ಮಲ್ಪೆ ಬೀಚ್ ನಲ್ಲೊಂದು ವಿಶಿಷ್ಟ ಕಲಾಕೃತಿ
ಉಡುಪಿ ಜೂನ್ 5: ವಿಶ್ವ ಪರಿಸರ ದಿನದ ಪ್ರಯುಕ್ತ ಉಡುಪಿ ಜಿಲ್ಲೆಯ ಮಲ್ಪೆ ಬೀಚ್ ನಲ್ಲಿ ವಿಶಿಷ್ಟ ಕಲಾಕೃತಿಯೊಂದನ್ನು ರಚಿಸಲಾಗಿದೆ. ಸಾವಿರಾರು ಜನರು ಭೇಟಿ ನೀಡುವ ಪ್ರವಾಸಿ ತಾಣದಲ್ಲಿ ನಿರ್ಮಿಸಿದ ಕಲಾಕೃತಿ ಎಲ್ಲರ ಮೆಚ್ಚುಗೆಗೂ ಪಾತ್ರವಾಗಿದೆ.
ಯುವ ಕಲಾವಿದ ಜನಾರ್ದನ ಹಾವಂಜೆ ಅವರು ರಚಿಸಿದ ಈ ವಿಶಿಷ್ಟ ಶಿಲ್ಪ ಪರಿಸರ ದಿನಕ್ಕೆ ಸೂಕ್ತ ಕೊಡುಗೆಯಾಗಿದೆ. ಪ್ಲಾಸ್ಟಿಕ್ ಮುಕ್ತ ಪರಿಸರ ನಿರ್ಮಾಣ ಈ ಸಾಲಿನ ಪರಿಸರ ದಿನದ ಸಂದೇಶವಾಗಿದೆ. ಇದೇ ಹಿನ್ನೆಲೆಯಲ್ಲಿ ಜನಾರ್ದನ್ ಈ ಕಲಾತ್ಮಕ ರಚನೆ ಮಾಡಿದ್ದಾರೆ. ಮಲ್ಪೆ ಬೀಚ್ ನಲ್ಲೇ ಸಂಗ್ರಹಿಸಿದ ಟನ್ ಗಟ್ಟಲೆ ಪ್ಲಾಸ್ಟಿಜ್ ತ್ಯಾಜ್ಯವನ್ನು ಮೀನಿನ ಬಲೆಗೆ ರಾಶಿ ಹಾಕಿ ಕ್ರಿಯಾಶೀಲ ವಾಗಿ ಕಲಾಕೃತಿ ರೂಪಿಸಲಾಗಿದೆ. ಕಡಲತೀರವನ್ನು ಸ್ವಚ್ಛವಾಗಿಡಿ ಎಂಬ ಸಂದೇಶ ಸಾರಲಾಗುತ್ತಿದೆ.
