LATEST NEWS
ಗ್ಯಾಸ್ ಸೋರಿಕೆಗೆ ಓಮ್ನಿ ಕಾರ್ ಹಟ್ಟಿ ಭಸ್ಮ: ಓರ್ವ ಗಾಯ
ಗ್ಯಾಸ್ ಸೋರಿಕೆಗೆ ಓಮ್ನಿ ಕಾರ್ ಹಟ್ಟಿ ಭಸ್ಮ: ಓರ್ವ ಗಾಯ
ಮಂಗಳೂರು,ಡಿಸೆಂಬರ್ 08 :ಕಾರಿನಲ್ಲಿದ್ದ ಗ್ಯಾಸ್ ಸೋರಿಕೆಯ ಪರಿಣಾಮ ಕಾರಿನೊಂದಿಗೆ, ಹಟ್ಟಿಯೂ ಭಸ್ಮವಾದ ಘಟನೆ ಮಂಗಳೂರು ಹೊರವಲಯದ ಮೂಡುಕೊಣಾಜೆ ಎಂಬಲ್ಲಿ ಸಂಭವಿಸಿದೆ.
ಮೂಡಬಿದೆರೆಯ ಮೂಡುಕೊಣಾಜೆ ಗ್ರಾಮದ ಮಾರಿಬೆಟ್ಟು ಎಂಬಲ್ಲಿ ಈ ದುರ್ಘಟನೆ ಸಂಭವಿಸಿದೆ.
ಮೂಡುಬಿದಿರೆ ಶ್ರೀಮಹಾವೀರ ಸಭಾಭವನದ ವ್ಯವಸ್ಥಾಪಕರಾಗಿರುವ ಜಗದೀಶ್ ಜೈನ್ ಅವರು ಮನೆಯ ಪಕ್ಕದ ಹಟ್ಟಿ ಎದುರು ತಮ್ಮ ಓಮ್ನಿ ಕಾರು ಅನ್ನು ತೊಳೆಯುತ್ತಿದ್ದ ವೇಳೆ ಕಾರಿನ ಗ್ಯಾಸ್ ಸೋರಿಕೆಗೊಂಡಿದೆ.
ಈ ಸಂದರ್ಭ ಪಕ್ಕದಲ್ಲೇ ಇದ್ದ ಬಚ್ಚಲು ಮನೆಗೆ ಹಾಕಿದ್ದ ಬೆಂಕಿ ಆಮ್ನಿ ಕಾರಿಗೆ ಆವರಿಸಿದೆ.
ಬೆಂಕಿಯು ಕ್ಷಣಾರ್ಧದಲ್ಲೇ ಕಾರನ್ನು ಆವರಿಸಿದ್ದು,ಜೊತೆಗೆ ಪಕ್ಕದ ಹಟ್ಟಿಯಲ್ಲಿ ಇಟ್ಟಿದ್ದ ಬೈಹುಲ್ಲಿಗೆ ತಾಗಿ ಬೆಂಕಿಯ ತೀವ್ರತೆ ಹೆಚ್ಚಾಗಿದೆ.
ಈ ಸಂದರ್ಭದಲ್ಲಿ ಜಗದೀಶ್ ಅವರ ಮುಖ, ಬೆನ್ನು ಹಾಗೂ ಕೈಗಳು ಗಾಯವಾಗಿದೆ.
ದನಗಳನ್ನು ಹಟ್ಟಿಯಿಂದ ಹೊರಗೆ ಕಟ್ಟಲಾಗಿತ್ತು. ಸ್ಥಳೀಯರು ಮತ್ತು ಅಗ್ನಿಶಾಮಕ ದಳದ ಸಿಬಂದಿಗಳು ಸ್ಥಳಕ್ಕೆ ಧಾವಿಸಿ ಬೆಂಕಿ ಆರಿಸಿದ್ದಾರೆ. ಸ್ಥಳೀಯ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
