LATEST NEWS
ಮುಂದಿನ ವಾರದಿಂದ ಬಂದ್ ಆಗಲಿದೆ ಕೂಳೂರು ಹಳೇ ಸೇತುವೆ
ಮುಂದಿನ ವಾರದಿಂದ ಬಂದ್ ಆಗಲಿದೆ ಕೂಳೂರು ಹಳೇ ಸೇತುವೆ
ಮಂಗಳೂರು ಅಕ್ಟೋಬರ್ 3: ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಮಂಗಳೂರು-ಉಡುಪಿ ಮಧ್ಯೆ ಸಂಪರ್ಕ ಕೊಂಡಿಯಾಗಿರುವ ಕೂಳೂರು ಹಳೇ ಸೇತುವೆ ಮಂದಿನ ವಾರದಿಂದ ವಾಹನ ಸಂಚಾರಕ್ಕೆ ಬಂದ್ ಆಗಲಿದೆ.
ಹಳೇ ಸೇತುವೆ ಸಂಚಾರಕ್ಕೆ ಯೋಗ್ಯವಾಗಿಲ್ಲ ಎಂಬ ತಜ್ಞರ ವರದಿ ಪ್ರಕಾರ ಘನ ವಾಹನಗಳ ಸಂಚಾರ ಕೂಡಲೇ ಸ್ಥಗಿತಗೊಳಿಸಬೇಕು ಎಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ದ.ಕ. ಜಿಲ್ಲಾಡಳಿತಕ್ಕೆ ಈಗಾಗಲೇ ವರದಿ ನೀಡಿದೆ. ಇದನ್ನು ಗಂಭೀರವಾಗಿ ಪರಿಗಣಿಸಿದ ಜಿಲ್ಲಾಧಿಕಾರಿ ಮುಂದಿನ ವಾರದಿಂದ ಸೇತುವೆ ಬಂದ್ ಮಾಡುವ ಬಗ್ಗೆ ನಿರ್ಧಾರ ಕೈಗೊಂಡಿದ್ದಾರೆ. ಈ ಹಿನ್ನಲೆಯಲ್ಲಿ ಕೂಳೂರು ಹಳೇ ಸೇತುವೆಯಲ್ಲಿ ಎಲ್ಲ ಘನ ವಾಹನಗಳ ಸಂಚಾರ ಸ್ಥಗಿತಗೊಳಿಸಲಾಗುತ್ತದೆ.
ಹಳೇ ಸೇತುವೆಯಲ್ಲಿ ಘನವಾಹನ ಮಾತ್ರ ನಿರ್ಬಂಧ ಹೇರಲಾಗುವುದು ಆದರೆ ಲಘುವಾಹನ, ದ್ವಿಚಕ್ರ ವಾಹನಕ್ಕೆ ಸಂಚರಿಸುವುದಕ್ಕೆ ಅಡ್ಡಿಯಿಲ್ಲ’ ಎಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ತಿಳಿಸಿದೆ.
