ರೈಲು ಪ್ರಯಾಣದಲ್ಲಿ ಮಹಿಳೆಯರ ಸುರಕ್ಷತೆ ಭದ್ರತೆಗೆ ಪ್ರಮುಖ ಆದ್ಯತೆ ನೀಡಿ ಹೊಸ ಕ್ರಮ ಜಾರಿ ಮಾಡಿದ ನೈಋತ್ಯ ರೈಲ್ವೆ

ಹುಬ್ಬಳ್ಳಿ :  ಲಕ್ಷಾಂತರ ಜನರು ದೈನಂದಿನ ಪ್ರಯಾಣವನ್ನು ಕೈಗೊಳ್ಳುವ ವಿಸ್ತಾರವಾದ ರೈಲ್ವೆ ಜಾಲದಲ್ಲಿ ಮಹಿಳಾ ಪ್ರಯಾಣಿಕರ ಸುರಕ್ಷತೆ ಖಚಿತಪಡಿಸಿಕೊಳ್ಳವ  ಮತ್ತು  ಮಹಿಳಾ ಪ್ರಯಾಣಿಕರು ಎದುರಿಸುತ್ತಿರುವ ಪ್ರಚಲಿತ ಸವಾಲುಗಳನ್ನು ಗುರುತಿಸಿ, ನೈಋತ್ಯ ರೈಲ್ವೆಯು ಅವರ ರೈಲ್ವೆ ಅನುಭವಗಳಾದ್ಯಂತ ಅವರ ಸುರಕ್ಷತೆ ಮತ್ತು ಯೋಗಕ್ಷೇಮವನ್ನು ಖಚಿತಪಡಿಸಿಕೊಳ್ಳುವ ಗುರಿಯನ್ನು ಹೊಂದಿರುವ ಸಮಗ್ರ ಕ್ರಮಗಳನ್ನು ನೈಋತ್ಯ ರೈಲ್ವೆಯು ಜಾರಿಗೆ ತಂದಿದೆ.

ನೈಋತ್ಯ ರೈಲ್ವೆಯ ರೈಲ್ವೆ ರಕ್ಷಣಾ ದಳ  (ಆರ್ ಪಿ ಎಫ್ ) ಮತ್ತು ಸರ್ಕಾರಿ ರೈಲ್ವೆ ಪೊಲೀಸರನ್ನು ಒಳಗೊಂಡ ರೈಲು ಬೆಂಗಾವಲುಗಳ ತಂಡಗಳು ಸೂಕ್ಷ್ಮ ಹಾಗೂ ಅನುಮಾನಸ್ಪದ ಮಾರ್ಗಗಳಲ್ಲಿ ವಿಶೇಷವಾಗಿ ಮಹಿಳಾ ಪ್ರಯಾಣಿಕರಿಗೆ ಹೆಚ್ಚಿನ ಭದ್ರತೆಯನ್ನು ಒದಗಿಸುತ್ತವೆ. ನೈಋತ್ಯ ರೈಲ್ವೆ ಸಾಮಾನ್ಯವಾಗಿ ಪ್ರತಿದಿನ ಸರಾಸರಿ 202 ಮೇಲ್ / ಎಕ್ಸ್ ಪ್ರೆಸ್ ರೈಲುಗಳನ್ನು ಓಡಿಸುತ್ತದೆ, ಇದರಲ್ಲಿ 35-40 ರೈಲುಗಳನ್ನು ಆರ್ ಪಿ ಎಫ್ ಪಡೆಯು ಬೆಂಗಾವಲು ಮಾಡುತ್ತದೆ ಮತ್ತು 69-70 ರೈಲುಗಳನ್ನು ಜಿ ಆರ್ ಪಿ ಪಡೆಯು ಬೆಂಗಾವಲು ಮಾಡುತ್ತದೆ. ಇದರರ್ಥ ಸರಿಸುಮಾರು ಶೇ. 50% ಕ್ಕೂ ಹೆಚ್ಚು ಮೇಲ್ / ಎಕ್ಸ್ ಪ್ರೆಸ್ ರೈಲುಗಳನ್ನು ಪ್ರತಿದಿನ ಬೆಂಗಾವಲು ಮಾಡಲಾಗುತ್ತದೆ. ಭದ್ರತೆಯನ್ನು ಹೆಚ್ಚಿಸಲು, ನೈಋತ್ಯ ರೈಲ್ವೆಯ ನಿಲ್ದಾಣಗಳಲ್ಲಿ 835 ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಹೆಚ್ಚುವರಿಯಾಗಿ, 228 ನಿಲ್ದಾಣಗಳಲ್ಲಿ ಅಂದಾಜು 2700 ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸುವ ಯೋಜನೆ ಇದೆ.

