Connect with us

National

ಕಸ್ಟಮ್ಸ್ ನಿಂದ ಬಂತು ಆತಂಕಕಾರಿ ಮಾಹಿತಿ – ಚೆನ್ನೈನಲ್ಲಿದೆ 740 ಟನ್ ಅಮೋನಿಯಂ ನೈಟ್ರೇಟ್

ಚೆನ್ನೈ ಅಗಸ್ಟ್ 6 : ಲೆಬನಾನ್ ರಾಜಧಾನಿ ಬೆರೂತ್ ನ ಮಹಾಸ್ಪೋಟ ಬೆನ್ನಲ್ಲೆ ಇದೀಗ ಅಘಾತಕಾರಿ ಸುದ್ದಿಯೊಂದು ಹೊರ ಬಿದ್ದಿದ್ದು, ಬೆರೂತ್ ನಷ್ಟೇ ಪ್ರಭಾವಶಾಲಿಯಾದ ಸ್ಪೋಟ ಸಂಭವಿಸಬಹುದಾದ ಅಮೋನಿಯಂ ನೈಟ್ರೇಟ್ ನ ಸಂಗ್ರಹ ಚೆನ್ನೈ ನ ಹೊರವಲಯದಲ್ಲಿದೆ.

ಕಳೆದ ಎರಡು ದಿನಗಳ ಹಿಂದೆ ಲೆಬನಾನ್​​​ನಲ್ಲಿ ಸಂಭವಿಸಿರುವ ಭೀಕರ ಸ್ಫೋಟ ಇಡೀ ಜಗತ್ತನ್ನೇ ಬೆಚ್ಚಿ ಬೀಳಿಸಿದೆ. ಈ ಮಹಾದುರಂತದಲ್ಲಿ 135ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿ 3 ಲಕ್ಷಕ್ಕೂ ಹೆಚ್ಚು ಜನರು ನಿರಾಶ್ರಿತರಾಗಿದ್ದಾರೆ. ಆಘಾತಕಾರಿ ವಿಚಾರ ಏನಂದರೆ, ಇಂತಹುದೇ ದುರಂತ ಸಂಭವಿಸಬಹುದಾಗಿದ್ದ ಸ್ಫೋಟಕ ವಸ್ತುಗಳು ತಮಿಳುನಾಡಿನ ಚೆನ್ನೈನ ಹೊರವಲಯದಲ್ಲಿ ಕಸ್ಟಮ್ಸ್​ ಅಧಿಕಾರಿಗಳ ವಶದಲ್ಲಿದೆ.

ಸಾಂಧರ್ಭಿಕ ಚಿತ್ರ

ಚೆನೈನಲ್ಲಿ ಅಮೋನಿಯಂ ನೈಟ್ರೇಟ್ ಇರುವ ಮಾಹಿತಿ ಹೊರ ಬರುತ್ತಿದ್ದಂತೆ ಚೆನೈನಲ್ಲಿ ಆಕ್ರೋಶ ವ್ಯಕ್ತವಾಗಿತ್ತು. ಈ ಹಿನ್ನಲೆ ಈ ಕುರಿತಂತೆ ಮಾಧ್ಯಮಗಳಿಗೆ ಹೇಳಿಕೆ ಬಿಡುಗಡೆ ಮಾಡಿರುವ ಕಸ್ಟಮ್ಸ್ ಅಧಿಕಾರಿಗಳು ಹಲವಾರು ವರ್ಷಗಳಿಂದ ವಶಕ್ಕೆ ಪಡೆದುಕೊಂಡು ಇಡಲಾಗಿರುವ ಬರೋಬ್ಬರಿ 740 ಟನ್​ಗೂ ಅಧಿಕ ಅಮೋನಿಯಂ ನೈಟ್ರೇಟ್​ ನ್ನು ಕಾರ್ಗೋ ಕಂಟೈನರ್ ನಲ್ಲಿ ಸುರಕ್ಷಿತವಾಗಿ ಇಡಲಾಗಿದೆ. ಹಾಗೂ ಈ ಕಾರ್ಗೋ ಇಟ್ಟಿರುವ ಪ್ರದೇಶ ಚೆನೈ ಸಿಟಿಯಿಂದ ಸುಮಾರು 20 ಕಿಲೋ ಮೀಟರ್ ದೂರದಲ್ಲಿದೆ. ಅಲ್ಲದೆ ಅಮೋನಿಯಂ ನೈಟ್ರೇಟ್ ಇರುವ ಕಂಟೈನರ್ ಇರುವ ಪ್ರದೇಶದ ಸುತ್ತಮುತ್ತ 2 ಕಿಲೋ ಮಿಟರ್ ರವರೆಗೆ ಯಾವುದೇ ಜನವಸತಿ ಪ್ರದೇಶ ಇಲ್ಲ ಎಂದು ತಿಳಿಸಿದ್ದಾರೆ.


