ಸುಬ್ರಹ್ಮಣ್ಯ – ಕೋಳಿ ಹಿಡಿಯಲು ಹೋಗಿ ಬಾವಿಗೆ ಬಿದ್ದ ಚಿರತೆ

ಸುಬ್ರಹ್ಮಣ್ಯ ನವೆಂಬರ್ 07: ಕೋಳಿ ಹಿಡಿಯಲು ಹೋಗಿ ಚಿರತೆಯೊಂದು ಬಾವಿಗೆ ಬಿದ್ದ ಘಟನೆ ಕಡಬದಲ್ಲಿ ನಡೆದಿದೆ. ಕಡಬ ತಾಲೂಕಿನ ಕೊಂಬಾರು ಗ್ರಾಮದ ಕಮರ್ಕಜೆ ಎಂಬಲ್ಲಿ ರಾಮಯ್ಯ ಎಂಬುವರಿಗೆ ಸೇರಿದ ಬಾವಿಗೆ ಚಿರತೆ ಬಿದ್ದಿದೆ.

ಆಹಾರಕ್ಕೆಂದು ನಾಡಿಗೆ ಬಂದ ಚಿರತೆ ಈ ಬಾರಿ ನಾಯಿಯನ್ನು ಬಿಟ್ಟು ಕೋಳಿಗೆ ಹೊಂಚು ಹಾಕಿ ಬೇಟೆಯಾಡಲು ಹೋಗಿದೆ. ಆದರೆ ಕೋಳಿ ಹಿಡಿಲು ಹೋಗಿ ಬಿದ್ದಿದ್ದು ಮಾತ್ರ ಬಾವಿಗೆ. ಸ್ಥಳಕ್ಕೆ ಸುಬ್ರಹ್ಮಣ್ಯ ವಲಯ ಅರಣ್ಯಾಧಿಕಾರಿಗಳು ಭೇಟಿ ನೀಡಿದ್ದು, ಚಿರತೆಯ ರಕ್ಷಣಾ ಕಾರ್ಯಕ್ಕೆ ತಯಾರಿ ನಡೆಸಿದ್ದಾರೆ.