ಭಿಕ್ಷುಕನ ಕೈಯಲ್ಲಿ ಲಕ್ಷ ಬೆಲೆಬಾಳುವ ಐಪೋನ್ 16 ಪ್ರೋ ಮ್ಯಾಕ್ಸ್ ..ಭಿಕ್ಷೆ ಬೇಡಿಯೇ ಖರೀದಿ ಮಾಡಿದೆ ಎಂದ ಭಿಕ್ಷುಕ

ಪಂಜಾಬ್ ಜನವರಿ 20: ತಿಂಗಳಿಗೆ ಐವತ್ತು ಸಾವಿರ ಸಂಬಳ ಪಡೆಯುವವರು ಐಪೋನ್ ಖರೀದಿಸಲು ಯೋಚನೆ ಮಾಡುತ್ತಾರೆ, ಆದರೆ ಇಲ್ಲೊಬ್ಬ ಭಿಕ್ಷುಕ ಭಿಕ್ಷೆ ಬೇಡಿ ಅದರ ಹಣದಿಂದಲೇ ಐಪೋನ್ ಮೊಬೈಲ್ ಖರೀದಿ ಮಾಡಿದ್ದಾನೆ.

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ವಿಡಿಯೋದಲ್ಲಿ ಭಿಕ್ಷುಕನೊಬ್ಬ ಐಪೋನ್ 16 ಪ್ರೋ ಮ್ಯಾಕ್ಸ್ ಮೊಬೈಲ್ ಹಿಡಿದಿದ್ದಾನೆ. ಹೀಗೆ ಐಫೋನ್ ಹಿಡಿದುಕೊಂಡು ಭಿಕ್ಷೆ ಬೇಡುತ್ತಿದ್ದವನ ಹೆಸರು ಶೇಖ್ ಎಂದು ಗುರುತಿಸಲಾಗಿದೆ. ಈತ ಐಫೋನ್ 16 ಪ್ರೋ ಮ್ಯಾಕ್ಸ್ ಹಿಡಿದುಕೊಂಡು ಭಿಕ್ಷೆ ಬೇಡುತ್ತಿರುವ ವಿಡಿಯೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ವಿಶೇಷ ಚೇತನ ಆಗಿರುವ ಈ ಭಿಕ್ಷುಕನನ್ನು ಅನೇಕರ ಸಂದರ್ಶನ ಮಾಡಿದ್ದಾರೆ ತನ್ನ ಸಂದರ್ಶನದಲ್ಲಿ ನಾನು 1.70 ಲಕ್ಷ ರೂಪಾಯಿ ಕ್ಯಾಶ್ ಕೊಟ್ಟು ಐಫೋನ್ ಸ್ಟೋರ್​ನಲ್ಲಿ ಈ ಐಫೋನ್​ 16 ಮ್ಯಾಕ್ಸ್ ಪ್ರೋ ಖರೀದಿಸಿದ್ದೀನಿ ಎಂದು ಹೇಳಿದ್ದಾನೆ.

ಇಷ್ಟೊಂದು ದುಡ್ಡು ಎಲ್ಲಿಂದ ಬಂತು ಎಂದು ಸಂದರ್ಶಕ ಕೇಳಿದಕ್ಕೆ, ಭಿಕ್ಷೆ ಬೇಡಿದ್ದರಿಂದಲೇ ಬಂದಿದ್ದು ಎಂದು ಹೇಳಿದ್ದಾನೆ. ಇಂಟರ್​ನೆಟ್​ನಲ್ಲಿ ಇದನ್ನು ನೋಡಿದ ಜನರು ಅಕ್ಷರಶಃ ಬೆಚ್ಚಿ ಬಿದ್ದಿದ್ದಾರೆ.

A video of a beggar carrying an iPhone 16 Pro Max in Ajmer, Rajasthan has surfaced on the internet.

The alms seeker’s response to a particular question has amused netizens. pic.twitter.com/buFnD0ZoGE

— The Siasat Daily (@TheSiasatDaily) January 19, 2025