ರಸ್ತೆ ಅಪಘಾತದಲ್ಲಿ ಮೃತಪಟ್ಟ ಯುವಕನ ವಾಹನದಲ್ಲಿ ಗಾಂಜಾ ಪತ್ತೆ

ರಸ್ತೆ ಅಪಘಾತದಲ್ಲಿ ಮೃತಪಟ್ಟ ಯುವಕನ ವಾಹನದಲ್ಲಿ ಗಾಂಜಾ ಪತ್ತೆ

ಮಂಗಳೂರು, ಅಕ್ಟೋಬರ್ 12 :ರಸ್ತೆ ಅಪಘಾತದಲ್ಲಿ ಮೃತಪಟ್ಟ ಯುವಕನ ವಾಹನದಲ್ಲಿ ಗಾಂಜಾ ಪತ್ತೆಯಾಗಿದೆ. ವೇಗವಾಗಿ ಬಂದ ಲಾರಿ ಹರಿದು ಯುವಕನೋರ್ವ ದಾರುಣವಾಗಿ ಮೃತ ಪಟ್ಟ ದುರ್ಘಟನೆ ಮಂಗಳೂರು ನಗರದ ಉಳ್ಳಾಲ ವ್ಯಾಪ್ತಿಯಲ್ಲಿ ಸಂಭವಿಸಿದೆ.

ಉಳ್ಳಾಲದ ತೊಕ್ಕೊಟ್ಟುವಿನ ಹೆದ್ದಾರಿಯಲ್ಲಿ ಇಂದು ಬೆಳಗ್ಗೆ ಈ ದುರ್ಘಟನೆ ಸಂಭವಿಸಿದೆ. ಮೃತನನ್ನು ಕೆಸಿ ರೋಡಿನ 30 ವರ್ಷದ ಸಲೀಂ ಎಂದು ಗುರುತ್ತಿಸಲಾಗಿದೆ. ಮೂಲತ ಬೆಳ್ತಂಗಡಿಯವರಾದ ಸಲೀಂ ಅವರು ಕೆ ಸಿ ರೋಡಿನಲ್ಲಿ ವಾಸವಾಗಿದ್ದರು.

ಸಲೀಂ ದ್ವಿಚಕ್ರ ವಾಹನದ ಸೈಡ್ ಸ್ಟ್ಯಾಂಡ್ ಹಾಕಿ  ವಾಹನ ಚಲಾಯಿಸಿದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ. ಆಶ್ಚರ್ಯಕರ ಸಂಗತಿ ಎಂದರೆ ಮೃತನ ದ್ವಿಚಕ್ರ ವಾಹನದಲ್ಲಿ ಎರಡು ಪ್ಯಾಕೆಟ್ ಗಾಂಜ ಪತ್ತೆಯಾಗಿದೆ.

ಇದು ಉಳ್ಳಾಲ ಪರಿಸರದಲ್ಲಿನ ಗಾಂಜಾ ಹಾವಳಿಯ ತೀವೃತೆಯನ್ನು ತೋರಿಸುತ್ತಿದೆ. ಉಳ್ಳಾಲ ಪೋಲಿಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದು, ಪ್ರಕರಣ ದಾಖಲಾಗಿದೆ.