Connect with us

BANTWAL

ಕಲ್ಲಡ್ಕ ಶಾಲೆಗೆ ಬಿಗ್ ಬಾಸ್ ಪ್ರಥಮ್ ಭೇಟಿ, ಅನ್ನದಾನ ನಿಲ್ಲಿಸಿದ ಸರಕಾರದ ವಿರುದ್ಧ ಚಾಟಿ

 

ಕಲ್ಲಡ್ಕ ಶಾಲೆಗೆ ಬಿಗ್ ಬಾಸ್ ಪ್ರಥಮ್ ಭೇಟಿ, ಅನ್ನದಾನ ನಿಲ್ಲಿಸಿದ ಸರಕಾರದ ವಿರುದ್ಧ ಚಾಟಿ

ಬಂಟ್ವಾಳ,ಜನವರಿ 19: Rss ಮುಖಂಡ ಡಾ.ಪ್ರಭಾಕರ್ ಭಟ್ ಸಂಚಾಲಕತ್ವದ ಕಲ್ಲಡ್ಕ ಶ್ರೀರಾಮ ವಿದ್ಯಾಕೇಂದ್ರಕ್ಕೆ ಬಿಗ್ ಬಾಸ್ ಪ್ರಥಮ್ ಭೇಟಿ ನೀಡಿದರು.

ಸುಮಾರು ಎರಡು ಗಂಟೆಗಳ ಕಾಲ ಶಾಲೆಯ ಮಕ್ಕಳೊಂದಿಗೆ ಕಾಲ ಕಳೆದ ಪ್ರಥಮ್ ನಂತರ ಪ್ರಭಾಕರ್ ಭಟ್ ಜೊತೆ ಅವರು ಸಮಾಲೋಚನೆ ನಡೆಸಿದರು.

ಶಾಲೆಗೆ ಅನ್ನದಾನದ ಅನುದಾನವನ್ನು ಕಡಿತಗೊಳಿಸಿರೋದನ್ನು ಸಾಮಾಜಿಕ ಜಾಲತಾಣದಲ್ಲಿ ವಿರೋಧಿಸಿರುವ ಪ್ರಥಮ್ ಕಲ್ಲಡ್ಕ ಶಾಲೆಯ ಮಕ್ಕಳ ಹೋರಾಟದ ಕಿಚ್ಚಿಗೆ ನೈತಿಕ ಬೆಂಬಲ ಸೂಚಿಸಿದ್ದಾರೆ.

ಕಲ್ಲಡ್ಕ ಶಾಲೆಗೆ ಸರಕಾರ ಮೂಕಾಂಬಿಕಾ ದೇವಸ್ಥಾನದಿಂದ ಬರುತ್ತಿದ್ದ ಅನ್ನದಾನವನ್ನು ಕಡಿತಗೊಳಿಸಿದ ಬಳಿಕ ಈ ವಿಚಾರ ರಾಜ್ಯದಾದ್ಯಂತ ಭಾರೀ ಚರ್ಚೆಗೂ ಕಾರಣವಾಗಿತ್ತು.

ಅಲ್ಲದೆ ಶಾಲೆಯ ಹಿತೈಷಿಗಳು ಶಾಲೆಗೆ ಭೇಟಿ ನೀಡಿ ತಮ್ಮ ಕೈಯಲ್ಲಾದ ಸಹಾಯವನ್ನು ಮಾಡುತ್ತಿದ್ದರು.

ಇದೇ ಕಾರಣಕ್ಕಾಗಿ ಬಿಗ್ ಬಾಸ್ ಖ್ಯಾತಿಯ ಪ್ರಥಮ ಕಲ್ಲಡ್ಕ ಶಾಲೆಗೆ ಭೇಟಿ ನೀಡಿ ಕಲ್ಲಡ್ಕ ಪ್ರಭಾಕರ್ ಭಟ್ ಹಾಗೂ ಶಾಲೆಯ ವಿದ್ಯಾರ್ಥಿಗಳಿಗೆ ನೈತಿಕ ಬೆಂಬಲವನ್ನೂ ನೀಡಿದ್ದಾರೆ.

ಇದೇ ಸಂದರ್ಭದಲ್ಲಿ ಶಾಲೆಯ ಪಕ್ಕದಲ್ಲೇ ಇರುವ ಗೋಶಾಲೆಗೆ ಭೇಟಿ ನೀಡಿ ಗೋಶಾಲೆಯ ನಿರ್ವಹಣೆ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಆಟ ಪಾಠದಲ್ಲೂ ಮಕ್ಕಳ ಜೊತೆಯಾದ ಪ್ರಥಮ್ ಮಕ್ಕಳೊಂದಿಗೆ ಮಕ್ಕಳಾಗಿ ಬೆರತರು.

ಈಗಾಗಲೇ ಚುನಾವಣೆ ಗೆ ಸ್ಪರ್ಧಿಸುವ ಇಂಗಿತ ವ್ಯಕ್ತಪಡಿಸಿರುವ ಪ್ರಥಮ್ ರಾಜ್ಯ ಸರ್ಕಾರ ವಿರೋಧಿ ಹೇಳಿಕೆ ನೀಡುವ ಜೊತೆಗೆ ಇದೀಗ RSS ಮುಖಂಡ ಕಲ್ಲಡ್ಕ ಡಾ.ಪ್ರಭಾಕರ್ ಭಟ್ ರನ್ನು ಭೇಟಿಯಾಗಿರೋದು ರಾಜಕೀಯ ಪ್ರವೇಶವನ್ನು ಧೃಡಪಡಿಸಿದೆ.

Share Information
Continue Reading
Advertisement
Click to comment

Leave a Reply

Your email address will not be published. Required fields are marked *