ಜಪಾನ್ ಟೆಕ್ನೋಪ್ರೊ ಹೋಲ್ಡಿಂಗ್ಸ್‌ ತೆಕ್ಕೆಗೆ ಉಡುಪಿಯ ರೋಬೋಸಾಫ್ಟ್..805 ಕೋಟಿ ಗೆ ಮಾರಾಟ

ಉಡುಪಿ ಅಗಸ್ಟ್ 11: ಉಡುಪಿ ಮೂಲದ ರೋಬೋಸಾಫ್ಟ್ ಟೆಕ್ನಾಲಜೀಸ್ ಕಂಪೆನಿಯನ್ನು ಜಪಾನ್ ನ ಜಪಾನಿನ ಟೆಕ್ನೋಪ್ರೊ ಹೋಲ್ಡಿಂಗ್ಸ್‌ಗೆ ಕಂಪೆನಿ 805 ಕೋಟಿ ರೂಪಾಯಿ ನೀಡಿ ಖರೀದಿಸಿದೆ. ಈ ಖರೀದಿಗೆ ಸಂಬಂಧಿಸಿದಂತೆ ಅಗಸ್ಟ್ 10 ರಂದು ಒಪ್ಪಂದ ಪತ್ರಗಳಿಗೆ ಸಹಿ ಕೂಡ ಹಾಕಲಾಗಿದೆ.

ಉಡುಪಿ ನಗರದಲ್ಲಿರುವ ರೋಬೋಸಾಫ್ಟ್ ಅನ್ನು 1996ರಲ್ಲಿ ರೋಹಿತ್ ಭಟ್ ಸ್ಥಾಪಿಸಿದ್ದರು. 1996ರಲ್ಲಿ ಸಾಫ್ಟ್ ವೇರ್ ಅಭಿವೃದ್ಧಿ ಸಂಸ್ಥೆಯಾಗಿ ಆರಂಭಗೊಂಡಿದ್ದ ರೋಬೋಸಾಫ್ಟ್ 2008ರ ವೇಳೆಗೆ ಮೊಬೈಲ್ ಆಯಪ್ ಅಭಿವೃದ್ಧಿ ಸೇವೆಯನ್ನು ನೀಡುವ ಮುಂಚೂಣಿಯ ಕಂಪನಿಗಳಲ್ಲೊಂದಾಗಿ ಬೆಳೆದಿತ್ತು. ಉಡುಪಿಯಲ್ಲಿ ಮುಖ್ಯ ಕಚೇರಿಯನ್ನು ಹೊಂದಿರುವ ಅದು ಮುಂಬೈ ಮತ್ತು ಬೆಂಗಳೂರುಗಳಲ್ಲಿ ಡೆಲಿವರಿ ಸೆಂಟರ್ಗಳನ್ನು ಹಾಗೂ ಅಮೆರಿಕ ಮತ್ತು ಜಪಾನ್ ಗಳಲ್ಲಿ ಮಾರಾಟ ಕಚೇರಿಗಳನ್ನು ಹೊಂದಿದೆ. ಸುಮಾರು 1,000 ಉದ್ಯೋಗಿಗಳನ್ನು ಹೊಂದಿರುವ ಕಂಪನಿಯು ಅಮೆರಿಕ, ಜಪಾನ್, ಯುರೋಪ್, ಮಧ್ಯಪ್ರಾಚ್ಯ ಮತ್ತು ಆಫ್ರಿಕಾ(ಇಎಂಇಎ) ಹಾಗೂ ಭಾರತದಲ್ಲಿನ ಗ್ರಾಹಕರಿಗೆ ಸೇವೆಗಳನ್ನು ಒದಗಿಸುತ್ತಿದೆ. ಅಸೆಂಟ್ ಕ್ಯಾಪಿಟಲ್, ಕಲಾರಿ ಕ್ಯಾಪಿಟಲ್ ಮತ್ತು ಕಂಪನಿಯ ಪ್ರವರ್ತಕರು ಹಾಗೂ ಅಧಿಕಾರಿಗಳು ಸೇರಿದಂತೆ 15 ವ್ಯಕ್ತಿಗಳು ರೋಬೋಸಾಫ್ಟ್ ನ ಪ್ರಮುಖ ಶೇರುದಾರರಾಗಿದ್ದಾರೆ.

