LATEST NEWS
ಸದ್ದಿಲ್ಲದೆ ಯುವಕರನ್ನು ಕಾಡುತ್ತಿದೆ ‘ಹಾರ್ಟ್ ಆ್ಯಟಕ್’, ಈ 5 ಹಣ್ಣುಗಳನ್ನು ಸೇವಿಸಿ ಹೃದಯಾಘಾತ ತಪ್ಪಿಸಿ.!!
ಇತ್ತೀಚಿನ ದಿನಗಳಲ್ಲಿ ಹೃದಯಾಘಾತದ ಅಪಾಯವು ಯುವಕರಲ್ಲಿ ಹೆಚ್ಚುಗುತ್ತಿದೆ. ಹೃದಯಾಘಾತದ ಲಕ್ಷಣಗಳು ಎಷ್ಟು ನಿಶ್ಯಬ್ದವಾಗಿರುತ್ತವೆ ಎಂದರೆ ಅವುಗಳು ಪತ್ತೆಯಾಗುವುದು ತೀರ ಅಪರೂಪ. ಹೃದಯಾಘಾತಕ್ಕೂ ಮುನ್ನ ಕೆಲವು ಲಕ್ಷಣಗಳು ಇದ್ದರೂ, ಜನ ಅಸಡ್ಡೆ ಮಾಡುತ್ತಿದ್ದು ಇದರಿಂದ ಜೀವವನ್ನೇ ಕಳೆದುಕೊಳ್ಳಬೇಕಾಗುತ್ತದೆ.
ಕುತ್ತಿಗೆ ನೋವು, ದವಡೆ, ಗಂಟಲು, ಹೊಟ್ಟೆಯ ಮೇಲ್ಭಾಗ ಅಥವಾ ಬೆನ್ನು, ಕಾಲು ಅಥವಾ ತೋಳು ನೋವು ಮುಂತಾದ ದುರ್ಬಲ ಹೃದಯ ರೋಗಲಕ್ಷಣಗಳನ್ನು ನಿರ್ಲಕ್ಷಿಸುವ ತಪ್ಪನ್ನು ಮಾಡಬೇಡಿ.ಇವುಗಳನ್ನು ತಡೆಗಟ್ಟುವಿಕೆಗಾಗಿ ಆಹಾರವನ್ನು ಸುಧಾರಿಸುವುದು ಬಹಳ ಮುಖ್ಯ. ಇವುಗಳಲ್ಲಿ ಮುಖ್ಯವಾದ ಹಣ್ಣುಗಳು, ಇದು ರುಚಿಕರ ಮಾತ್ರವಲ್ಲ, ಹೃದಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಪ್ರತಿದಿನ ತಿನ್ನುವ ಮೂಲಕ ನಿಮ್ಮ ಅಪಧಮನಿಗಳ ಆರೋಗ್ಯವನ್ನು ಸುಧಾರಿಸುವ ಈ ಪ್ರಮುಖ ಐದು ಹಣ್ಣುಗಳ ಬಗ್ಗೆ ತಿಳಿಯೋಣ..
ಕಿತ್ತಳೆ
ಕಿತ್ತಳೆ ಹಣ್ಣು ಮಾರುಕಟ್ಟೆಯಲ್ಲಿ ಯಾತೇಚ್ಚವಾಗಿ ಸಿಗುತ್ತೆ, ದರದಲ್ಲೂ ಅಷ್ಟೊಂದು ದುಬಾರಿಯಾಗಿರದ ಈ ಹಣ್ಣು ಹೃದಯಕ್ಕೆ ಬಹಳ ಒಳ್ಳೇದು. ಕಿತ್ತಳೆ ಹಣ್ಣಿನಲ್ಲಿ ಉತ್ತಮ ಪ್ರಮಾಣದ ವಿಟಮಿನ್ ಸಿ ಮತ್ತು ಫೈಬರ್ ಇರುತ್ತದೆ. ಇದು ರಕ್ತದೊತ್ತಡ ಮತ್ತು ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಕಿತ್ತಳೆ ರಸ ಅಥವಾ ಕತ್ತರಿಸಿದ ಕಿತ್ತಳೆ ತಿನ್ನುವುದು ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ.
