪಿ.ಯು .ಸಿ ವ್ಯಾಸಂಗವನ್ನು ಮುಡಿಪುವಿನ ಸರಕಾರಿ ಕಾಲೇಜಲ್ಲೇ ಮುಗಿಸಿದ್ದಳು. ಸೋಮವಾರ ಬೆಳಿಗ್ಗೆ ದಾವಣಗೆರೆಯಿಂದ ಚಿಕ್ಕಮ್ಮನ ಮನೆಗೆ ಆಗಮಿಸಿದ್ದಳೆನ್ನಲಾಗಿದ್ದು, ಪ್ರೇಮ ವೈಫಲ್ಯದಿಂದ ಮನನೊಂದು ಆತ್ಮಹತ್ಯಗೈದಿರುವುದಾಗಿ ತಿಳಿದು ಬಂದಿದೆ. ಕೊಣಾಜೆ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.