ಕಾರ್ ರೇಸ್ ಪ್ರ್ಯಾಕ್ಟಿಸ್ ವೇಳೆ ತಮಿಳು ನಟ ಅಜಿತ್ ಕುಮಾರ್ ಕಾರು ಅಪಘಾತ – ಕೂದಲೆಳೆ ಅಂತರದಲ್ಲಿ ನಟ ಪಾರು

ದುಬೈ ಜನವರಿ 07: ದುಬೈನಲ್ಲಿ ನಡೆಯಲಿರುವ 24ಎಚ್ ದುಬೈ 2025 ಕಾರ್ ರೇಸಿಂಗ್ ನ ತರಬೇತಿ ವೇಳೆ ತಮಿಳು ನಟ ಅಜಿತ್ ಕುಮಾರ್ ಡ್ರೈವ್ ಮಾಡುತ್ತಿದ್ದ ರೇಸಿಂಗ್ ಕಾರ್ ಅಪಘಾತಕ್ಕೀಡಾದ ಘಟನೆ ನಡೆದಿದ್ದು, ಈ ಅಪಘಾತದಲ್ಲಿ ನಟ ಅಜಿತ್ ಯಾವುದೇ ಪ್ರಾಣಾಪಯವಿಲ್ಲದೆ ಪಾರಾಗಿದ್ದಾರೆ. ಇದರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ಆತಂಕದಲ್ಲಿದ್ದಾರೆ.

ದುಬೈನಲ್ಲಿ ನಡೆಯಲಿರುವ ರೇಸಿಂಗ್ ಚಾಂಪಿಯನ್ ಶಿಪ್ ಗೆ ಅಜಿತ್ ಅವರು ತೆರಳಿದ್ದಾರೆ. ಈ ರೇಸಿಂಗ್ ಚಾಂಪಿಯನ್ ಶಿಫ್ ನಲ್ಲಿ ಅಜಿತ್ ಅವರು ಭಾಗವಹಿಸಲಿದ್ದಾರೆ. 24 ಗಂಟೆಗಳ ಕಾಲ ನಡೆಯಲಿರುವ ಈ ರೇಸಿಂಗ್ ಚಾಂಪಿಯನ್ ಶಿಪ್ ನಲ್ಲಿ ಅಜಿತ್ ಕುಮಾರ್ ಅವರು 6 ಗಂಟೆಗಳ ಕಾಲ ಕಾರನ್ನು ಓಡಿಸಲಿದ್ದಾರೆ.

ಈ ಹಿನ್ನಲೆ ಕಾರ್ ರೇಸಿಂಗ್ ಟ್ರ್ಯಾಕ್ ತರಭೇತಿ ವೇಳೆ ಅಜಿತ್ ಕುಮಾರ್ ಅವರು 180 ಕಿಲೋ ಮೀಟರ್ ವೇಗದಲ್ಲಿ ಕಾರನ್ನು ಡ್ರೈವ್ ಮಾಡುತ್ತಿದ್ದರು. ಇನ್ನೇನು ಗುರಿ ಮುಟ್ಟಲು ಕೆಲವೇ ದೂರ ಇರುವಾಗ ಅವರ ಕಾರು ನಿಯಂತ್ರಣ ತಪ್ಪಿ ಟ್ರ್ಯಾಕ್ ನ ಗೊಡೆಗೆ ಗುದ್ದಿ, ಕಾರು ಮೂರು ನಾಲ್ಕು ಬಾರಿ ತಿರುಗಿದೆ. ಅದೃಷ್ಟವಶಾತ್ ಅಜಿತ್ ಕುಮಾರ್ ಯಾವುದೇ ಅಪಾಯವಿಲ್ಲದೆ ಪಾರಾಗಿದ್ದಾರೆ.

Breaking News
Thala Ajith Kumar car crashed in Dubai Grand Prix.

He walked out front the car. No major injuries. pic.twitter.com/D1n2kDsBaL

— Che_ಕೃಷ್ಣ❤️ (@ChekrishnaCk) January 7, 2025