FILM
ಎಲ್ಲದಕ್ಕೂ ಒಂದು ಲಿಮಿಟ್ ಇರತ್ತೆ… ನಾನೇನು ಬಿಟ್ಟಿ ಬಿದ್ದಿದ್ದೀನಾ? – ರಜತ್ ಮೇಲೆ ಗರಂ ಆದ ಚೈತ್ರಕ್ಕ
ಬೆಂಗಳೂರು ಫೆಬ್ರವರಿ 27: ಬಿಗ್ ಬಾಸ್ ರಿಯಾಲಿಟಿ ಶೋ ದಲ್ಲಿ ಚೈತ್ರಾ ಕುಂದಾಪುರ ಕಾಲೆಳೆದು ತಮಾಷೆ ಮಾಡುತ್ತಿದ್ದ ರಜತ್ ವಿರುದ್ದ ಇದೀಗ ಚೈತ್ರಾ ಕುಂದಾಪುರ ಗರಂ ಆಗಿದ್ದಾರೆ.ಕಲರ್ಸ್ ಕನ್ನಡ ವಾಹಿನಿಯ ‘ಬಾಯ್ಸ್ ವರ್ಸಸ್ ಗರ್ಲ್ಸ್’ ಶೋನಲ್ಲಿ ಚೈತ್ರಾ ಕಾಲೆಳೆದ ರಜತ್ ವಿರುದ್ದ ಚೈತ್ರಾ ಹರಿಹಾಯ್ದಿದ್ದಾರೆ. ಬಿಗ್ ಬಾಸ್’ ಕನ್ನಡ ಸೀಸನ್ 11ರಲ್ಲಿ ಚೈತ್ರಾ ಕುಂದಾಪುರ ಅವರನ್ನು ಕಾಲೆಳೆದು ತಮಾಷೆ ತೆಗೆದುಕೊಳ್ಳುತ್ತಿದ್ದ ರಜತ್ ಇದೀಗ ಮತ್ತೊಂದು ಶೋ ನಲ್ಲೂಬ ಅದೇ ಚಾಳಿ ಮುಂದುವರೆಸಿದ್ದಾರೆ.
ಕಲರ್ಸ್ ಕನ್ನಡ ವಾಹಿನಿಯ ‘ಬಾಯ್ಸ್ ವರ್ಸಸ್ ಗರ್ಲ್ಸ್’ ಶೋನಲ್ಲಿಯೂ ಕಾಣಿಸಿಕೊಂಡಿದ್ದಾರೆ. ಮೊದಲೇ ಇದು ಮುಖಾಮುಖಿ ಶೋ ಆಗಿರೋದ್ರಿಂದ ಇಲ್ಲಿ ಇಬ್ಬರ ನಡುವಿನ ಕಾದಾಟ ಇನ್ನೂ ಜೋರಾಗಿದೆ.
ಬಾಯ್ಸ್ ವರ್ಸಸ್ ಗರ್ಲ್ಸ್ ಶೋನಲ್ಲೂ ಜಗಳ ಹೌದು, ರಜತ್ ಮತ್ತು ಚೈತ್ರಾ ಕುಂದಾಪುರ ಈ ಹಿಂದೆ ಬಿಗ್ ಬಾಸ್‌ನಲ್ಲಿ ಕಿತ್ತಾಡುವಂತೆಯೇ ಈ ಹೊಸ ಶೋನಲ್ಲೂ ಜಗಳ ಮಾಡಿಕೊಂಡಿದ್ದಾರೆ. ಸದ್ಯ ಆ ಕುರಿತ ಪ್ರೋಮೋವೊಂದನ್ನು ಕಲರ್ಸ್ ಕನ್ನಡ ವಾಹಿನಿಯು ಹಂಚಿಕೊಂಡಿದ್ದು, ರಜತ್ ಮೇಲೆ ಕಿಡಿಕಾರಿರುವ ಚೈತ್ರಾ ಕುಂದಾಪುರ, ‘ನಾನೇನು ಬಿಟ್ಟಿ ಬಿದ್ದಿದ್ದೀನಾ’ ಅಂತ ಆವಾಜ್ ಹಾಕಿದ್ದಾರೆ.
ಬಾಯ್ಸ್ ವರ್ಸಸ್ ಗರ್ಲ್ಸ್ ಶೋನಲ್ಲಿ ಟಾಸ್ಕ್‌ವೊಂದನ್ನು ಆಡುತ್ತಿದ್ದ ಚೈತ್ರಾ ಕುಂದಾಪುರ, ಪದೇಪದೇ ಅದರಲ್ಲಿ ವಿಫಲರಾಗುತ್ತಿದ್ದಾರೆ. ಆಗ ಮಾತನಾಡುವ ರಜತ್ ಕಿಶನ್, “ಬಿಗ್ ಬಾಸ್ ಶೋನಲ್ಲಿ ಪದೇಪದೇ ನನಗೆ ಚಾನ್ಸ್ ಕೊಡ್ತಾ ಇಲ್ಲ ಅಂತ ಹೇಳುತ್ತಲೇ ಇದ್ದರು. ಈಗ ಚಾನ್ಸ್ ಕೊಟ್ಟಿದ್ದೀವಿ.. ಆಡವ್ವಾ..” ಎಂದು ವ್ಯಂಗ್ಯ ಮಾಡಿದ್ದಾರೆ. ಆನಂತರ, “ನಿನ್ನಿಂದ ಆಗಲ್ಲಮ್ಮ.. ನಮಗೆ ಗೊತ್ತಿದ್ದೇ ಸೆಲೆಕ್ಟ್ ಮಾಡಿರೋದು” ಅಂತಲೂ ರಜತ್ ಹೇಳಿದ್ದಾರೆ. ಆಗ ಮೈಕ್ ಕಿತ್ತೆಸೆದ ಚೈತ್ರಾ ಕುಂದಾಪುರ ಗರಂ ಆಗಿದ್ದಾರೆ. ಎಲ್ಲದಕ್ಕೂ ಒಂದು ಲಿಮಿಟ್ ಇರತ್ತೆ… ವೇದಿಕೆಯಿಂದ ಗರಂ ಆಗಿ ಹೊರನಡೆದ ಚೈತ್ರಾ ಕುಂದಾಪುರ, “ಎಲ್ಲದಕ್ಕೂ ಒಂದು ಲಿಮಿಟ್ ಅಂತ ಇರುತ್ತದೆ ರಜತ್.. ಎಲ್ಲದಕ್ಕೂ ಇನ್ನೊಬ್ಬರ ಮೇಲೆ ಹೊಣೆ ಹಾಕ್ತಾ ಇರೋದಲ್ಲ. ನಾನೇನು ಬಿಟ್ಟಿ ಬಿದ್ದಿದ್ದೀನಾ? ತುಂಬ ಸಲ ಕೆಳಗೆ ಹಾಕಿ ಮಾತಾಡ್ತಾ ಇದ್ದಾರೆ” ಅಂತ ರೊಚ್ಚಿಗೆದ್ದಿದ್ದಾರೆ ಚೈತ್ರಾ ಕುಂದಾಪುರ. ಈ ಜಗಳ ಎಲ್ಲಿಗೆ ಹೋಗಿ ಮುಟ್ಟುತ್ತದೆ ಎಂಬುದನ್ನು ತಿಳಿಯಬೇಕೆಂದರೆ, ಈ ವಾರ ಬಾಯ್ಸ್ ವರ್ಸಸ್ ಗರ್ಲ್ಸ್ ಶೋವನ್ನು ವೀಕ್ಷಿಸಬೇಕು.
