LATEST NEWS
ಮುಸ್ಲಿಮರಲ್ಲಿ ಹೆಚ್ಚಿನವರು ಎಸ್ ಡಿಪಿಐನವರು – ಮಾಜಿ ಮೇಯರ್ ಕವಿತಾ ಸನಿಲ್
ಮುಸ್ಲಿಮರಲ್ಲಿ ಹೆಚ್ಚಿನವರು ಎಸ್ ಡಿಪಿಐನವರು – ಮಾಜಿ ಮೇಯರ್ ಕವಿತಾ ಸನಿಲ್
ಮಂಗಳೂರು ಮಾರ್ಚ್ 22: ಮಂಗಳೂರು ಮಹಾನಗರ ಪಾಲಿಕೆಯ ಮಾಜಿ ಮೇಯರ್ ಕವಿತಾ ಸನಿಲ್ ಮುಸ್ಲಿಮರಲ್ಲಿ ಹೆಚ್ಚಿನವರು ಎಸ್ ಡಿಪಿಐನವರು ಎಂದು ಹೇಳುವ ಮೂಲಕ ವಿವಾದ ಸೃಷ್ಠಿಸಿದ್ದಾರೆ.
ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಮಂಗಳೂರಿಗೆ ಭೇಟಿ ನೀಡಿದ್ದ ಸಂದರ್ಭದಲ್ಲಿ ಕಾಂಗ್ರೆಸ್ ಮುಖಂಡರಿಗೆ ಭರ್ಜರಿ ಊಟದ ವ್ಯವಸ್ಥೆಯಾಗಿತ್ತು. ಸಚಿವ ರಮಾನಾಥ ರೈ, ಜಿಲ್ಲಾ ಪಂಚಾಯತ್ ಸದಸ್ಯ ಮಹಮ್ಮದ್ ಸೇರಿದಂತೆ ಇತರರು ಊಟ ಮಾಡುತ್ತಿದ್ದ ವೇಳೆ ನಡೆದ ಚರ್ಚೆಯಲ್ಲಿ ಕವಿತಾ ಸನಿಲ್ ನಿಮ್ಮವರೆಲ್ಲರನ್ನೂ ನಂಬಲು ಸಾಧ್ಯವಿಲ್ಲ. ನಿಮ್ಮವರಲ್ಲಿ ಹೆಚ್ಚಿನವರು ಎಸ್ ಡಿಪಿಐ ಎಂದು ಮುಸ್ಲಿಂ ಮುಖಂಡರಿದ್ದಾರೆ ಎಂದು ಹೇಳಿದ್ದಾರೆ.
ಸಚಿವ ಬಿ. ರಮಾನಾಥ ರೈ ಮುಂದೆ ಕವಿತಾ ಸನಿಲ್ ಈ ಹೇಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿರೋಧ ಪಕ್ಷಗಳಿಂದ ಎಸ್ ಡಿಪಿಐ ಹಾಗೂ ಪಿಎಫ್ ಐ ಬ್ಯಾನ್ ಮಾಡಬೇಕೆಂಬ ಸಾಕಷ್ಟು ಒತ್ತಾಯಗಳು ಕೇಳಿ ಬಂದಿದ್ದವು. ಆದರೆ, ಇದೀಗ ಕಾಂಗ್ರೆಸ್ ನಲ್ಲೂ ಎಸ್ ಡಿಪಿಐ ವಿರೋಧಿ ಭಾವನೆ ಕೇಳಿಬಂದಿದೆ.
ಅಲ್ಲದೇ, ಜಾತ್ಯಾತೀತ ಮುಸ್ಲಿಂ ಬಾಂಧವರಿಂದಲೇ ತಾನು ಗೆದ್ದಿರುವುದು ಎಂದು ಹೇಳಿದ್ದ ರೈ ಎದುರೇ ಮುಸ್ಲಿಮರನ್ನು ಎಲ್ಲರನ್ನೂ ನಂಬಲು ಸಾಧ್ಯವಿಲ್ಲ, ಹೆಚ್ಚಿನವರು ಎಸ್ ಡಿಪಿಐನವರು ಎಂದಾಗಲೂ ರೈ ಸುಮ್ಮನಿರುವುದು ಪ್ರಶ್ನೆ ಮೂಡಿಸಿದೆ.
