ಕೋತಿ ಎಸೆದ ಇಟ್ಟಿಗೆಗೆ 30 ವರ್ಷದ ವ್ಯಕ್ತಿ ದಾರುಣ ಸಾವು!

ನವದೆಹಲಿ, ಅಕ್ಟೋಬರ್ 07 : ಕೇಂದ್ರ ದೆಹಲಿಯಲ್ಲಿ ಕಟ್ಟಡದ ಎರಡನೇ ಮಹಡಿಯಿಂದ ಕೋತಿ ಎಸೆದ ಇಟ್ಟಿಗೆ ಕಟ್ಟಡದ ಕೆಳಗೆ ನಿಂತಿದ್ದ ವ್ಯಕ್ತಿಯ ತಲೆಗೆ ಬಡಿದ ಪರಿಣಾಮ 30 ವರ್ಷದ ವ್ಯಕ್ತಿ ಮೃತಪಟ್ಟಿದ್ದಾನೆ.

ನಬಿ ಕರೀಮ್ ಪ್ರದೇಶದಲ್ಲಿ ಮಂಗಳವಾರ ಈ ಘಟನೆ ನಡೆದಿದ್ದು, ಸಾವನ್ನಪ್ಪಿದ ವ್ಯಕ್ತಿ ಮೊಹಮ್ಮದ್ ಕುರ್ಬಾನ್ ಎಂದು ಗುರುತಿಸಲಾಗಿದೆ. ತಲೆಗೆ ತೀವ್ರ ಗಾಯವಾಗಿ ಕುಸಿದು ಬಿದ್ದ ಅವರನ್ನು ತಕ್ಷಣ ಆರ್ ಎಂಎಲ್ ಆಸ್ಪತ್ರೆಗೆ ಸಾಗಿಸಲಾಯಿತು, ಅಲ್ಲಿ ಅವರು ಮೃತರಾಗಿದ್ದಾರೆ ಎಂದು ವೈದ್ಯರು ಘೋಷಿಸಿದರು ಎಂದು ವರದಿಯಾಗಿದೆ.

ನಿರ್ಲಕ್ಷ್ಯ ಈ ಸಾವಿಗೆ ಕಾರಣವಾದ ಸೆಕ್ಷನ್ ಗಳ ಅಡಿಯಲ್ಲಿ ಅಪರಿಚಿತ ವ್ಯಕ್ತಿಗಳ ವಿರುದ್ಧ FIR ದಾಖಲಿಸಲಾಗಿದೆ. ತನಿಖೆಯ ಸಮಯದಲ್ಲಿ ಓಂಪ್ರಕಾಶ್ ಮಿಶ್ರಾ ಅವರ ಒಡೆತನದ ಮನೆಯಿಂದ ಇಟ್ಟಿಗೆಯನ್ನು ಎಸೆಯಲಾಗಿದೆ ಎಂದು ಪೊಲೀಸರು ಕಂಡುಕೊಂಡಿದ್ದಾರೆ. ಕೋತಿಗಳು ನೀರಿನ ಟ್ಯಾಂಕ್ ತೆರೆಯದಂತೆ ನೀರಿನ ಟ್ಯಾಂಕ್ ನ ಮೇಲೆ ಎರಡು ಇಟ್ಟಿಗೆಗಳನ್ನು ಇಟ್ಟಿದ್ದೆ ಎಂದು ಮಿಶ್ರಾ ಪೊಲೀಸರಿಗೆ ತಿಳಿಸಿದ್ದಾರೆ.

‘ಸೋಮವಾರ ಸಂಜೆ, ಕೋತಿಗಳ ಗುಂಪು ಎರಡೂ ಇಟ್ಟಿಗೆಗಳನ್ನು ತೆಗೆದು ಒಂದನ್ನು ಕಟ್ಟಡದಿಂದ ಎಸೆಯಲಾಯಿತು ಮತ್ತು ಇನ್ನೊಂದನ್ನು ಟೆರೇಸ್ ಮೇಲೆ ಹತ್ತಿರದಲ್ಲಿ ಎಸೆಯಲಾಯಿತು’ ಎಂದು ಪೊಲೀಸರು ತಿಳಿಸಿದ್ದಾರೆ. ಕುರ್ಬಾನ್ ನಬಿ ಕರೀಮ್ ಪ್ರದೇಶದ ಅಂಗಡಿಯಲ್ಲಿ ಚೀಲಗಳನ್ನು ಮಾರಾಟ ಮಾಡುತ್ತಿದ್ದರು ಮತ್ತು ಅವರ ಪತ್ನಿ ಮತ್ತು ಐದು ವರ್ಷದ ಮಗುವನ್ನು ಅಗಲಿದ್ದಾರೆ ಎಂದು ವರದಿಯಾಗಿದೆ.