ಹೈದರಾಬಾದ್‌ : ವಾಹನ ಸಾಗಾಟದ ಕಂಟೈನರ್ ಟ್ರಕ್ ಗೆ ಬೆಂಕಿ: 8 Tata Nexon ಕಾರುಗಳು ಬೆಂಕಿಗಾಹುತಿ..!

ಹೈದರಾಬಾದ್‌ : ವಾಹನ ಸಾಗಾಟದ ಟ್ರಕ್ ಒಂದಕ್ಕೆ ಬೆಂಕಿ ತಗುಲಿದ (Truck Fire) ಪರಿಣಾಮ 8 ವಾಹನಗಳು ಸುಟ್ಟು ಕರಕಲಾದ ಘಟನೆ ತೆಲಂಗಾಣದ ಸಂಗಾರೆಡ್ಡಿ ಜಿಲ್ಲೆಯಲ್ಲಿ ಸಂಭವಿಸಿದೆ.

ಇಲ್ಲಿನ  ಜಹೀರಾಬಾದ್ ಪಟ್ಟಣದ ಹೊರವಲಯದಲ್ಲಿರುವ ಬೈಪಾಸ್ ರಸ್ತೆಯ ಬಳಿ ಈ ದುರ್ಘಟನೆ ಸಂಭವಿಸಿದ್ದು , ಮುಂಬೈನಿಂದ ಹೈದರಾಬಾದ್ ಗೆ ಬರುತ್ತಿದ್ದ ಹೋಸ ವಾನಗಳನ್ನು ಹೊತ್ತ ಕಂಟೈನರ್ ಟ್ರಕ್ ನ ಎಂಜಿನ್ ನಿಂದ ಹಾರಿದ ಕಿಡಿಗಳು ಸ್ಫೋಟಗೊಂಡಿವೆ. ಘಟನೆಯ ಬಗ್ಗೆ ಮಾಹಿತಿ ಪಡೆದ ಅಗ್ನಿಶಾಮಕ ದಳಗಳು ಘಟನಾ ಸ್ಥಳಕ್ಕೆ ಧಾವಿಸಿ  ಬೆಂಕಿ ಆರಿಸುವ ಕಾರ್ಯ ನಡೆಸಿದುವು. ಆದಾಗ್ಯೂ  ಬೆಂಕಿಯನ್ನು ನಂದಿಸಲು ಸಾಧ್ಯವಾಗಲಿಲ್ಲ ಎನ್ನಲಾಗಿದೆ.  ಅಗ್ನಿಶಾಮಕ ದಳದವರು ಬೆಂಕಿಯನ್ನು ನಂದಿಸಲು ಎಷ್ಟೇ  ಪ್ರಯತ್ನ ಪಟ್ಟರೂ ಸಾಧ್ಯವಾಗದೆ ಟ್ರಕ್ ನಲ್ಲಿದ್ದ ವಾಹನಗಳು ಕಣ್ಣೆದುರಲ್ಲೇ ಟಾಟಾ ನೆಕ್ಸಾನ್ ಕಾರುಗಳು  ಸುಟ್ಟು ಹೋದುವು ಎನ್ನಲಾಗಿದೆ. ಬೆಂಕಿ ಅವಘಡದಿಂದ ಕೋಟ್ಯಾಂತರ ರೂಪಾಯಿಗಳ ನಷ್ಟ ಸಂಭವಿಸಿದೆ.