ಅಲ್ಲದೆ ಈಗ ಇರುವ ಅಮೋನಿಯಂ ನೈಟ್ರೇಟ್ ನ್ನು ಇ ಹರಾಜು ಮಾಡಲು ಕ್ರಮ ಕೈಗೊಳ್ಳಲಾಗಿದ್ದು, ಹರಾಜು ಪ್ರಕ್ರಿಯೆ ಸಂಪೂರ್ಣಗೊಂಡಿದ್ದು, ಶೀಘ್ರದಲ್ಲೇ ದಾಸ್ತಾನಿರುವ ಅಮೋನಿಯಂ ನೈಟ್ರೇಟ್ ವಿಲೇವಾರಿಯಾಗಲಿದೆ ಎಂದು ತಿಳಿಸಿದ್ದಾರೆ.
2015 ರಲ್ಲಿ ಚೆನ್ನೈನ ಬಂದರಿನಲ್ಲಿ ಕೆಮಿಕಲ್​​ ಅನ್ನ ವಶಕ್ಕೆ ಪಡೆಯಲಾಗಿತ್ತು. ಅಂದಿನಿಂದ ಇದು ಅಲ್ಲಿಯೇ ಬಿದ್ದಿದೆ ಅಂತಾ ಅಧಿಕಾರಿಗಳು ತಿಳಿಸಿದ್ದಾರೆ. ಮಾರು 36 ಕಂಟೈನರ್​​ ಅಷ್ಟು ಅಮೋನಿಯಂ ನೈಟ್ರೇಟ್ ಇದ್ದು, ಒಂದೊಂದು ಸುಮಾರು 20 ಟನ್ ಭಾರ ಹೊಂದಿವೆ. ‘ಸತ್ವ ಕಂಟೈನರ್​​ ಡಿಪಾರ್ಟ್​​ಮೆಂಟ್​’ನಲ್ಲಿ ಸುಮಾರು 697 ಟನ್​ ಅಮೋನಿಯಂ ನೈಟ್ರೇಟ್ ಇದೆ. ಅದನ್ನ ಶ್ರೀ ಅಮ್ಮನ್ ಕೆಮಿಕಲ್ಸ್​ನಿಂದ ಆಮದು ಮಾಡಿಕೊಳ್ಳಲಾಗಿದೆ ಎನ್ನಲಾಗಿದೆ. ಅವುಗಳನ್ನ ಶೀಘ್ರದಲ್ಲಿಯೇ ವಿಲೇವಾರಿ ಮಾಡಲಿದ್ದೇವೆ ಅಂತಾ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ ಅಂತಾ ವರದಿಯಾಗಿದೆ.


ಲೆಬನಾನ್ ಬೆರೂತ್​​ನಲ್ಲಿ ಸಂಭವಿಸಿದ ಸ್ಫೋಟಕದಲ್ಲಿ ಬರೋಬ್ಬರಿ 2,750 ಟನ್​​​ನಷ್ಟು ಅಮೋನಿಯಂ ನೈಟ್ರೇಟ್​​​ ಇತ್ತು. ಅಲ್ಲಿ ನಡೆದ ಸ್ಫೋಟದ ಭೀಕರತೆಯ ಅರಿತು ಎಚ್ಚೆತ್ತುಕೊಂಡಿರುವ ದೇಶದ ಸಿಬಿಐಟಿಸಿ (Central Board of Indirect Taxes & Customs), ಕಸ್ಟಮ್ಸ್​ ಹಾಗೂ ಸಂಬಂಧಪಟ್ಟ ಅಧಿಕಾರಿಗಳಿಗೆ ಮುನ್ನೆಚ್ಚರಿಕೆಯನ್ನ ನೀಡಿದೆ. ದೇಶದಲ್ಲಿ ಸಂಗ್ರಹಿಸಡಲಾಗಿರುವ ಸ್ಫೋಟಕ ವಸ್ತುಗಳು ಅನಾಹುತವನ್ನ ಸಂಭವಿಸಬಹುದಾಗಿದ್ದು, ಈ ಬಗ್ಗೆ ಕೂಡಲೇ ತುರ್ತು ಕ್ರಮಕೈಗೊಳ್ಳಿ ಎಚ್ಚರಿಕೆಯನ್ನ ನೀಡಿದೆ.

Facebook Comments

comments