ಬಾಳೆಹಣ್ಣು
ಬಾಳೆ ಹಣ್ಣು ನೋಡದವರು ಬಹುಷ ಇಲ್ಲವೇ ಇಲ್ಲ. ನಿತ್ತ ಸಿಗುವ ಬಾಳೆಹಣ್ಣಿನಲ್ಲಿ ಪೊಟ್ಯಾಸಿಯಂ ಸಮೃದ್ಧವಾಗಿದೆ, ಇದು ಬಿಪಿ ನಿಯಂತ್ರಣದಲ್ಲಿ ಸಹಾಯ ಮಾಡುತ್ತದೆ. ಬಾಳೆಹಣ್ಣುಗಳನ್ನು ನಿಯಮಿತವಾಗಿ ತಿನ್ನುವುದರಿಂದ ಹೃದಯ ಕಾಯಿಲೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಜೊತೆಗೆ ಇದು ಶಕ್ತಿಯ ಉತ್ತಮ ಮೂಲವಾಗಿದ್ದು ನಿಮ್ಮನ್ನು ದಿನವಿಡೀ ಕ್ರಿಯಾಶೀಲವಾಗಿರಿಸುತ್ತೆ.
ಸೇಬುಹಣ್ಣು
ಕಿತ್ತಳೆ, ಬಾಳೆ ಹಣ್ಣಿಗೆ ಹೋಲಿಸಿದ್ರೆ ಸೇಬು ಕೊಂಚ ದುಬಾರಿಯಾದ್ರೂ ಸೇಬುಗಳು ಫೈಬರ್, ಪೊಟ್ಯಾಸಿಯಮ್ ಮತ್ತು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತವೆ, ಇದು ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಸೇಬಿನ ಸೇವನೆಯು ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ ಮತ್ತು ಹೃದಯಾಘಾತದ ಅಪಾಯವನ್ನು ಕಡಿಮೆ ಮಾಡುತ್ತದೆ. ಬೆಳಗಿನ ಉಪಾಹಾರದಲ್ಲಿ ಅಥವಾ ತಿಂಡಿಯಾಗಿ ಇದನ್ನು ಸೇವಿಸಬಹುದಾಗಿದೆ.
ದಾಳಿಂಬೆ
ದಾಳಿಂಬೆಯೂ ಹೃದಯಕ್ಕೆ ಒಳ್ಳೇ ಆಹಾರವಾಗಿದ್ದು ಉತ್ಕರ್ಷಣ ನಿರೋಧಕಗಳು, ವಿಟಮಿನ್ ಸಿ ಮತ್ತು ಫೈಬರ್ ಹೊಂದಿರುತ್ತದೆ. ಇದು ಹೃದಯದ ಅಪಧಮನಿಗಳಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ದಾಳಿಂಬೆ ರಸವನ್ನು ಕುಡಿಯುವುದರಿಂದ ರಕ್ತ ಪರಿಚಲನೆ ಸುಧಾರಿಸುತ್ತದೆ ಮತ್ತು ಅಪಧಮನಿಗಳಲ್ಲಿನ ಊತವನ್ನು ಕಡಿಮೆ ಮಾಡುತ್ತದೆ.
ಬೆರ್ರಿ ಹಣ್ಣು
ಬೆರ್ರಿ ಹಣ್ಣುಗಳು ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿವೆ, ಇದು ಹೃದಯದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದು ಫೈಟೊಕೆಮಿಕಲ್ಸ್ ಅನ್ನು ಹೊಂದಿರುತ್ತದೆ, ಇದು ರಕ್ತದೊತ್ತಡವನ್ನು ಕಡಿಮೆ ಮಾಡಲು ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಸಮತೋಲನದಲ್ಲಿಡಲು ಸಹಾಯ ಮಾಡುತ್ತದೆ. ಪ್ರತಿದಿನ ಒಂದು ಹಿಡಿ ಬೆರ್ರಿ ಹಣ್ಣುಗಳನ್ನು ಸೇವಿಸುವುದರಿಂದ ಹೃದಯದ ಅಪಧಮನಿಗಳು ಬಲಗೊಳ್ಳುತ್ತವೆ.
ಹಾಗಾದ್ರೇ ಇನ್ನೇಕೆ ತಡ.. ನಿತ್ಯ ಆಹಾರದಲ್ಲಿ ಮೇಲ್ಕಂಡ 5 ಹಣ್ಣುಗಳಲ್ಲಿ ಒಂದನ್ನಾದ್ರೂ ಸೇರಿಸಿಕೊಳ್ಳಿ ಮತ್ತು ನಿಮ್ಮ ಹೃದಯದ ಮೂಲ ನಿಮ್ಮ ಆರೋಗ್ಯ ಕಾಪಾಡಿ.
Read also…
