ಚರಂಡಿಗೆ ಜಾರಿದ ಏರ್‌ ಇಂಡಿಯಾ ವಿಮಾನ, ಪ್ರಯಾಣಿಕರು ಸೇಫ್

ಕೊಚ್ಚಿ,ಸೆಪ್ಟೆಂಬರ್ 05 : ಕೊಚ್ಚಿಯ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸಂಭವಿಸಲಿದ್ದ ಭಾರೀ ವಿಮಾನ ಅವಘಡವೊಂದು ಅದೃಷ್ಟವಷಾತ್‌ ತಪ್ಪಿ ಹೋಗಿದೆ.ಏರ್‌ ಇಂಡಿಯಾ (Air India Express IX 452) ವಿಮಾನವೊಂದು ಲ್ಯಾಂಡ್‌ ಆಗಿ ಪಾರ್ಕ್‌ ಮಾಡಲು ತೆರಳುತ್ತಿದ್ದ ವೇಳೆ ಟ್ಯಾಕ್ಸಿ ವೇಯಿಂದ ಜಾರಿ ನೀರು ಹೋಗುವ ಚರಂಡಿಗೆ ಹೋಗಿ ಸಿಕ್ಕಿಹಾಕಿಕೊಂಡಿದೆ. ಈ ದುರ್ಘಟನೆ ಘಟನೆ ನಸುಕಿನ 2.39 ರ ವೇಳೆಗೆ ನಡೆದಿದೆ. ಗಲ್ಫ್ ರಾಷ್ಟ್ರ ಅಬುಧಾಬಿಯಿಂದ ಹೊರಟ 6 ಸಿಬಂದಿಗಳು ಹಾಗೂ 102 ಪ್ರಯಾಣಿಕರಿದ್ದ ಬೋಯಿಂಗ್‌ 737-800 ನಸುಕಿನ 2.39 ರ ಹೊತ್ತಗೆ ಕೊಚ್ಚಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಳಿದಿದೆ. ಇಳಿದ ವಿಮಾನವನ್ನು ಪೈಲಟ್ ಟ್ಯಾಕ್ಷಿ ವೇ ಕಡೆಗೆ ಚಲಾಯಿಸುತ್ತಿದ್ದಾಗ ಅಕಸ್ಮತ್ ಜಾರಿಹೋಗಿ ನೀರು ಹೋಗುವ ಚರಂಡಿಗೆ ಅದರ ಚಕ್ರಗಳು ಸಿಕ್ಕಿಹಾಕಿಕೊಂಡು ಈ ದುರ್ಘಟನೆ ಸಂಭವಿಸಿದೆ. ಅದೃಷ್ಟವಶಾತ್‌ ಯಾವುದೇ ಪ್ರಾಣಾಪಾಯಗಳಿಲ್ಲದೆ ಎಲ್ಲಾ ಪ್ರಯಾಣಿಕರು ಪಾರಾಗಿದ್ದಾರೆ. ಅವಘಡ ನಡೆದ ತಕ್ಷಣ ಎಲ್ಲಾ ಪ್ರಯಾಣಿಕರನ್ನು ಏಣಿಯ ಸಹಾಯದಿಂದ ಕೆಳಗಿಳಿಸಲಾಗಿದ್ದು ಎಲ್ಲರೂ ಸುರಕ್ಷಿತವಾಗಿದ್ದಾರೆ. ತೀವೃ ಮಳೆಯ ಕಾರಣ ಈ ಅವಘಡ ಸಂಭವಿಸಿದ್ದು, ವಿಮಾನದ ಚಕ್ರಗಳು ಜಖಂಗೊಂಡಿವೆ. ಘಟನೆಯ ಸಮಗ್ರ ತನಿಖೆಗೆ ಆದೇಶಿಸಲಾಗಿದೆ.