ಭಾರತವನ್ನು ಹೊರತುಪಡಿಸಿ ಜಪಾನ್ ಮತ್ತು ಯುಎಸ್‌ನಲ್ಲಿ ವಿತರಣಾ ಕೇಂದ್ರಗಳನ್ನು ಹೊಂದಿರುವ 1,000ಕ್ಕೂ ಹೆಚ್ಚು ಜನರಿಗೆ ಉದ್ಯೋಗ ಕಲ್ಪಿಸಿದೆ. ಕಂಪನಿಯು ಬಳಕೆದಾರರ ವಿನ್ಯಾಸ, ಎಂಜಿನಿಯರಿಂಗ್ ಮತ್ತು ವಿಶ್ಲೇಷಣೆಯಂತಹ ಡಿಜಿಟಲ್ ರೂಪಾಂತರದಲ್ಲಿ ಪರಿಹಾರಗಳನ್ನು ನೀಡುತ್ತದೆ. ಆಪಲ್ ಅದರ ಮೊದಲ ಗ್ರಾಹಕರಲ್ಲಿ ಒಬ್ಬರಾಗಿದ್ದಾರೆ. ಕಂಪನಿಯು ಹಣಕಾಸು ವರ್ಷ 2021ರ ನಿವ್ವಳ ಮಾರಾಟವು 184 ಕೋಟಿ ರೂ.ಗಳಾಗಿದ್ದು, ಹಿಂದಿನ ವರ್ಷ 97.4 ಕೋಟಿ ರೂ.ನಿಂದ ಶೇ.89 ರಷ್ಟು ಹೆಚ್ಚಾಗಿದೆ. ಕಂಪನಿಯ ನಿವ್ವಳ ಆದಾಯವು ಹಣಕಾಸು ವರ್ಷ 2021ರಲ್ಲಿ 49.4 ಕೋಟಿ ರೂ.ನಷ್ಟಿತ್ತು. ಮಾರ್ಚ್ 2020ಕ್ಕೆ ಕೊನೆಗೊಳ್ಳುವ ವರ್ಷಕ್ಕೆ 18.2 ಕೋಟಿ ರೂ.ನಿಂದ ಶೇ.170ರಷ್ಟು ಹೆಚ್ಚಾಗಿದೆ.

ರೋಬೋಸಾಫ್ಟ್ ಅನ್ನು ಅದರ ಪ್ರಸ್ತುತ ನಿರ್ವಹಣಾ ತಂಡವು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ, ರವಿತೇಜ ಬೊಮ್ಮಿರೆಡ್ಡಿಪಲ್ಲಿ ನೇತೃತ್ವದಲ್ಲಿ ಮುನ್ನಡೆಸುತ್ತದೆ. ಅವರನ್ನು ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಆಗಿ ಉನ್ನತೀಕರಿಸಲಾಗಿದೆ. ಟೋಕಿಯೊ ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ ಪಟ್ಟಿ ಮಾಡಲಾದ ಟೆಕ್ನೋಪ್ರೊ ಐಟಿ, ಎಂಜಿನಿಯರಿಂಗ್ ಮತ್ತು ಆರ್ & ಡಿ ಯಲ್ಲಿ ಪರಿಣತಿ ಹೊಂದಿದ್ದು, 20,000 ಕ್ಕೂ ಹೆಚ್ಚು ಜನರಿಗೆ ಉದ್ಯೋಗ ನೀಡಿದೆ.

ರೋಬೋಸಾಫ್ಟ್ ಕಳೆದ ಎರಡು ದಶಕಗಳಲ್ಲಿ ಅದ್ಭುತವಾದ ಪ್ರಯಾಣವನ್ನು ಹೊಂದಿದೆ ಮತ್ತು ಈ ಅವಧಿಯಲ್ಲಿ ಅಧಿಕವಾಗಿ ಬೆಳೆದಿದೆ. ಅಸೆಂಟ್ ಕ್ಯಾಪಿಟಲ್ ಮತ್ತು ಕಲಾರಿ ಕ್ಯಾಪಿಟಲ್ ಜೊತೆಗಿನ ಪಾಲುದಾರಿಕೆಯು ನಮಗೆ ಬಲವಾದ ಬೆಳವಣಿಗೆಯ ಯುಗವನ್ನು ಘೋಷಿಸಿತು ಮತ್ತು ಟೆಕ್ನೋಪ್ರೋನಂತಹ ಜಾಗತಿಕ ಆಟಗಾರನಿಗೆ ನಾವು ಕಂಪನಿಯ ಹಿಡಿತವನ್ನು ಹಸ್ತಾಂತರಿಸುತ್ತಿರುವುದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ,” ಎಂದು ರೋಬೋಸಾಫ್ಟ್‌ನ ಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ರೋಹಿತ್ ಭಟ್ ಹೇಳಿದರು.