ಬೆಳ್ತಂಗಡಿಯ 12 ಕಡೆಗಳಲ್ಲಿ ಸರಣಿ ಕಳ್ಳತನ
ಬೆಳ್ತಂಗಡಿಯ 12 ಕ್ಕೂ ಅಧಿಕ ಅಂಗಡಿಗಳಿಗೆ ನುಗ್ಗಿದ ಕಳ್ಳರು ತಮ್ಮ ಕೈ ಚಳಕ ತೋರಿಸಿದ್ದಾರೆ. ಇಲ್ಲಿನ ಅಳದಂಗಡಿಯ ಏಳು ಅಂಗಡಿಗಳು ಹಾಗೂ ಸ್ಥಳೀಯ ಕಾಲೇಜಿಗೂ ಕಳ್ಳರು ನುಗ್ಗಿದ್ದಾರೆ.
ಬೆಳ್ತಂಗಡಿ, ಅಕ್ಟೋಬರ್ 16 : ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಹಲವೆಡೆ ಸರಣಿ ಕಳ್ಳತನ ನಡೆದಿದೆ. ಬೆಳ್ತಂಗಡಿಯ 12 ಕ್ಕೂ ಅಧಿಕ ಅಂಗಡಿಗಳಿಗೆ ನುಗ್ಗಿದ ಕಳ್ಳರು ತಮ್ಮ ಕೈ ಚಳಕ ತೋರಿಸಿದ್ದಾರೆ.
ಇಲ್ಲಿನ ಅಳದಂಗಡಿಯ ಏಳು ಅಂಗಡಿಗಳು ಹಾಗೂ ಸ್ಥಳೀಯ ಕಾಲೇಜಿಗೂ ಕಳ್ಳರು ನುಗ್ಗಿದ್ದಾರೆ. ಶಟರಿನ ಬೀಗಗಳನ್ನು ಮುರಿದು ಒಳನುಗ್ಗಿ ಕಳ್ಳತನ ನಡೆಸಿದ್ದು, ಈ ಎಲ್ಲಾ ಪ್ರಕರಣಗಳಲ್ಲಿ ಒಂದೇ ತಂಡ ಕೈ ಚಳಕ ತೋರಿಸಿರುವ ಸಾಧ್ಯತೆಗಳಿವೆ.
ಬೆಳ್ತಂಗಡಿ ಪೇಟೆಯಲ್ಲೂ ಕಳ್ಳತನ ನಡೆದಿದೆ. ಶ್ವಾನ ದಳ ಹಾಗೂ ಹಿರಿಯ ಪೋಲಿಸ್ ಅಧಿಕಾರಿಗಳು ಭೆಟಿ ನೀಡಿ ಪರಿಸೀಲನೆ ನಡೆಸಿದ್ದು, ಬೆಳ್ತಂಗಡಿ ಮತ್ತು ವೇಣೂರು ಪೊಲೀಸ್ ಠಾಣೆಗಳಲ್ಲಿ ಪ್ರಕರಣ ದಾಖಲಾಗಿದೆ.