ಡಿವೈಎಫ್‌ಐ ರಾಷ್ಟ್ರೀಯ ಅಧ್ಯಕ್ಷ ಮುಹಮ್ಮದ್‌ ಜೊತೆ ಕೇರಳ ಸಿಎಂ ಪಿಣರಾಯಿ ವಿಜಯನ್‌ ಪುತ್ರಿ ಮದುವೆ

ಜೂನ್ 15 ರಂದು ಕೇವಲ ಆಪ್ತರ ಸಮ್ಮುಖದಲ್ಲಿ ನಡೆಯಲಿದೆ ಮದುವೆ

ಕೇರಳ ಜೂನ್ 10: ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಅವರ ಹಿರಿಯ ಪುತ್ರಿ ವೀಣಾ ಥಯಿಕ್ಕಂಡಿಯಿಲ್‌ ಅವರ ವಿವಾಹ ಡಿವೈಎಫ್‌ಐ ನ ರಾಷ್ಟ್ರೀಯ ಅಧ್ಯಕ್ಷ ಮುಹಮ್ಮದ್‌ ರಿಯಾಸ್‌ ಅವರೊಂದಿಗೆ ಶೀಘ್ರವೇ ನೆರವೇರಲಿದೆ ಎಂದು ಮೂಲಗಳು ತಿಳಿಸಿವೆ.

ಜೂ.15ರಂದು ಕೇವಲ ಕುಟುಂಬದ ಆಪ್ತರ ಸಮ್ಮುಖದಲ್ಲಿ ಸರಳ ವಿವಾಹ ನೆರವೇರಿಸಲು ತೀರ್ಮಾ­ನಿಸಲಾಗಿದೆ. ಇಬ್ಬರಿಗೂ ಇದು ಎರಡನೇ ವಿವಾಹ ಸಂಬಂಧ. ರಿಯಾಸ್‌ ಅವರು ತಮ್ಮ ಮೊದಲ ಪತ್ನಿ ಡಾ. ಸಮೀಹಾ ಅವರಿಂದ 2015ರಲ್ಲಿ ಬೇರೆ­ಯಾಗಿದ್ದರು. ಇವರಿಗೆ ಇಬ್ಬರು ಪುತ್ರರಿದ್ದಾರೆ. ಇನ್ನು ವೀಣಾ ಅವ­ರಿಗೆ ಒಬ್ಬ ಪುತ್ರನಿದ್ದು, ಅವರು ಕೂಡ 5 ವರ್ಷಗಳ ಹಿಂದೆ ಪತಿ­­ಯಿಂದ ದೂರವಾಗಿ­ದ್ದರು ಎಂದು ರಾಷ್ಟ್ರೀಯ ದೈನಿಕವೊಂದು ವರದಿ­ಮಾಡಿದೆ.

ಬೆಂಗಳೂರಿನ ಐಟಿ ಕಂಪನಿಯ ನಿರ್ದೇಶಕರಾಗಿರುವ ವೀಣಾ ರಾಜಕಾರಣದಿಂದ ಅಂತರ ಕಾಯ್ದುಕೊಂಡಿದ್ದಾರೆ. ರಿಯಾಸ್‌ ಅವರು 2009ರ ಲೋಕಸಭೆ ಚುನಾವಣೆಯಲ್ಲಿ ಸಿಪಿಐ­(ಎಂ) ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಪರಾಭವಗೊಂಡಿದ್ದರು.