LATEST NEWS
ಮಂಗಳೂರಿನಲ್ಲಿ ಮನೆಮಾಡಿದ ಕ್ರಿಸ್ಮಸ್ ಸಂಭ್ರಮ – ಚರ್ಚ್ ಗಳಲ್ಲಿ ವಿಶೇಷ ಪೂಜೆ
ಮಂಗಳೂರು ಡಿಸೆಂಬರ್ 25: ಜಗತ್ತಿಗೆ ಶಾಂತಿ ಮತ್ತು ಪ್ರೀತಿಯ ಸಂದೇಶ ಸಾರಿದ ದೇವ ಪುತ್ರ ಯೇಸುಕ್ರಿಸ್ತರ ಜನ್ಮದಿನಾಚರಣೆಯನ್ನು ಪೂರ್ವದ ರೋಮ್ ಎಂದೇ ಜನಜನಿತವಾದ ಕರಾವಳಿ ನಗರ ಮಂಗಳೂರಿನಲ್ಲಿಂದು ಸಂಭ್ರಮ ಸಡಗರಗಳಿಂದ ಆಚರಿಸಲಾಯಿತು.
ಹಬ್ಬದ ಸಲುವಾಗಿ ನಗರದ ಚರ್ಚ್ ಹಾಗೂ ಪ್ರಾರ್ಥನಾ ಮಂದಿರಗಳು ಜಗಮಗಿಸುವ ವಿದ್ಯುತ್ ದೀಪಗಳಿಂದ ಶೃಂಗಾರಗೊಂಡಿತ್ತು. ಎಲ್ಲೆಡೆ ಕ್ರಿಸ್ಮಸ್ ಹಬ್ಬದ ಸಂಭ್ರಮ ಸಡಗರ, ಚರ್ಚ್‌ಗಳಲ್ಲಿ ವಿಶೇಷ ಸಂಭ್ರಮದ ಪೂಜೆಗಳು ನಡೆದವು. ಸಾವಿರಾರು ಕ್ರೈಸ್ತ್ ಭಾಂಧವರು ಭಕ್ತಿಯಿಂದ ಪೂಜೆ ಮತ್ತು ಕ್ರಿಸ್ಮಸ್ ಆಚರಣೆಯ ಸಂಭ್ರಮದಲ್ಲಿ ಪಾಲ್ಗೊಂಡರು.
ಕ್ರಿಸ್ಮಸ್ ಹಬ್ಬದ ಚಳಿಯಲ್ಲಿ ಮಧುರ ಸಂಗೀತದ ಕ್ರಿಸ್ಮಸ್ ಕ್ಯಾರಲ್ಸ್ ನಡುವೆ ಈ ಆಕರ್ಷಕ ಕ್ರಿಸ್ಮಸ್ ಕ್ರಿಬ್‌ಗಳನ್ನು ನೊಡುವುದೇ ಕಣ್ಣಿಗೆ ಹಬ್ಬವಾಗಿದೆ. ಅದರಲ್ಲೂ ದೀಪಾಲಂಕಾರಗೊಂಡ ಮಂಗಳೂರಿನ ಚರ್ಚ್‌ಗಳ ವೈಭವ, ನಗರದಲ್ಲಿ ಸಂಚರಿಸುವ ಮೂಲಕ ಮಕ್ಕಳಿಗೆ ಪ್ರೀತಿಯ ಉಡುಗೊರೆಗಳನ್ನು ನೀಡುವ ಸಾಂತಕ್ಲಾಸ್ ಅವರನ್ನು ರಾತ್ರಿಯ ಚುಮುಚುಮು ಚಳಿಯಲ್ಲಿ ಕಣ್‌ತುಂಬಿ ಕೊಳ್ಳುವುದೇ ಒಂದು ವಿಶೇಷ ಅನುಭವಾಗಿತ್ತು.
