Connect with us

LATEST NEWS

ಲೋಬೋ ಪರ ಪ್ರಚಾರಕ್ಕೆ ಆಗಮಿಸಿ ಕಾಂಗ್ರೇಸ್ ಮುಖಂಡರ ಬೆವರಿಳಿಸಿದ ಜನಾರ್ಧನ ಪೂಜಾರಿ

ಲೋಬೋ ಪರ ಪ್ರಚಾರಕ್ಕೆ ಆಗಮಿಸಿ ಕಾಂಗ್ರೇಸ್ ಮುಖಂಡರ ಬೆವರಿಳಿಸಿದ ಜನಾರ್ಧನ ಪೂಜಾರಿ

ಮಂಗಳೂರು ಮೇ 9: ಕೇಂದ್ರ ಸಚಿವ ಚಿದಂಬರಂ ಮಾಡಿದ್ದನ್ನು ಬಿಜೆಪಿಯವರು ಹೇಳಿದರೆ ಕಾಂಗ್ರೇಸ್ ಸರ್ವನಾಶವಾಗುತ್ತೆ, ನೋಡಿ ನಾಳೆಯಿಂದ ಬಿಜೆಪಿಯವರು ಚಿದಂಬರಂ ಅವರು ಮಾಡಿದ್ದನ್ನೇಲ್ಲಾ ಬಯಲಿಗೆಳೆಯಲಿದ್ದಾರೆ ಎಂದು ಕಾಂಗ್ರೇಸ್ ಹಿರಿಯ ಮುಖಂಡ ಬಿ. ಜನಾರ್ಧನ ಪೂಜಾರಿ ಆರೋಪಿಸಿದ್ದಾರೆ.

ಮಂಗಳೂರಿನಲ್ಲಿ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಕಾಂಗ್ರೇಸ್ ಹಿರಿಯ ಮುಖಂಡ ಬಿ. ಜನಾರ್ಧನ ಪೂಜಾರಿ ತಮ್ಮ ಪಕ್ಷದವರ ಮೇಲೆಯೇ ಕಿಡಿಕಾರಿದರು. ಮಾಧ್ಯಮಗೋಷ್ಠಿ ನಡುವೆ ಎದ್ದು ಹೋದ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಹರೀಶ್ ಕುಮಾರ್ ಹಾಗೂ ಕಾಂಗ್ರೆಸ್ ಮುಖಂಡ ವೆಂಕಟೇಶ್ ವರ್ತನೆ ಬಗ್ಗೆ ಖಂಡಿಸಿದ ಜನಾರ್ದನ ಪೂಜಾರಿ, ಚಿದಂಬರಂ ಬರ್ತಾರೆ ಅಂತಾ ಹರೀಶ್ ಕುಮಾರ್ ಎದ್ದು ಹೋದರು. ಚಿದಂಬರಂ ಚುನಾವಣಾ ಪ್ರಚಾರಕ್ಕೆ ಬಂದಿದ್ದಾರೆ. ಅವರಿವರ ಹಿಂದೆ ಹೋಗುವುದೇ ಸಂಸ್ಕೃತಿ ಯಾಗಿ ಹೋಗಿದೆ ಎಂದರು.

ಮಂಗಳೂರು ದಕ್ಷಿಣ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಶಾಸಕ ಜೆ ಆರ್ ಲೋಬೊ ಪರ ಜನಾರ್ಧನ ಪೂಜಾರಿ ಇಂದು ಪ್ರಚಾರಕ್ಕೆ ಆಗಮಿಸಿದ್ದರು. ಮಂಗಳೂರು ದಕ್ಷಿಣ ಕ್ಷೆತ್ರದ ಕಾಂಗ್ರೆಸ್ ಚುನಾವಣಾ ಕಚೇರಿಯಲ್ಲಿ ಜನಾರ್ದನ ಪೂಜಾರಿ ಯವರ ಮಾಧ್ಯಮ ಗೋಷ್ಠಿಆಯೋಜಿಸಿತ್ತು. ಮೊದಲು ಕಾಂಗ್ರೆಸ್ ಪರವಾಗಿಯೇ ಮಾತನಾಡಿದ ಜನಾರ್ದನ ಪೂಜಾರಿ ನಂತರ ಆಗಿದ್ದು ಮಾತ್ರ ರೆಬೆಲ್.

ಸಿಎಂ ಸಿದ್ದರಾಮಯ್ಯ ರ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದ ಜನಾರ್ದನ ಪೂಜಾರಿ ಮುಖ್ಯಮಂತ್ರಿ ಸಿದ್ಗರಾಮಯ್ಯ ಅವರ ದುರಂಹಕಾರ ಬಿಟ್ಟರೆ ಉಳಿತಾರೆ ಇಲ್ಲ ಅಂದರೆ ಸೋಲುತ್ತಾರೆ ಎಂದರು. ಸಿಎಂ ಸಿದ್ದರಾಮಯ್ಯ ಗೆ ಒಳ್ಳೆಯದಾಗಲಿ ಎಂದು ಈ ಹಿಂದೆ ಸಲಹೆಗಳನ್ನು ಕೊಟ್ಟಿದ್ದೆ. ಸಿದ್ದರಾಮಯ್ಯ ದುರಹಂಕಾರಿ ಮನೋಭಾವ ಬದಲಿಸುತ್ತಾರೆ ಎಂದು ಸಲಹೆ ನೀಡಿದ್ದೆ. ಆದರೆ ಸಿದ್ದರಾಮಯ್ಯ ತನ್ನ ಗುಣಗಳನ್ನು ಬದಲಿಸಿಕೊಂಡಿಲ್ಲ. ಪಕ್ಷದಲ್ಲಿ ಯಾರೂ ಸರ್ವಾಧಿಕಾರಿ ಆಗಲಾರ ,ಪಕ್ಷದಲ್ಲಿ ಕಾರ್ಯಕರ್ತರಿಗೆ ಬೆಲೆ ಇಲ್ವಾ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಮಾಧ್ಯಮ ಗೋಷ್ಠೀಯ ಆರಂಭದಲ್ಲಿ ಬಂಟ್ವಾಳದ ಕಾಂಗ್ರೆಸ್ ಅಭ್ಯರ್ಥಿ ಸಚಿವ ರಮಾನಾಥ್ ರೈ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿ ಈ ಬಾರಿ ಚುನಾವಣೆಯಲ್ಲಿ ರಮಾನಾಥ್ ರೈ ಭಾರೀ ಅಂತರದಿಂದ ಗೆಲ್ಲಲಿದ್ದಾರೆ ಎಂದು ಹೇಳಿದರು . ಆದರೆ ನಂತರ ರಮಾನಾಥ್ ರೈ ವಿರುದ್ದವೂ ಪೂಜಾರಿ ಕಿಡಿಕಾರಿದರು. ಕಲ್ಲಡ್ಕ ಶಾಲೆಯ ಮಕ್ಕಳ ಊಟವನ್ನು ಕಸಿದ ರಮಾನಾಥ್ ರೈ ವರ್ತನೆ ಬಗ್ಗೆ ಖಂಡಿಸಿದರು.

VIDEO

Share Information
Continue Reading
Advertisement
Click to comment

Leave a Reply

Your email address will not be published. Required fields are marked *