ಪ್ರಯಾಣಿಕರ ಸಮಸ್ಯೆಗಳನ್ನು ಪರಿಹರಿಸಲು, ನೈಋತ್ಯ ರೈಲ್ವೆ ಟ್ವಿಟರ್, ಫೇಸ್ಬುಕ್ ಮತ್ತು ಕೂ ನಂತಹ ಸಾಮಾಜಿಕ ಮಾಧ್ಯಮ ವೇದಿಕೆಗಳನ್ನು ಬಳಸಿಕೊಳ್ಳುತ್ತದೆ. ರೈಲ್ವೆ ಸಹಾಯವಾಣಿ ಸಂಖ್ಯೆ 139 ಪ್ರಯಾಣಿಕರಿಗೆ ಭದ್ರತೆಗೆ ಸಂಬಂಧಿಸಿದ ಸಹಾಯವನ್ನು ಒದಗಿಸಲು 24×7 ಗಂಟೆಯು ಲಭ್ಯವಿರುವ ಪ್ರಮುಖ ಸಂಪನ್ಮೂಲವಾಗಿ ಕಾರ್ಯನಿರ್ವಹಿಸುತ್ತದೆ.

ರೈಲ್ವೆ ನಿಲ್ದಾಣಗಳಲ್ಲಿ, ಪ್ಲಾಟ್ ಫಾರ್ಮ್ ಗಳಲ್ಲಿ ಮತ್ತು ಇತರ ನಿರ್ಣಾಯಕ ಸ್ಥಳಗಳಲ್ಲಿ ಹಾಗೂ  ದುರ್ಬಲ ಪ್ರದೇಶಗಳಲ್ಲಿ ಸರಿಯಾದ ಬೆಳಕಿನ ವ್ಯವಸ್ಥೆಯನ್ನು ಒದಗಿಸುವುದು ಮತ್ತು ಮಹಿಳೆಯರಿಗೆ ಮೀಸಲಾದ ಬೋಗಿಗಳನ್ನು  ಪರಿಚಯಿಸುವುದು, ಮೇರಿ ಸಹೇಲಿಯಂತಹ ನವೀನ ಉಪಕ್ರಮದ ಮೂಲಕ ಮಹಿಳೆಯರಿಗೆ ಸುರಕ್ಷಿತ ವಾತಾವರಣವನ್ನು ಸೃಷ್ಟಿಸುವಲ್ಲಿ ನೈಋತ್ಯ ರೈಲ್ವೆಯ ಪಾತ್ರ ಮಹತ್ವದಾಗಿದೆ. ಮಹಿಳೆಯರಿಗೆ ಕಾಯ್ದಿರಿಸಿದ ಬೋಗಿಗಳಲ್ಲಿ ಪ್ರಯಾಣಿಸುವ ಯಾವುದೇ ಅನಧಿಕೃತ ಪುರುಷರನ್ನು ರೈಲ್ವೆ ಕಾಯ್ದೆಯ ಸೆಕ್ಷನ್ 162 ರ ಅಡಿಯಲ್ಲಿ ಶಿಕ್ಷಿಸಲಾಗುತ್ತದೆ. 2022ರಲ್ಲಿ ಸೆಕ್ಷನ್ 162ರ ಅಡಿಯಲ್ಲಿ 88 ಪ್ರಕರಣಗಳು ದಾಖಲಾಗಿ 18,450 ರೂ.ಗಳ ದಂಡ ಸಂಗ್ರಹಿಸಲಾಗಿದೆ ಹಾಗೂ  2023ರಲ್ಲಿ 145 ಪ್ರಕರಣಗಳು ದಾಖಲಾಗಿ 25,500 ರೂ.ಗಳ ದಂಡ ಸಂಗ್ರಹಿಸಲಾಗಿದೆ.

