ಪೋಲಿಸ್ ಲಾಕ್ ತುಂಡರಿಸಿ, ಬೈಕ್ ಸವಾರ ಬೈಕಿನೊಂದಿಗೆ ಪರಾರಿ

ಪೋಲಿಸ್ ಲಾಕ್ ತುಂಡರಿಸಿ, ಬೈಕ್ ಸವಾರ ಬೈಕಿನೊಂದಿಗೆ ಪರಾರಿ

ಮಂಗಳೂರು, ಡಿಸೆಂಬರ್ 08 : ನೋ ಪಾರ್ಕಿಂಗ್ ನಲ್ಲಿದ್ದ ಬೈಕಿಗೆ ಲಾಕ್ ಮಾಡಿದ ಪೊಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸಿ ಬೈಕ್ ಸವಾರ ಪರಾರಿಯಾದ ಘಟನೆ ಮಂಗಳೂರು ನಗರದಲ್ಲಿ ನಡೆದಿದೆ.

ಮಂಗಳೂರು ನಗರದ ಪಿವಿಸ್ ಎಂ. ಜಿ. ರೋಡಿನ ಮಾನಸ ಟವರ್ಸ್ ಬಳಿ ರಸ್ತೆಯಲ್ಲೇ ಬೈಕೊಂದನ್ನು ನಿಲ್ಲಿಸಲಾಗಿತ್ತು.

ಸಂಚಾರಿ ನಿಯಮಗಳನ್ನು ಗಾಳಿಗೆ ತೂರಿ ಪಾರ್ಕಿಂಗ್ ಮಾಡಿದ ಬೈಕಿಗೆ, ಸಂಚಾರಿ ಪೋಲಿಸರು ಟಯರ್ ಲಾಕ್  ಮಾಡಿ ಹೋಗಿದ್ದರು.

ಆದರೆ ಈ ಬೈಕ್ ಸವಾರ ಬೈಕಿಗೆ ಹಾಕಿದ ಲಾಕ್ ನೋಡಿ ಸಂಚಾರಿ ಪೋಲಿಸ್ ಠಾಣೆಯನ್ನು ಅಥವಾ ಪೋಲಿಸರನ್ನು ಸಂಪರ್ಕಿಸಬೇಕಿತ್ತು.

ತಾನು ಮಾಡಿದ ತಪ್ಪಿಗೆ ದಂಡವನ್ನು ತೆತ್ತು ನಂತರ ಆ ರಸೀದಿ ಸಂಚಾರಿ ಪೋಲಿಸರಿಗೆ ತೋರಿಸಿ, ಹಾಕಿದ ಲಾಕನ್ನು ತೆಗೆಸಬೇಕಿತ್ತು.

ಆದರೆ ಈ ಪುಣ್ಯತ್ಮ ಅದು ಮಾಡುವುದನ್ನು ಬಿಟ್ಟು, ಪೋಲಿಸರು ಹಾಕಿದ ಟಯರ್ ಲಾಕನ್ನೇ ಮುರಿದು ದ್ವಿಚಕ್ರ ವಾಹನದೊಂದಿಗೆ ಪರಾರಿಯಾಗಿದ್ದಾನೆ.

ಪೋಲಿಸ್ ಲಾಕನ್ನೇ ಮುರಿದು ವಾಹನದೊಂದಿಗೆ ಪರಾರಿಯಾದ ಈ ಭೂಪನನ್ನು ಇದೀಗ ಪೋಲಿಸರು ಹುಡುಕುತ್ತಿದ್ದು, ಅವನ ಬಂಧನ ಕೂಡ ಪೋಲಿಸರಿಗೆ ಪ್ರತಿಷ್ಟೆಯ ವಿಷಯವಾಗಿದೆ.

ಕಾರಣ  ಸಾಮಾಜಿಕ ಜಾಲತಾಣಗಳಲ್ಲಿ ಚಿತ್ರದೊಂದಿಗೆ ಹರಡಲಾರಂಭಿಸಿದೆ.