ಈ ನಟಿಗೆ ಈಗ ಸದ್ಯ ಟೊಮ್ಯಾಟೋ ನೇ ಚಿನ್ನದ ಆಭರಣ

ಮುಂಬೈ ಜುಲೈ 19: ಟೊಮ್ಯಾಟೋ ಬೆಲೆ ಏರಿಕೆ ಬೆನ್ನಲ್ಲೇ ಇದೀಗ ಚರ್ಚೆಗೆ ಕಾರಣವಾಗಿದೆ. ಈ ನಡುವೆ ಸದಾ ವಿಭಿನ್ನ ಬಟ್ಟೆ ಧರಿಸುವ ಮೂಲಕ ಸುದ್ದಿಯಲ್ಲಿರುವ ನಟಿ ಉರ್ಫಿ ಜಾವೇದ್​ ಚಿನ್ನದ ಆಭರಣ ಬದಲು ಟೊಮ್ಯಾಟೋ ಹಣ್ಣುಗಳನ್ನೇ ಆಭರಣ ರೀತಿ ಧರಿಸಿದ್ದಾರೆ. ಸದ್ಯ ಈ ಫೋಟೋಗಳು ವೈರಲ್​ ಆಗಿವೆ.

ಬಿಗ್​ ಬಾಸ್​ ಒಟಿಟಿಯಲ್ಲಿ ಸ್ಪರ್ಧಿಸುವ ಮೂಲಕ ಉರ್ಫಿ ಜಾವೇದ್​ ಅವರು ಸಖತ್ ಜನಪ್ರಿಯತೆ ಪಡೆದರು. ಅಲ್ಲಿ ಅವರು ಹೈಲೈಟ್​ ಆಗಿದ್ದೇ ಉಡುಗೆ ತೊಡುಗೆಯ ಕಾರಣದಿಂದ. ಬಿಗ್​ ಬಾಸ್​ ಮನೆಯಿಂದ ಹೊರಬಂದ ಬಳಿಕವೂ ಅವರು ಅದೇ ಅಭ್ಯಾಸ ಮುಂದುವರಿಸಿದರು.

ಚಿತ್ರ-ವಿಚಿತ್ರವಾದ ಬಟ್ಟೆಗಳನ್ನು ಧರಿಸುವ ಮೂಲಕ ಅವರು ಸುದ್ದಿ ಆಗಿದ್ದೇ ಹೆಚ್ಚು. ಈಗ ಅವರು ಟೊಮ್ಯಾಟೋ ಹಣ್ಣುಗಳನ್ನು ಆಭರಣದ ರೀತಿ ಧರಿಸಿ ನೆಟ್ಟಿಗರ ಗಮನ ಸೆಳೆಯುತ್ತಿದ್ದಾರೆ.