“ಮೇರಿ ಸಹೇಲಿ” ಉಪಕ್ರಮವು ಮುಖ್ಯವಾಗಿ ರೈಲಿನಲ್ಲಿ ಒಂಟಿಯಾಗಿ ಪ್ರಯಾಣಿಸುವ ಮಹಿಳಾ ಪ್ರಯಾಣಿಕರ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳುವತ್ತ ಗಮನ ಹರಿಸುತ್ತದೆ. ಆರ್ ಪಿ ಎಫ್ ತಂಡವು ಪ್ರಯಾಣಿಕರ ಮಾಹಿತಿ ವ್ಯವಸ್ಥೆ (ಪಿಐಎಸ್)ಯನ್ನು ಬಳಸಿ  ಒಂಟಿಯಾಗಿ ಪ್ರಯಾಣಿಸುವ  ಮಹಿಳಾ ಪ್ರಯಾಣಿಕರನ್ನು ಗುರುತಿಸಲು ಪ್ರಯಾಣಿಕರ ಬಗ್ಗೆ ಡೇಟಾವನ್ನು ಸಂಗ್ರಹಿಸುತ್ತದೆ.  ನೈಜ ಸಮಯದ ಮೇಲ್ವಿಚಾರಣೆ, ಎಸ್ಎಂಎಸ್ ಎಚ್ಚರಿಕೆಗಳು ಮತ್ತು ಜಿಪಿಎಸ್ ಟ್ರ್ಯಾಕಿಂಗ್ ವೈಶಿಷ್ಟ್ಯಗಳ ಮೂಲಕ ಅವರಿಗೆ ಸಹಾಯವನ್ನು ಒದಗಿಸುತ್ತದೆ. ಯಾವುದೇ ತುರ್ತು ಪರಿಸ್ಥಿತಿಯಲ್ಲಿ  ಆರ್ ಪಿ ಎಫ್ ಸಿಬ್ಬಂದಿಗೆ ಗೃಹರಕ್ಷಕರು ಸಹಾಯ ಮತ್ತು ಬೆಂಬಲವನ್ನು ಒದಗಿಸುತ್ತಾರೆ. ಪ್ರಸ್ತುತ ನೈಋತ್ಯ ರೈಲ್ವೆಯಲ್ಲಿ ಗುತ್ತಿಗೆ ಆಧಾರದ ಮೇಲೆ 270 ಗೃಹರಕ್ಷಕರು ಸೇವೆ ಸಲ್ಲಿಸುತ್ತಿದ್ದಾರೆ.

ಏಕಾಂಗಿ ಮಹಿಳಾ ಪ್ರಯಾಣಿಕರನ್ನು ರಕ್ಷಿಸುವುದರ ಜೊತೆಗೆ, ಆಪರೇಷನ್ ನನ್ಹೆ ಫರಿಶ್ತೆ ರೈಲಿನಲ್ಲಿ ಪ್ರಯಾಣಿಸುವ ಅಪ್ರಾಪ್ತ ಮಕ್ಕಳ ಸುರಕ್ಷತೆಗೂ ಆದ್ಯತೆ ನೀಡುತ್ತದೆ. 2022 ರಲ್ಲಿ, ಒಟ್ಟು 169 ಬಾಲಕಿಯರು ಮತ್ತು 709 ಬಾಲಕರನ್ನು ಯಶಸ್ವಿಯಾಗಿ ರಕ್ಷಿಸಲಾಗಿದೆ ಮತ್ತು 2023 ರಲ್ಲಿ 81 ಬಾಲಕಿಯರು ಮತ್ತು 325 ಬಾಲಕರನ್ನು ರಕ್ಷಿಸಿ ಅವರ ಯೋಗಕ್ಷೇಮಕ್ಕಾಗಿ ಮಕ್ಕಳ ಕಲ್ಯಾಣ ಕೇಂದ್ರಗಳಿಗೆ ಹಸ್ತಾಂತರಿಸಲಾಗಿದೆ.

