FILM
ಬಿಗ್ ಬಾಸ್ ಮನೆಯಲ್ಲಿ ಮೊಬೈಲ್ ಚಾರ್ಜರ್ – ಪೋಟೋ ವೈರಲ್
ಬೆಂಗಳೂರು ಡಿಸೆಂಬರ್ 22: ಕನ್ನಡದ ಖ್ಯಾತ ರಿಯಾಲಿಟಿ ಶೋ ಬಿಗ್ ಬಾಸ್ 10ನೇ ಸೀಸನ್ ಸೂಪರ್ ಹಿಟ್ ಆಗಿದ್ದು, ಜನಪ್ರಿಯತೆಯನ್ನು ಪಡೆದುಕೊಂಡಿದೆ. ಬಿಗ್ ಬಾಸ್ ನ ದೊಡ್ಡ ಅಭಿಮಾನಿಗಳ ಬಳಗವೇ ಕ್ರಿಯೆಟ್ ಆಗಿದ್ದು, ಕೋಪ, ಜಗಳ ಮನೆಯ ತುಂಬ ಹೆಚ್ಚಾಗಿ ಕಾಣಿಸುತ್ತಿದೆ. ಈ ನಡುವೆ ಬಿಗ್ ಬಾಸ್ ಮನೆಯ ಪೋಟೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದ್ದು, ಈ ಪೋಟೋದಲ್ಲಿ ಮೊಬೈಲ್ ಚಾರ್ಜರ್ ಗಳು ಕಂಡಿದ್ದು, ಬಿಗ್ ಬಾಸ್ ಮನೆಯಲ್ಲಿ ಮೊಬೈಲ್ ಉಪಯೋಗಿಸುತ್ತಾರಾ ಎಂಬ ಪ್ರಶ್ನೆ ಎದ್ದಿದೆ.
ವೈರಲ್ ಆಗಿರುವ ಪೋಟೋದಲ್ಲಿ ಸಂಗೀತಾ ಶೃಂಗೇರಿ ಪಕ್ಕ ಇರುವ ಪ್ಲಗ್ನಲ್ಲಿ ಮೊಬೈಲ್ ಚಾರ್ಜರ್ ಸಿಕ್ಕಿಸಿಕೊಂಡಿರುವುದು ಮೇಲ್ನೋಟಕ್ಕೆ ಕಂಡಿದೆ. ಇದನ್ನು ಗಮನಿಸಿದ ವೀಕ್ಷಕರು ಸ್ಕ್ರೀನ್ ಶಾಟ್ ತೆಗೆದುಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಪೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಲೇ, ಇದೀಗ ಚರ್ಚೆ ಶುರುವಾಗಿದೆ. ಅನೇಕರು ದೊಡ್ಮನೆಯಲ್ಲಿ ಸ್ಪರ್ಧಿಗಳು ಕದ್ದು ಮೊಬೈಲ್ ಬಳಸುತ್ತಿದ್ದಾರಾ? ಎಂಬ ಚರ್ಚೆ ಮಾಡುತ್ತಿದ್ದಾರೆ. ಆದರೆ ಅಸಲಿ ಕಥೆ ಏನು ಗೊತ್ತಾ?.
ಮೇಲ್ನೋಟಕ್ಕೆ ಸಂಗೀತಾ ಶೃಂಗೇರಿ ಪಕ್ಕ ಮೊಬೈಲ್ ಚಾರ್ಜರ್ನಂತೆ ಕಂಡರು. ಖಂಡಿತಾ ಮನೆಯೊಳಗೆ ಮೊಬೈಲ್ ಅಥವಾ ಸ್ಮಾರ್ಟ್ಫೋನ್ ಬಳಕೆಗೆ ಅವಕಾಶವಿಲ್ಲ. ಆದರೆ ಟ್ರಿಮ್ಮರ್ನಂತಹ ಮುಖ್ಯವಾದ ಗೃಹ ಉಪಯೋಗಿ ಬಳಕೆಯ ವಸ್ತುಗಳ ಬಳಕೆಗೆ ಅವಕಾಶವಿದೆ. ಟ್ರಿಮ್ಮರ್ ಮತ್ತಿತರ ವಸ್ತುಗಳಿಗೆ ಚಾರ್ಜ್ ಅವಶ್ಯಕ. ಹಾಗಾಗಿ ಚಾರ್ಜರ್ ಇಲ್ಲದೆ ಅವನ್ನು ಉಪಯೋಗಿಸಲಾಗುವುದಿಲ್ಲ ಎಂಬುವುದು ಬಹುತೇಕರಿಗೆ ಗೊತ್ತು. ದೃಶ್ಯದಲ್ಲಿ ಕಂಡಂತೆ ಅವು ಟ್ರಿಮ್ಮರ್ ಚಾರ್ಜರ್ ಎಂಬದು ಮನದಟ್ಟಾಗಿದೆ.
