ಮುಂಬೈ – 135 ಕೋಟಿ ಮೌಲ್ಯದ ಡ್ರಗ್ಸ್ ವಶ – 9 ಮಂದಿ ಅರೆಸ್ಟ್

ಮುಂಬೈ ಅಕ್ಟೋಬರ್ 13 : ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ) ಬರೋಬ್ಬರಿ 135 ಕೋಟಿ ಮೌಲ್ಯದ ಡ್ರಗ್ಸ್ ನ್ನು ವಶಕ್ಕೆ ಪಡೆದು 9 ಮಂದಿ ಡ್ರಗ್ಸ್ ಪೆಡ್ಲರ್ ಗಳನ್ನುಅರೆಸ್ಟ್ ಮಾಡಿದೆ. ಈ ಮೂಲಕ ಹಲವಾರು ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಡ್ರಗ್ ಸಿಂಡಿಕೇಟ್‌ಗಳನ್ನು ಭೇದಿಸಿದೆ.

135 ಕೋಟಿ ಮೌಲ್ಯದ ಕೊಕೇನ್ ಮತ್ತು ಅಲ್ಪ್ರಜೋಲಂ ಅನ್ನು ವಶಪಡಿಸಿಕೊಂಡಿದೆ. ಬಂಧಿತರಲ್ಲಿ ಮೂವರು ವಿದೇಶಿ ಪ್ರಜೆಗಳು ಎಂದು ಎನ್‌ಸಿಬಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಕಾರ್ಯಾಚರಣೆಗಳು 6.9 ಕೆಜಿ ಕೊಕೇನ್ ಮತ್ತು ಸರಿಸುಮಾರು 200 ಕೆಜಿ ಅಲ್ಪ್ರಜೋಲಮ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಎನ್‌ಸಿಬಿ ತಂಡವು ಇಬ್ಬರು ಬೊಲಿವಿಯನ್ ಮಹಿಳೆಯರನ್ನು ಬಂಧಿಸಿದೆ ಮತ್ತು ದಕ್ಷಿಣ ಮುಂಬೈನ ಖೇತ್ವಾಡಿ ಪ್ರದೇಶದ ಹೋಟೆಲ್‌ನಲ್ಲಿ ಒಳ ಉಡುಪುಗಳು, ಟೂತ್‌ಪೇಸ್ಟ್, ಬಟ್ಟೆ, ಕಾಸ್ಮೆಟಿಕ್ ಟ್ಯೂಬ್‌ಗಳು, ಸಾಬೂನು, ಪಾದರಕ್ಷೆಗಳು ಮತ್ತು ಮೇಕಪ್ ಕಿಟ್‌ಗಳಂತಹ ವಿವಿಧ ವಸ್ತುಗಳೊಳಗೆ ಬಚ್ಚಿಟ್ಟ 5 ಕೆಜಿ ಕೊಕೇನ್ ಅನ್ನು ಪತ್ತೆಹಚ್ಚಿದೆ.

ವಶಪಡಿಸಿಕೊಳ್ಳಲಾದ ಡ್ರಗ್ಸ್ ಪುಡಿ ಮತ್ತು ದ್ರವ ಅಥವಾ ಪೇಸ್ಟ್ ಎರಡರ ರೂಪದಲ್ಲಿದ್ದವು, ಬಂಧಿತ ಗ್ಲೋರಿಯಾ ಇಲೋರ್ಕಾ ಸಿ ಬಳಿ 2.18 ಕೆಜಿ ಕೊಕೇನ್ ಪತ್ತೆಯಾಗಿದ್ದರೆ, ಎವೆಲಿನಾ ಅವರ ಬ್ಯಾಗೇಜ್‌ನಲ್ಲಿ 2.82 ಕೆಜಿ ಕೊಕೇನ್ ಇತ್ತು. ಈ ಮಾದಕ ವಸ್ತುಗಳ ಒಟ್ಟು ಮೌಲ್ಯ 20 ಕೋಟಿ ಎಂದು ಅಂದಾಜಿಸಲಾಗಿದೆ. ಬ್ರೆಜಿಲ್‌ನ ಸಾವೊ ಪಾಲೊ ಮೂಲದ ಸಿಂಡಿಕೇಟ್‌ನಿಂದ ಇಬ್ಬರೂ ಮಹಿಳೆಯರನ್ನು ಭಾರತಕ್ಕೆ ಡ್ರಗ್‌ಗಳೊಂದಿಗೆ ಕಳುಹಿಸಲಾಗಿದೆ ಎಂದು ಎನ್‌ಸಿಬಿ ಅಧಿಕಾರಿ ಬಹಿರಂಗಪಡಿಸಿದ್ದಾರೆ, ಮಾಸ್ಟರ್‌ಮೈಂಡ್ ಬ್ರೆಜಿಲ್‌ನಲ್ಲಿ ನೆಲೆಸಿದ್ದಾರೆ.