2022 ರಲ್ಲಿ, ಆರ್ ಪಿ ಎಫ್ ತಂಡದ ಪರಿಶ್ರಮದ ಪ್ರಯತ್ನಗಳಿಂದ 113 ಕಳ್ಳತನ ಪ್ರಕರಣಗಳನ್ನು ಪತ್ತೆಹಚ್ಚಲಾಗಿದೆ ಮತ್ತು 74,797 ರೂ.ಗಳ ಮೌಲ್ಯದ ಕದ್ದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಅಂತೆಯೇ, 2023 ರಲ್ಲಿ, ಆರ್ ಪಿ ಎಫ್ ತಂಡವು  33 ಕಳ್ಳತನ ಪ್ರಕರಣಗಳನ್ನು ಯಶಸ್ವಿಯಾಗಿ ಪತ್ತೆಹಚ್ಚಿದೆ ಮತ್ತು 2,81,599 ರೂ.ಗಳ ಮೌಲ್ಯದ ಕದ್ದ ವಸ್ತುಗಳನ್ನು ವಶಪಡಿಸಿಕೊಂಡಿದೆ.

ಹಾಲುಣಿಸುವ ತಾಯಂದಿರಿಗೆ ಸುರಕ್ಷಿತ ಮತ್ತು ಖಾಸಗಿ ಸ್ಥಳವನ್ನು ಒದಗಿಸಲು, ನೈಋತ್ಯ ರೈಲ್ವೆಯ  ಪ್ರಮುಖ ರೈಲು ನಿಲ್ದಾಣಗಳಲ್ಲಿ ನರ್ಸಿಂಗ್ ಪಾಡ್‌ಗಳನ್ನು ಸ್ಥಾಪಿಸಲಾಗಿದೆ ಮತ್ತು ನೈರ್ಮಲ್ಯದ ಮಹತ್ವವನ್ನು ತಿಳಿಸಲು ಸ್ಯಾನಿಟರಿ ಪ್ಯಾಡ್ ವೆಂಡಿಂಗ್ ಮೆಷಿನ್‌ಗಳನ್ನು ಮಹಿಳೆಯರ ಶೌಚಾಲಯಗಳು ಮತ್ತು ರೈಲ್ವೆ ನಿಲ್ದಾಣಗಳಲ್ಲಿ ಕಾಯುವ ಕೊಠಡಿಗಳ ಬಳಿ ಸ್ಥಾಪಿಸಲಾಗಿದೆ. ನಿಲ್ದಾಣಗಳಲ್ಲಿನ ಈ ಸೌಲಭ್ಯಗಳ ಜೊತೆಗೆ, ಸಹಾಯವು ಆನ್ಬೋರ್ಡ್ ಪ್ರಯಾಣಿಕರಿಗೂ ವಿಸ್ತರಿಸುತ್ತದೆ. ಮಹಿಳೆಯರು ತಮ್ಮ ಪ್ರಯಾಣದ ಸಮಯದಲ್ಲಿ ಹಾಲು, ಶಿಶು ಆಹಾರ ಅಥವಾ ಯಾವುದೇ ವೈದ್ಯಕೀಯ ಅಗತ್ಯತೆಗಳಂತಹ ಪ್ಯಾಂಟ್ರಿ ಅಗತ್ಯಗಳಿಗಾಗಿ ಆನ್ ಬೋರ್ಡ್ ಟಿಕೆಟ್ ತಪಾಸಣಾ ಸಿಬ್ಬಂದಿಯಿಂದ (ಟಿಟಿಇ) ಸಹಾಯ ಪಡೆಯಬಹುದು ಅಥವಾ ಸಹಾಯಕ್ಕಾಗಿ 139 ಸಂಖ್ಯೆ  ಮೂಲಕ ಸಂಪರ್ಕಿಸಬಹುದು

ಮಹಿಳಾ ಪ್ರಯಾಣಿಕರ ಸುರಕ್ಷತೆ, ಸೌಕರ್ಯ ಮತ್ತು ಯೋಗಕ್ಷೇಮದ ಮೇಲೆ ಭಾರತೀಯ ರೈಲ್ವೆಯ ದೃಢವಾದ ಬದ್ಧತೆಯು ಪ್ರಯಾಣದ ಗುಣಮಟ್ಟವನ್ನು ಮರುರೂಪಿಸುತ್ತಿದೆ, ಹಾಗೂ ಎಲ್ಲಾ ಪ್ರಯಾಣಿಕರಿಗೆ ಸುರಕ್ಷಿತ ಮತ್ತು ಅಂತರ್ಗತ ವಾತಾವರಣವನ್ನು ಸೃಷ್ಟಿಸುತ್ತಿದೆ.