LATEST NEWS
ಓ ಅಕ್ಕಾ ಕ್ಷೇತ್ರದ ಎಂಪಿ ನೀ ಬೇಡ ಅಕ್ಕಾ – ಶೋಭಾ ಕರಂದ್ಲಾಜೆ ವಿರುದ್ದ ಕರಿಮಣಿ ಮಾಲೀಕ ಹಾಡಿನ ಮೂಲಕ ಅಭಿಯಾನ
ಉಡುಪಿ ಮಾರ್ಚ್ 05: ಉಡುಪಿ ಚಿಕ್ಕಮಗಳೂರು ಸಂಸದೆ ಶೋಭಾ ಕರಂದ್ಲಾಜೆ ವಿರುದ್ದ ಅಭಿಯಾನ ಮುಂದುವರೆದಿದ್ದು. ಇದೀಗ ಸದ್ಯದ ಟ್ರೆಂಡ್ ಹಾಡು ಕರಿಮಣಿ ಮಾಲೀಕ ಹಾಡನ್ನು ಬಳಸಿ ಶೋಭಾ ಕರಂದ್ಲಾಜೆ ವಿರುದ್ದ ಅಭಿಯಾನ ನಡೆಸಲಾಗುತ್ತಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕೇಂದ್ರದ ಕೃಷಿ ಮತ್ತು ರೈತರ ಕಲ್ಯಾಣ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ ವಿರುದ್ಧ ಸನಾತನ ಹಿಂದುತ್ವ ಫೇಸ್‌ಬುಕ್‌ನಲ್ಲಿ ಅಭಿಯಾನ ಮುಂದುವರಿದಿದೆ. ಆದರೆ, ಈ ಬಾರಿ ನಿನಲ್ಲಾ, ಓನಿನಲ್ಲಾ, ಕರಿಮಣಿ ಮಾಲೀಕ ನೀನಲ್ಲಾ… ಹಾಡನ್ನು ಶೋಭಾ ಕರಂದ್ಲಾಜೆ ವಿರುದ್ಧ ಟ್ರೋಲ್ ಮಾಡಲಾಗಿದ್ದು, ಸಾಮಾಜಿಕ ಜಾಲ ತಾಣದಲ್ಲಿ ದೊಡ್ಡ ಸದ್ದು ಮಾಡಿದೆ.
ಹಲವು ದಿನಗಳಿಂದ ನಡೆಯುತ್ತಿರುವ ಗೋ ಬ್ಯಾಕ್ ಶೋಭಾ ಅಭಿಯಾನ ಕ್ಷೇತ್ರದೊಳಗೆ ಖಾಲಿ ಖಾಲಿ.., ನೀಕ್ಷೇತ್ರದೊಳಗೆ ಇದ್ದರೂ, ಅನುದಾನ ಅಭಿವೃದ್ಧಿಗೆ ತರದೆ ಹೋದ್ರು, ಓ ಅಕ್ಕಾ, ಓ ಅಕ್ಕಾ ಕ್ಷೇತ್ರದ ಎಂಪಿ ನೀ ಬೇಡ ಅಕ್ಕಾ ಎಂದು ಗುಂಡಿ ಬಿದ್ದ ರಸ್ತೆಗಳು, ಭೂ ಕುಸಿತದ ಪೋಟೋಗಳನ್ನು ಈ ಟ್ರೋಲ್‌ನೊಂದಿಗೆ ಟ್ಯಾಗ್ ಮಾಡಲಾಗಿದೆ. ಇದೇ ವೇಳೆ ಫೇಸ್‌ಬುಕ್‌ನಲ್ಲಿ ಯಾರಿಗೆ ಬಿಜೆಪಿ ಟಿಕೆಟ್ ಕೊಡಬೇಕೆಂಬುದು ಕೂಡ ಚರ್ಚೆಯಾಗುತ್ತಿದೆ. ಸೋಮವಾರದಂದು ಆಗಿರುವ ಚರ್ಚೆಯಲ್ಲಿ ಮಾಜಿ ಸಚಿವರಾದ ಸಿ.ಟಿ. ರವಿ, ಡಿ.ಎನ್. ಜೀವರಾಜ್, ಪ್ರಮೋದ್ ಮಧ್ವರಾಜ್ ಹೆಸರುಗಳನ್ನು ಪ್ರಸ್ತಾಪ ಮಾಡಲಾಗಿದೆ.
